Ուր է նախկին Նիկոլ Փաշինյանը. քաղաքացին՝ Փաշինյանին
Ուր է նախկին Նիկոլ Փաշինյանը, երբ են նախկին հանցագործները պատժվելու և արդյոք չեք կարծում, որ ժամանակն է հանքերը պետականացնելու։ Արդյոք չէք կարծում, որ նմանվել է նախկիններինն, նման հարց ուղղեց վարչապետ Նիկոլ Փաշինայնին քաղաքացիներից մեկը:
«Անկեղծ ասած, չեմ կարծում, որ նախկիններին նմանվում եմ, որովհետև եթե զգամ, որ նախկիններին նմանվում եմ նույն պահին կհեռանամ այս սենյակից, որովհետև դա ինձ համար բարոյական ավարտ կլինի, որը ես թույլ չեմ տա»,-պատասխանելով քաղաքացու հարցին ասաց վարչապետը։
Անդրադառնալով հարցին, թե երբ են նախկին հանցագործները պատժվելու, Փաշինյանը հարցրեց՝ իսկ ով է ասել, որ միայն նախկինները պետք է պատժվեն, իսկ ընթացիկ հանցագործները չպատժվեն։
«Հիմա ԱԺ-ում քննարկվում է ապօրինի գույքի բռնագանձման մասին օրենքը, որն առաջին ընթերցմամբ ընդունվել է և հույս ունեմ, որ երկրորդ ընթերցմամբ էլ կընդունվի ու երբ այն ուժի մեջ մտնի, Հայաստանում կսկսվի ապօրինի ձեռք բերված գույքերի բռնագանձման պրոցեսը, որը քրեական գործերի հետ կապ չունի, սրանք քաղաքացիական վարույթով են իրականացնելու և քրեական գործերից առանձին են ուսումնասիրվելու»,-հայտնեց Փաշինյանը։