Միջազգային սկանդալի ծանր բեռը. մաքսանենգության օղակը սեղմվում է

ՌԴ Վորոնեժ քաղաքի օդանավակայանում առգրավվել է Հայաստանից ժամանած մաքսանենգ ծխախոտի հերթական խմբաքանակը: Ինչպես փոխանցում է EADaily-ն, հաստատված տեղեկությունների համաձայն՝ ուղեբեռը հայտնաբերվել է ճանապարհային ոստիկանության կողմից, որն ուղարկվել է փորձաքննության:

Աղբյուրի տվյալներով՝ Վորոնեժի օդանավակայանի մուտքի մոտակայքում մի քանի տասնյակ տոննա կշռող մաքսանենգ ծխախոտի խմբաքանակին 3 մեծ բեռնատարներ էին սպասում, որոնք պետք է հետագայում ուղեբեռը հասցնեին Ստավրոպոլ: Որոշ տեղեկությունների համաձայն՝ անօրինական ուղեբեռը ժամանել է Հայաստանից մայիսի 9-ին: Աղբյուրը հիշեցնում է, որ ապրիլի 25-ին ՌԴ Անվտանգության դաշնային ծառայության աշխատակիցները մաքսային ծառայության աշխատակիցների հետ համատեղ գործողությունների արդյունքում Կրասնոդար քաղաքի օդանավակայանում Հայաստանից ժամանած խոշոր խմբաքանակի ծխախոտ էին առգրավել:

Ծխախոտը տեղափոխել էր ԱԻՆ-ի ինքնաթիռը, որի թռիչքը մեկնարկել էր Երևանից և ըստ փաստաթղթերի՝ ուղևորվելիս էր եղել Աֆղանստան: Ուղեբեռն ընդհանուր առմամբ 40 տոննա էր կշռում: Վերջին մամուլի ասուլիսի ժամանակ Նիկոլ Փաշինյանն այս հարցին շատ հպանցիկ անդրադարձավ` նշելով, որ մաքսանենգ ծխախոտի հարցով զբաղվում են իրավապահները: «Ես ուզում եմ արձանագրել, որ ծխախոտի արտահանման հարցում ՊԵԿ-ը ապօրինություն թույլ չի տվել, մեղավորն արտահանողներն են, որոնք պետք է արտահանեին այլ երկիր, բայց որոշել էին ուրիշ երկրում վաճառել։ Այդտեղ էլ իրավապահները պետք է պարզեն»,- նշել էր Փաշինյանը:

Անդրադառնալով ԶԼՄ-ներում տարածված այն տեղեկությանը, թե
այդ մաքսանենգ սխեման ղեկավարել են իր ընտանիքի անդամները, այդ թվում՝ իր կնոջ եղբայր, «Իմ քայլի» պատգամավոր Հրաչյա Հակոբյանը, նա նշել էր. «Ինչ վերաբերում է կնոջս եղբոր հետ կապված դրվագին, տեղյակ եմ, որ Հրաչյա Հակոբյանը դատական հայց է ներկայացրել, և ուրախ եմ, որ տեղի կունենա հրապարակային դատական գործընթաց, որի ընթացքում բոլորդ հնարավորություն կունենաք տեսնելու՝ ինչն է ճիշտ, ինչն է սխալ։ Բայց կա մի նրբություն, որը ես ուզում եմ նշել. այդ ծխախոտի արտահանման պարագայում Հայաստանի մաքսային մարմինները ոչ մի իրավախախտում, ոչ մի չարաշահում թույլ չեն տվել»,- հայտարարել էր Փաշինյանը։

