Համեմատելով անհամեմատելիներին

Այս օրերին, երբ թվում է՝ այլեւս ոչնչով հնարավոր չէ զարմացնել մարդկանց, այնուամենայնիվ, դեռ բաներ ես լսում, որից գլխիդ մազերը բիզ-բիզ են կանգնում: Օրերս մի այդպիսի հոդված ընկավ աչքովս հենց «Հրապարակում», որի հեղինակը փորձել էր համեմատել Նիկոլ Փաշինյանին եւ Ռոբերտ Քոչարյանին: Թե ինչ էր ստացվել դրանից, թույլ տվեք չասել, թեեւ նկատելի է, որ հեղինակն այդ միտքը հղացել էր կորոնավիրուսից ազատ ժամերին, երբ պարզապես ուրիշ զբաղմունք չի ունեցել:

Համեմատել Ռոբերտ Քոչարյանին եւ Նիկոլ Փաշինյանին՝ նշանակում է համեմատել միանգամայն անհամեմատելի երեւույթներ: Մյուս կողմից էլ՝ հատկապես Նիկոլ Փաշինյանին հնարավոր չէ համեմատել որեւէ մեկի կամ որեւէ բանի հետ: Փաշինյանի ճշգրիտ նկարագիրը Հակոբ Պարոնյանն է տվել. «... Երիտասարդ մը, որ վաճառականի չէր նմաներ․ սեղանավորի ալ չէր նմաներ, արհեստավորի ալ չէր նմաներ, գործավորի ալ չէր նմաներ, եւ վերջապես անանկ բանի մը կը նմաներ, որուն նմանը չկա»: Եվ ահա, «Հրապարակի» հարգարժան հեղինակը (Սերոբ Մարության) փորձում է Նիկոլ Փաշինյանին համեմատել, ոչ ավել, ոչ պակաս՝ Ռոբերտ Քոչարյանի՝ մի սարսափելի ծանր եւ կոնկրետ անհատականության, խարիզմատիկ պետական գործչի հետ:

Հիմա որ ասեմ՝ ամոթ է նման բան անելը, պիտի ասեք՝ Նիկոլին չի սիրում, դրա համար է այդպես ասում: Բնավ, երբեք: Այստեղ համակրանքն ու հակակրանքը պետք է դնել մի կողմ, որովհետեւ թե՛ Քոչարյանին եւ թե՛ Փաշինյանին ճանաչում ենք բոլորս ու չենք կարող խաբել միմյանց: Կարո՞ղ եք հիշել մի դեպք, երբ Քոչարյանի եւ նրա կառավարության մասին ասվեր՝ «անճարակ»: Դե, եթե չեք հիշում նման դեպք, ուրեմն վերջ տվեք ու լսեք, թե ինչ եմ ասում:

Իր համեմատական վերլուծաբանությունը Սերոբ Մարությանն սկսում է այսպես. «Ռոբերտ Քոչարյանը նախագահական Հայաստանում երկրի ղեկավար դարձավ պալատական հեղաշրջման միջոցով, երբ 44 տարեկան էր։ Իսկ Նիկոլ Փաշինյանն ընտրեց թավշյա, ոչ բռնի հեղափոխության ճանապարհը եւ վարչապետական Հայաստանում երկրի ղեկը ստանձնեց 43 տարեկանում»։ Ի՞նչն է այստեղ համեմատելի, մի՞թե միայն նրանց տարիքը: Ես համեմատության որեւէ այլ եզր չտեսա, եթե չասեմ անճշտությունների մասին: Ռոբերտ Քոչարյանը երկրի ղեկավար է դարձել ընտրություններով, երբ արդեն երկրի վարչապետն էր: Իսկ «պալատական հեղաշրջում» ասվածը բոլորովին այլ պատմություն է, որ հետեւանք էր 1996 թվականի խայտառակ ընտրությունների, որոնք հանգեցրին ԼՏՊ-ի տրամաբանական ինքնամեկուսացմանը: Ասել, որ Քոչարյանն Արցախից եկավ եւ ՀՀՇ-ական պալատում հեղաշրջում արեց, նշանակում է՝ մանուկ Դավիթը գնաց Մսրա Մելիքի զորքի դեմ եւ ջարդեց բոլորին... Մյուս կողմից էլ՝ միամտություն է պնդելը, որ Նիկոլ Փաշինյանն իշխանության գալու մի քանի ճանապարհներից ընտրել է «թավշյա, ոչ բռնի ժողովրդական հեղափոխության» ճանապարհը: Նիկոլը ոչինչ էլ չի ընտրել, ձեր ցավը տանեմ, նա պարզապես այդ ճանապարհով բերվել է իշխանության: Այո, բերվել է, այո, նա հիմա հեռացվում է իշխանությունից, այո, նա այն տիկնիկն է, որին բերում են եւ որին տանում են, երբ կա դրա անհրաժեշտությունը: Քոչարյանն անհատականություն է, դեմք, ինքնուրույն գործիչ: Իսկ ո՞վ է Նիկոլ Փաշինյանը...

Շարունակելով «համեմատել» Ռոբերտ Քոչարյանին եւ Նիկոլ Փաշինյանին, իսկ իրականում վիճելի բաներ վերագրելով Քոչարյանին՝ հոդվածագիրը կատարում է իր վերջին գրառումը, որ կարելի է համարել չարաճճի կեղծարարության եւ անհիմն երազանքի մի համադրություն: Ահա այդ նախադասությունը. «Ակնհայտ է՝ Նիկոլ Փաշինյանը գնում է Ռոբերտ Քոչարյանի ճանապարհով։ Եթե Քոչարյանն արյունով եկավ (Հոկտեմբերի 27), արյունով գնաց (Մարտի 1), ապա թավիշով եկած Նիկոլին, հուսանք, թավիշն էլ տուն կուղարկի»: Ես խնդիր չեմ տեսնում, թող թավիշով բերված Նիկոլը թավիշով էլ հեռացվի, եւ Հայաստանը չենթարկվի նոր փորձությունների: Բայց, ահա, այս նախադասության առաջին մասի հետ համաձայնել չեմ կարող, որովհետեւ ո՛չ Հոկտեմբերի 27-ը եւ ո՛չ էլ Մարտի 1-ը Ռոբերտ Քոչարյանի հետ ուղղակի կապ չունի: Դրանում ես ավելի քան համոզված եմ: Փաշինյանը երկու տարի ուներ որեւէ, թեկուզ ամենաչնչին նորություն բացահայտել վերոնշյալ գործերով, բայց, ավաղ, նա նույնիսկ դա չի արել, որովհետեւ իշխանության է բերվել այն ուժերի միջոցով, որոնք 10 տարի շարունակ շրջել են Հոկտեմբերի 27-ի եւ Մարտի 1-ի շահառուի թիկնոցով, բայց միշտ վախեցել այդ գործերով նոր բացահայտումներից:

Էդիկ Անդրեասյան

hraparak.am

 

դիտվել է 1157 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am