Սա կլասիկ օրինակ է՝ իրավապաշտպանության ընտրովիության և արգումենտացիայի երկակի ստանդարտների. Արամ Օրբելյան

ՀՀ երկրորդ նախագահ Ռոբերտ Քոչարյանի գործով առնվազն չորրորդ դեպքն է, երբ խափանման միջոցի վերաբերյալ հարցը շատ երկար ժամանակ չի քննվում և առնվազն երկրորդ դեպքն է, երբ երկար ժամանակ փաստացի դատարան չկա: Այս մասին «Փաստինֆո»-ի հետ զրույցում ՀՀ երկրորդ նախագահ Ռոբերտ Քոչարյանի պաշտպանական խմբի անդամ Արամ Օրբելյանը:

«Ամանորից առաջ դատավորներից մեկը հետաձգել էր, հետո ինքնաբացարկ էր հայտնել, հետո վերամակագրվել էր և արդյունքում այդպես էլ չէր քննվել գրավի միջնորդությունը, եկել միացել էր խափանման միջոցի երկարացման միջնորդությանը»,- նշեց Օրբելյանը՝ հիշեցնելով նաև դատավոր Դավիթ Գրիգորյանի դեպքը, երբ նրա նկատմամբ քրեական գործ հարուցվեց, նա հեռացվեց գործի վարույթից և Վերաքննիչ քրեական դատարանը շատ երկար նյութերը չէր ուղարկում:

Օրբելյանի խոսքով՝ խափանման միջոցի վերաբերյալ միջնորդությունը պետք է քննվի անհապաղ, այսինքն՝ ոչ թե ողջամիտ ժամկետում, այլ՝ անմիջապես:

Հիշեցնենք, որ ՀՀ երկրորդ նախագահ Ռոբերտ Քոչարյանի նկատմմամբ անձնական երաշխավորությունը որպես խափանման միջոց ընտրելու մասին միջնորդությունը ներկայացվել է դեռեւս մարտի 16-ին սակայն մարտի 17-ին նշանակված դատակաին նիստը չկայացավ, միջնորդությունը չքննարկվեց ու նիստն անժամկետ հետաձգվել է: Ըստ ԲԴԽ-ի հայտարարության գործով նախագահող դատավոր Աննա Դանիբեկյանը վիրահատվել է:

Պաշտպանները դիմեցին նաև Երևանի դատարանի նախագահին՝ խնդրելով վերահասցեագրել միջնորդության քննությունը և մակագրել այլ դատավորի, ինչը մերժվեց:

«Խափանման միջոցի հարցը սահմանում է ժամկետ: Գրված է անհապաղ, ինչը ևս ժամկետ է: Այդ ժամանակ դատավորի բացակայության միջնորդությունը պետք է վերամակագրվի այլ դատավորի, բայց տեսնում ենք, որ միջնորդությունը չի վերամակագրվել այլ դատավորի, այլ՝ բերում կցվում է գործին, որ այս հարցի վերաբերյալ Աննա Դանիբեկյանը որոշում կայացնի»,- ասաց Օրբելյանը՝ նշելով, որ պարզ է, որ առողջ լինի և վերադառնա, այդ նամակը, խնդրանքը կունենա զրո արժեք:

Փաստաբանն ընդգեց, որ խախտվում են մի շարք իրավունքներ, այդ թվում ՝ արդյունավետ դատական պաշտպանության իրավունքը, ազատության իրավունքը, արդար դատաքննության իրավունքը:

Նշենք, որ Աննա Դանիբեկյանը ներկայացրել է անաշխատունակության թերթիկ ու պարզ չէ, թե երբ կվերադառնա աշխատանքի:

