«Всего навсего 2 մլն-անոց երկիր ենք, հո մենք Չինաստանում չենք գտնվում».Վ.Բոստանջյան
ԲՀԿ անդամ Վարդան Բոստանջյանը Հայելի ակումբում հրավիրված ասուլիսում հայտարարեց.«Մենք ընդլայնված խումբ ենք, որը կարող է առավելություն լինել՝ մրցակցության պայմաններում: Ծառուկյանը լայն կոնսոլիդացիա ասեց՝ հանրություն, հասարակություն, քաղաքական ուժեր, հավաքվենք համակարգը փոխենք: Որ չեն հավաքվում, փոփոխության համար չկան, հումք չունես դու, ո՞նց անես, արհեստականորեն կոնսոլիդացիա՞ ստեղծես: Հիմա տեսեք էն ավանդական ուժին, էն մյուսին, պարզվում է՝ իրար գզվռտոց է, դուք կուզենա՞ք այդպիսի մարդկանց թողեք ձեր տան մեջ, բա էլ ի՞նչ կոնսոլիդացիայի մասին եք խոսում: Համակարգային մեծ փոփոխություններ կատարելու համար լայն կոնսոլիդացիա է պետք: Մենք չենք ասում՝ հիմա կստեղծենք: Всего навсего 2 մլն-անոց երկիր ենք, հո մենք Չինաստանում չենք գտնվում՝ 1.5 մլրդ-ի կոնսոլիդացնենք»: Մենք մի անգամ տեսել ենք վախեցած Գագիկ Ծառուկյանին, ինչպե՞ս էիք կարողանալու համախմբում իրականացնել հարցին Վարդան Բոստանջյանը պատասխանեց. «Վախեցած:էդ բառը սազակա՞ն է, որ դուք արտաբերում եք: Պարզապես ձեզ ուզում եք «վոլնի»՝ ազատ զգաք ու բարձրաձայնում եք: Մենք ունեցանք Մարտի 1, 10 զոհեր, որը երբեք չի մոռացվի: Մարդիկ, ինչ էլ կատարվի՝ լավ, թե վատ ապրենք, միշտ հիշելու ենք Մարտի 1-ը: Դուք ասում եք՝ թող տեղի ունենար այդ օրը մի բան, որը Մարտի 1-ից ուժեղ պայթյուն լիներ: Դա արկածախնդրություն կլիներ, իմ կարծիքով»: Լրագրողները ճշտեցին՝ ո՞վ պետք է կրակեր, եթե արյունահեղություն պիտի տեղի ունենար, կարո՞ղ եք անունն ասել՝ Վարդան Բոստանջյանը պատասխանեց. «Ես որտեղի՞ց իմանամ, ես էդ տեղամասերում չեմ գտնվել»: