«Վարչապետն ասում էր՝ «խոզի գրիպից» մահացել է 19 մարդ, իսկ մենք ոչ մի մահ չունենք․ այժմ ունենք 74 մահ և բարձիթողի վիճակ»
Ուսանողների հետ տարվող աշխատանքների կենտրոնի տնօրեն Վահագն Վարագյանը իր ֆեյսբուքյան էջում գրել է․
«Գիտեք ի՞նչն է ցավալի: Երբ Հայաստանում կար կորոնավիրուսով վարակված մեկ դեպք, վարչապետն ի լուր աշխարհի հայտարարում էր, թե «խոզի գրիպից» մահացել է 19 մարդ, իսկ մենք ոչ մի մահ չունենք: Ու նորից ցեխ էր շպրտում նախկինների վրա, բաժանարար գծեր տանում, սևերի ու սպիտակների բաժանում ու շատ-շատ մարդիկ ասում էին՝ դե ճիշտ է ասում էլի: Այսօր, ցավոք, համավարակի դեմ պայքարի բարձիթողի վիճակի պատճառով ունենք 74 մահ ու դեռ չգիտենք, թե պիկին հասե՞լ ենք, թե՞ ոչ: Հենց այս մեկ պատճառն էլ բավարար է, որպեսզի Նիկոլ Փաշինյանը հեռանա ու երկրում ձևավորվի ազգային փրկության կառավարություն: Հակառակ դեպքում սա կարող է կործանարար ազդեցություն ունենալ մեր երկրի համար: Առողջություն ու համբերություն բոլոր հիվանդներին և մեր ժողովրդին»:
Հետևեք մեզ Viber-ում