«Բոլոր մարդիկ, ովքեր հեռուսատէկրաններից չէին իջնում՝ հայտարարելով, որ պարոն Քոչարյանը ձգձգում է: Երբ նիստ չի լինում, պարոն Քոչարյանն անազատության մեջ է և կա խնդիր բարձրաձայնելու, թե ինչու նիստ տեղի չի ունենում, ոչ ոք ոչինչ չի խոսում, չի քննարկում, ոչ ոք հետաքրքրություն չունի: Իսկ երբ մենք ենք խնդիրներ տեսնում և միջնորդություններով բարձրաձայնում ենք, բոլորը համահունչ միահամուռ ուժերով սկսում են գոռալ, որ մենք ձգձգում ենք դատական նիստերը: Սա կլասիկ օրինակ է՝ իրավապաշտպանության ընտրովիության և արգումենտացիայի երկակի ստանդարտների»,- ասաց Օրբելյանը:

Հարցին, թե արդյո՞ք պաշտպանն այցելել է պարոն Քոչարյանին և ինչպես է գնահատվում նրա առողջական վիճակը, Օրբելյանն ասաց, որ այցելել է մեկ-երկու օր առաջ: Նրա խոսքով՝ կորոնավիրուսի համավարակով պայմանավորված աշխատում է շատ չայցելել՝ միմիմալացնելով պոտենցիալ վարակելու ռիսկը:

Անդրադառնալով՝ առողջական վիճակին` Ա.Օրբելյանն ասաց, որ բժշկական էկիպրիզի համաձայն որոշակի բուժման կարիք կա:

«Դեղորայքը, որը նշանակված է, նախատեսված է ստացիոնար բուժման ժամանակ ընդունելու համար, այլ ոչ թե՝ ամբուլատոր բուժման համար: Կարող եմ ասել՝ ոչ լավ, ոչ վատ, առաջին հայացքից չեմ կարող գնահատել, բայց կան որոշակի հանգամանքներ, որոնք անհանգստացնում են»,- ասաց Օրբելյանը՝ նշելով, որ բժիշկների հետ քննարկումից կարող է ասել, որ կան լուրջ խնդիրներ՝ կապված բուժման ավարտի, հիվանդանոցից դուրս պայմաններում բուժումն ընդունելու հետ, կորոնավիրուսի՝ ՔԿՀ տեղափոխվելու հետ :

Ավելի վաղ տեղեկացրել ենք, որ մարտի 7-ի երեկոյան երկրորդ նախագահը տեղափոխվել էր «Նաիրի» բժշկական կենտրոն՝ արյան ճնշման կտրուկ տատանման և ինքնազգացողության վատացման պատճառով, որտեղից մարտի 8-ին տեղափոխվել է «Էրեբունի» բժշկական կենտրոն ու շարունակում էր ստացիոնար բուժում ստանալ։

Ըստ «Էրեբունի» ԲԿ-ից ստացված տեղեկանքի՝ Ռոբերտ Քոչարյանի մոտ ախտորոշվել են սուր վեստիբուլոպատիա, զարկերակային հիպերտենզիա 3-րդ աստիճանի, սրտի ռիթմի խանգարում, հաճախակի փորոքային էքստրասիստելաներով բարձր կարդիովասկուլյար ռիսկ։

Ապրիլի 3-ին հայտնի դարձավ, որ նրան բժշկական կենտրոնից տեղափոխել են ՔԿՀ:

Փաստաբանները գտնում են, որ Ռոբերտ Քոչարյանի առողջական վիճակը թույլ չի տալիս, որ նա պահվի ՔԿՀ-ում, որտեղի աշխատակիցները դեռ չեն հանձնել կորոնավիրուսի թեստը։

Նշենք, որ «Վարդաշեն» ՔԿՀ Պահպանության բաժնի աշխատակիցների մոտ արդեն հայտնաբերվել է կորոնավիրուս:

ԵԽ՝ Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեի հանձնարարական էր տվել անդամ-պետություններին, համավարակով պայմանավորված փոխել անազատության մեջ գտնվող անձանց խափանման միջոցները: Հայաստանում առանձին դատավորներ, սեփական նախաձեռնությամբ, արդեն իսկ անգամ առանձնապես ծանր հանցագործությունների մեջ մեղադրվող անձանց նկատմամբ կիրառվում է գրավ, սակայն նման դատավորների թիվը խիստ սահմանափակ է:

դիտվել է 173 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am