Գյումրիում ռուս զինծառայողի սպանության գործով ձերբակալվածը հայ է. NEWS.am
Գյումրիի ռուսական 102-րդ ռազմաբազայի զինծառայող Դմիտրի Յալպաեւի սպանության գործով ձերբակալվածը հայ է։ Այս մասին հայտնում են NEWS.am-ի աղբյուրները։ Ոստիկանությունն առայժմ հաղորդում է նրա անվան եւ ազգանվան սկզբնատառերը՝ 20-ամյա Ջ. Ա.: Ավելի վաղ հաղորդվել էր, որ ապրիլի 22-ին Գյումրիի Բուլվարային փողոցի մոտ գտնվող Արգո խանութի մոտ հայտնաբերվել է ռուսական 102-րդ ռազմաբազայի զինծառայող 1996թ․ ծնված Դմիտրի Յալպաև Սերգեյի դին պարանոցի շրջանում սուր կտրող ծակող գործիքից ստացած վնասվածքով։ Դեպքի առթիվ հարուցվել է քրեական գործ 104-րդ հոդվածի 1-ին մասի հատկանիշներով։ Կատարվում է նախաքննություն դեպքի մանրամասները պարզելու համար։