Փաշինյանի այս դիտարկումը հետաքրքիր է այնքանով, որ նա մի կողմից չի հերքում, ավելին` հաստատում է, որ Հայաստանից խոշոր խմբաքանակի մաքսանեգություն է կատարվել, մյուս կողմից էլ պնդում է, թե Հայաստանի համապատախան պետական կառույցը որևէ խախտում թույլ չի տվել: Եվ ահա նրա հայտարարությունից ընդամենը 2 օր անց ռուսական լրատվամիջոցները հայտնում են երկրորդ խոշոր խմքաքանակի մասին: Եվ եթե Կրասնոդարում առգրավված խմբաքանակի դեպքում կար պատճառաբանություն, թե այնտեղից ծխախոտը պետք է տեղափոխվեր Աֆղանստան, և Հայաստանը ընդամենը թույլ է տվել բեռնափոխադրում բոլոր կանոնակարգերով, ապա այժմ արդեն այդ պատճառաբանությունն այլևս չի փրկում: Վորոնեժ քաղաքի օդանավակայանից մի քանի բեռնատար ծխախոտը, ըստ հրապարակված տեղեկության, պետք է տարվեր Ստավրոպոլ, ինչը նշանակում է, որ ծխախոտը նախատեսված է եղել ռուսական շուկայի և ոչ թե Աֆղանստանի համար: Հիմա Հայաստանը ստիպված է բացատրություն տալ, թե ինչու է արտահանման փաստաթղթերում որպես ընդունող երկիր նշվել Աֆղանստանը և, որ ավելի հետաքրքիր է, ինչպես է պատահել, որ ծխախոտը մաքսազերծված չի եղել: Այս սխեմայով Հայաստանն ակամայից ներքաշվում է միջազգային մաքսանենգության ցանցի մեջ և Նիկոլ Փաշինյանի ասած` «մեղավորն արտահանողներն են» հիմնավորումը, եթե անգամ դա բացարձակ ճշմարտություն է, մեր պետությանը չի ազատում միջազգային սկանդալից:

Իսկ եթե իրադարձությունների շղթային նայում ենք ընդհանրական, ապա միանգամից նկատելի է, որ Փաշինյանի շուրջ ռուսական շրջանակների օղակը հետզհետե սեղմվում է: Այնպիսի տպավորություն է, որ Ռուսաստանի ղեկավարության հետ այս պահին գործնական համագործակցություն գրեթե չկա: Հակառակ պարագայում Նիկոլ Փաշինյանը րոպե առաջ ՖԲ ուղիղ եթերում կհայտարարեր, որ տեղի ունեցածը սովորական հանցագործություն է, որի բացահայտման ուղղությամբ հայ և ռուս իրավապահները համագործակցում են, և ինքն անձամբ է այս թեմայով զրուցել Մոսկվայի հետ: Նման հայտարարություն չկա: Ավելին` անգամ Մայիսի 9-ին ավանդական Երևան- Մոսկվա պաշտոնական հեռախոսազրույց տեղի չի ունեցել, փոխարենը ռուսական ԶԼՄ-ներում սկանդալային տեղեկություններ հայտնվեցին, թե Հայաստանի վարչապետ Նիկոլ Փաշինյանի պապը Հայրենական մեծ պատերազմում կռվել է Կարմիր բանակի դեմ: Փաշինյանի խոսնակը հերքել է` նշելով, որ այդ լուրերը սուտ են և հետապնդում են քաղաքական նպատակներ: Թերևս պետք է հասկանալ, թե որոնք են այդ քաղաքական նպատակները: Ամեն դեպքում, այդ նպատակները չեն բխում Նիկոլ Փաշինյանի շահերից:


Հայկ  Դավթյան

դիտվել է 8292 անգամ
Լրահոս
Նիկոլի «զեմլյակը»՝ «Խաղաղության դարաշրջանի» արցախյան դեսպան Ինչպես է Նիկոլը տեղահանում հայերին․ Արմեն Գրիգորյանը ոչ լեգիտիմ կհայտարարի՞ Նիկոլին Վերաքննիչ քաղաքացիական և քրեական դատարանները նոր նախագահներ ունեն Նիկոլի վերջնական ու որոշիչ «դոբռոյով» է հաստատվել այն երթուղին, որը շրջանցում է Բերձորն ու Աղավնոն Փաշինյանն ու Պուտինը քննարկել են հայ-ադրբեջանական սահմանի անվտանգության ապահովման հարցերը Ռուս խաղաղապահների մանդատը. Գաղտնիք ու սկանդալ չպետք է լինեն Ավտովթար Սյունիքի մարզում. 46–ամյա վարորդը Mercedes-ով բախվել է ծառին «Վեոլիա ջուր»-ը ցանկանում է բարձրացնել ջրի սակագինը Ճանապարհը միակն է, չկա այլ տարբերակ Ահազանգ․ բարձրահարկի կայանատեղիում կասկածելի ճամպրուկ է հայտնաբերվել Գերիների ծնողները նստացույց են անում կառավարության շենքի մոտ Նիկոլը կառավարության նիստին բացահայտեց՝ էլ ինչն է հանձնելու Ադրբեջանին. Թաթուլ Պետրոսյան (video+) Արցախում վիրավորված 19 զինծառայողներից 2-ը դուրս են գրվել հիվանդանոցից Կոտայքում Mercedes-ը դուրս է եկել երթևեկելի գոտուց, բախվել ծառին Պետրո՛ս, դե լսեք դու ու Նիկոլը, թե ոնց մենք կարող ենք կանգնեցնել թուրքին… Դավիթ Մկրտչյան (video) Lուսանկարներ` Էրիկ Կարապետյանի հարսանեկան արարողությունից Առաջին դասարանցիների ընդունելության համար բժշկական տեղեկանք չի պահանջվում Վարչապետ Փաշինյանի՝ Քուրբան բայրամի առիթով կատարած հեռախոսազանգի ժամանակ շատ կառուցողական խոսակցություն անցկացրեցինք.Էրդողան Բարձր կարգի հրդեհավտանգ իրավիճակը կպահպանվի Ադրբեջանցիները զանգահարում են հայկական տուրիստական ընկերություններին` խնդրելով իրենց տանել Բերձոր․ Yerkir.am Հայաստանի շախմատի տղամարդկանց հավաքականը հաղթեց Ադրբեջանի թիմին Ինչ՞ հնարավոր ազդեցություն կարող են թողնել ռուս-թուրքական համաձայնությունները Արցախի խնդրի վրա Արայիկ Հարությունյանը Աղավնոյի, Բերձորի բանալիները հանձնում է Ադրբեջանին․ Էդիկ Անդրեասյան (video) Ով եք այ անլվաներ․օգոստոսի 25-ը Հայաստանի թրքաթափման օրն է լինելու․Էդգար Ղազարյանը հունից դուրս եկավ (video) Խոշոր ավտովթար Թբիլիսյան խճուղում․ 5 վիրավորներից մեկը հղի կին է
Ամենաընթերցվածները
Շուտով
Օգոստոսի 9-ին, ժամը 15:00-ին Հայելի ակումբի հյուրն է քաղաքագետ Ստեփան Հասան-Ջալալյանը: Օգոստոսի 9-ին, ժամը 14:00-ին Հայելի ակումբի հյուրն է քաղաքագետ Սերգեյ Շաքարյանցը։ Օգոստոսի 9-ին, ժամը 13:00-ին Հայելի ակումբի հյուրն է հասարակական-քաղաքական գործիչ, «Դեմոկրատական կուսակցության» փոխնախագահ Նարինե Դիլբարյանը: Օգոստոսի 9-ին, ժամը 11:00-ին Հայելի ակումբի հյուրն է ՀՀԿ ԵԿ ղեկավար Հենրիխ Դանիելյանը: Օգոստոսի 9-ին, ժամը 11:30-ին Հայելի ակումբի հյուրն է ադրբեջանական հարցերով փորձագետ Արմինե Ադիբեկյանը: Օգոստոսի 9-ին, ժամը 10:30-ին Հայելի ակումբի հյուրն է Երևանի նախկին ավագանու անդամ Սոնա Աղեկյանը: Օգոստոսի 8-ին, ժամը 13:00-ին Հայելի ակումբի հյուրն է ոստիկանության գնդապետ Թաթուլ Պետրոսյանը: Օգոստոսի 8ին, ժամը 12:30-ին Հայելի ակումբի հյուրն է ազատամարտիկ Դավիթ Մկրտչյանը։ Օգոստոսի 8-ին, ժամը 12:00-ին Հայելի ակումբի հյուրն է հրապարակախոս Էդիկ Անդրեասյանը: Օգոստոսի 8-ին՝ ժամը 11:00-ին Հայելի ակումբի հյուրն է ՍԴ աշխատակազմի նախկին ղեկավար Էդգար Ղազարյանը։
Հետևեք մեզ Facebook-ում https://www.facebook.com/hayeliclub