Սա ողբերգություն է.ամբողջ գիշեր ոստիկանությունում նստել, մտածել են՝ ոնց հերքեն, որ հիվանդանոցում սպանություններ են եղել.Համբարյան (video)
ՇՊՀ դասախոս, քաղաքագետ Գագիկ Համբարյանը hayeli.am-ի հետ զրույցում անդրադարձել է Գավառում տեղի ունեցած երեկվա ողբերգական միջադեպին:
Հիշեցնենք՝ երեկ դրությունը բավականին լարված էր Գավառում:
ArmLur.am-ին հասած նախնական տեղեկությունների համաձայն՝ այսօր Գավառի ճանապարհին հնչած կրակոցներից հետո Նորատուսի բնակիչները չեն հանդարտվել :
Ճշտվող տեղեկությունների համաձայն՝ վերջիններս երկաթյա ձողերով մտել են Գավառի հիվանդանոց, որտեղ հսկողություն են իրականացնում ոստիկանները։ Այնտեղ է եղել անգամ ՀՀ ոստիկանապետ Արման Սարգսյանը, սակայն իրավիճակը չի կարողացել վերահսկել:
Ձողերով և դանակներով զինվածները սկսել են ջարդուփշուր արել հիվանդանոցի գույքը, որից հետո, հրելով, քանդելով հիվանդանոցում հսկողություն իրականացնող ոստիկանների կազմած պատնեշը, մուտք են գործել այն սենյակ, որտեղ պառկած են եղել կրակոցների արդյունքում վիրավորված երկու անձիք եւ դանակով կտրել են նրանց երկուսի վիզը: Այդպես վրեժ լուծելուց հետո հեռացել են:
ArmLur.am-ին հաջողվեց պարզել, որ վզի կտրվածքի հետևանքով սպանվածներից մեկի անունը Արմեն է, իսկ մյուսինը՝ Խաչիկ:
Սակայն ոստիկանությունը դեպքից 12 ժամ անց հաղորդագրություն է տարածել, որ Գավառի հիվանդանոցում ոչ մեկի վիզն էլ չեն կտրել:
Մանրամասները՝ տեսանյութում.