Բանկի մասնաճյուղերում հերթեր են. մարդիկ զրո տոկոսով գյուղվարկեր են ստանում. Փաշինյան
Մենք գյուղատնտեսության ոլորտում շատ կարեւոր ծրագրեր ենք իրականացնում. կորոնավիրուսի շրջանում կարեւոր որոշումներ ենք կայացրել եւ կառավարությունը հիմնականում զրոյացրել է գյուղացիական վարկերի տոկոսադրույքները, քաղաքացիների հարցերին պատասխանելիս հայտարարեց ՀՀ վարչապետ Նիկոլ Փաշինյանը անդրադռանալով հարցին, թե ի՞նչ անեն այն գյուղացիները, որոնք չունեն բավարար գումար իրենց աշխատանքները սկսելու համար:
«Ես այսօր ահազանգեր են ստանում, որ բանկերում վարկ ստանալու համար հերթ է և սոցիալական հեռավարությունը չի պահվում»,-ասաց նա և ներկայացրեց կառավարության աջակցության ծրագրերը: Վարչապետն ասաց, որ կհետևեն, և եթե տեսնեն, որ հասանելիությունը բավարար չափով ապահովված չէ, կանեն փոփոխություններ:
Մինչեւ մեկ մլն դրամանոց վարկեր են տրվում առանց տոկոսի: Կառավարությունը հետեւում է եր երբ այդ 2 մլրդ դրամի պաշարը սպառվի, մենք նոր միջոցներ կներգրավենք, որ այս տարի մեր բոլոր հայրենակիցները, որոնք ուզում են ստանալ վարկեր եւ ունեն համապատասխան վարկային պատմություն, նրանք դրանք ստանան»,-ասաց Փաշինյանը:
«Հակաճգնաժամային երկրորդ միջոցառման շրջանակներում եւս զրոյացրել ենք գյուղատնտեսական վարկերը: Խոսքը խելացի անասնաշենքերի, հակակարկտային ցանցերի, կաթիլային ոռոգման մասին է: Մենք սուբսիդավորում ենք այդ ծրագրերը:
Մենք հընթացս կհետեւենք, որ եթե տեսնենք հասանելիությունը բավարար չէ, ծրագրերում համապատասխան փոփոխություններ կանենք»,-ընդգծեց նա:
Անդրադառնալով երեխա ունեցող ընտանիքների օգնությանը՝ վարչապետն ասաց, որ աջակցության ծրարգերում ամենակարևորը հասցեականությունն ապահովելն է: Նա նկատեց, որ երեխաներ կան, որ աջակցության կարիք չունեն այն չափով, որքան մյուս երեխաները:
«Ես չորս երեխա ունեմ, երկուսը չափահաս են, բայց չեմ կարծում, որ իմ երկու երեխաները պետք է օգտվեն այդպիսի աջակցությունից»,-ասաց նա:
Նա նշեց, որ մարդիկ կան, որոնց կյանքում բան չի փոխվել, և գուցե որոշ երեխաների ծնողների եկամուտները նույնիսկ ավելացել են: «Եթե մենք բոլորին օգնություն բաժանենք, կնշանակի, որ ավելի պակաս կկարողանանք օգնել այն մարդկանց, ովքեր ավելի շատ են այդ օգնության կարիքը զգում»,-ասաց նա և նշեց, որ տարբեր խավերի մարդկանց օգնության ծրագրեր են իրականացնում, օգնում են նրանց, ովքեր աշխատանքից ազատվել են և ունեն երեխաներ:
Հետևեք մեզ Viber-ում
