Ոսպ ու ոլոռ, բրինձ, չամիչ... իշխանափոխման փոխարինիչ

«Արտակարգ» 18-րդ օրվա գլխավոր հերոսն, ինչ խոսք, էկոնոմիկայի նախարար Տիգրան Խաչատրյանն էր, այլևս թևավոր դարձած արտահայտույթամբ. «...եթե մենք տեսնում ենք՝ ոսպի և հնդկաձավարի գները բարձրանում են, ապա մենք՝ որպես սպառողներ, կարող ենք ընտրել մյուս փոխարինիչները, այդպիսով առհասարակ նաև շուկան է կարգավորվում»:

Հանուն ճշմարտության նկատենք, որ Տիգրան Խաչատրյանը դա ասաց դիտարկվող գնային տատանումների կոնտեքստում ու այն մտքով, որ, օրինակ, հնդկաձավարի (խոսակցականով՝ «գրեչկա») դեպքում «արտաքին շուկաներում, անկախ կորոնավիրուսի տարածումից, եղել է գնաճ, բայց խուճապի մատնվելու որևէ առիթ, պատճառ չկա: Կլինեն որոշակի գնային տատանումներ, պետք է դրան հանգիստ վերաբերվել»:

Էկոնոմիկայի նախարարի հայտարարությունը դարձավ սոցցանցերի երեկվա հիթը: Անգամ նորահայտ «հակասթրեսին» Ջոնի Բրջոնիի «փառքը» խամրեց նախարարական «ոսպի փոխարինիչից:» Բայց լավ է, լավ է:

Այդ հայտարարությունից տնատիտիկված հանրությունը նախ տեղեկացավ, որ երկիրը դեռ էկոնոմիկա ունի: Երկրորդ, որ այդ էկոնոմիկան էլ նախարար ունի: Վերջապես, տեղեկացանք, որ գների վերընթաց տատանումներից խուճապի մատնվելու պատճառ չկա: Ի լրումն՝ ոսպը ունի փոխարինիչ, ասենք, հնդկաձավար-գրեչկան էլ...

Չնայած, լուցկուց բացի ի՞նչն է այս «արտակարգ» օրերում էժանացել, որ մի հատ էլ չանհանգստանանք ու ընկնենք «փոխարինիչներ» ընտրելու:

Բայց լավ է, նույնիսկ՝ շա՛տ լավ: Փոխարինի՞չ, ասում եք: Ընտրե՞լ: Իսկ ինչո՞ւ ոչ:

Սկսենք նրանից, որ երկու մշտապես փակ և երկու՝ կորոնավարակով պայմանավորված ժամանակավորապես փակ սահման ունեցող Հայաստանն այսօր, ըստ էության, մնացել է առանց ազգային ավիափոխադրողի: Երկրի թավշյա կառավարիչներն, իրենց խելքին, էժան փոխարինիչ էին գտել: «Միլան-կոֆե» տժժիկներ էին շրջանառվում, թե բա՝ ջրի գնով գնանք իտալիաները ֆռֆռանք, դա մեծ ձեռքբերում է: Գնացինք, վարակը բերեցինք ու «տժժում» ենք: Հա, իսկ Քաղավիացիայի ղեկավար նշանակված երիտասարդ կինն էլ գնաց հեռու-հեռու երկիր: Դատելով լրահոսից, ոնց որ քաղավիացիայի «փոխարինիչ» փնտրելու անհրաժեշտություն է ձևավորվում:

Երկրում, որտեղ մառազմը դարձել է մտքի փոխարինիչ, պոռոտախոսությունն ու դատարակաբանությունը դարձել են քաղաքականության փոխարինիչ, պողոսությունը դարձել է հասարակության փոխարինիչ, ոսպի փոխարինիչն ի՞նչ է, որ չգտնենք:

Վերցնենք ցնցուղներն ու զբաղվենք լոբինգով, իսկ առավել համարձակները՝ ոսպինգով: Ի՞նչ պակաս գործ է:

Նայում ես, օրինակ Ազգային ժողովի նիստը, հատկապես՝ իշխանամեծամասնական «Իմ քայլ»-ի պանծալի ներկայացուցիչների ելույթները, ու միանգամից պարզ է դառնում, որ պատգամավորներ չեն, այլ պատգամավորափոխարինիչ: Լսում ես «թավշյա» կառավարության ամպամած (ոտքերն ամպոտի իմաստով) ու է՛լ ավելի պանծալի ներկայացուցիչների հայտարարությունները, ու նկատվում է, որ նախարարափոխարինիչ են: Իշխանափոխման փոխարինիչներ, մի խոսքով:

Մեկը շինիչ էր, մյուսը՝ փոխարինիչ: Օստապի «պադավատի» վարորդն էլ՝ Կոզլևիչ: Սա՝ ի միջի այլոց:

Մի քիչ բարդ է լինելու հավկիթի փոխարինիչ ընտրելու հարցը: Հացի փոխարինիչի գործն էլ է դժվար: Էլ չեմ ասում՝ կարտոֆիլի, մսի ու կարագի փոխարինիչների մասին:

Հա, շինիչ իշխանության շրջանը հրաշքով ու երեսի զոռով վերապրած սերնդակիցներս թե՛ կհիշեն, թե՛ կդիմանան: Նմա՞ն բաներ ենք տեսել. կաթի փոշի, ձվի փոշի, սոյայից պատրաստված մսի փոշի, լոբու ալյուրից՝ հաց, վառարանի փոխարինիչ «Ֆուջի» և «Ալադի», սուրճի փոխարինիչ, շաքարի փոխարինիչ, վերջապես թուրքական «Դերբի», որպես շոկոլադի փոխարինիչ: Քիչ էր մնում պարսկական թխվածքաբլիթները մոռանայի, որ չոր սպիրտի լավ փոխարինիչ էին, ու մի 4-5 հատիկի այրմամբ կարելի էր մեկ գավաթ սուրճի փոխարինիչ եփել...

Այնպես որ, այդքան բան տեսած մարդկանց, այսինքն՝ հասարակության մի նկատելի մասին ոչ մի էկոնոմիկայի նախարարի փոխարինիչ սարսափելի չէ, էլ չեմ ասում ոսպի, ոլոռի, սիսեռի, մակարոնի ու մնացած բաների փոխարինիչների մասին:

Իսկ եթե ավելի լուրջ, ապա այսպես շարունակելու դեպքում գործող կառավարությունն անշեղորեն մոտենալու է այն կետին, երբ իրենց են փոխարինիչ փնտրելու: Երևի կառավարության շենքի դռան վրա էլ հայտարարություն փակցվի, օրինակ այսպիսի բովանդակությամբ. «Փնտրվում է կառավարության փոխարինիչ: Թավիշ ու պոպուլիստ չառաջարկել»:

Իսկ դուք դեռ փնթփնթում եք, «կառանծիայի» վրա մուննաթ գալիս: Մինչդեռ «արտակարգն» արտակարգ է անցնում՝ ոսպ ու ոլոռ, բրինձ, չամիչ, իշխանափոխման փոխարինիչ: Գլուխը՝ քարը, թե չի թանկացել ամեն ինչ, լուցկուց բացի:

Մեկ հարց է բաց մնում այս պատմության մեջ։ Հայտնի ընտանիքը կորոնավիրուսի հայրենիք համարվող ասիական երկրներում համտեսած ճոխ ուտելիքն այս օրերին ինչո՞վ է փոխարինում։

Արմեն Հակոբյան

7or.am

դիտվել է 1267 անգամ
Լրահոս
Նիկոլ Փաշինյանը պետք է ենթարկվի «քաղաքական հերձման». Մգեր Արմենիա (video) Նաիրա Զոհրաբյան. Նիկոլ Փաշինյանը վերածվել է Ջոնի Բրջոնիի «Նիկոլ դավաճան»․ Երևանի մի շարք փողոցներում գրություններ են հայտնվել (լուսանկարներ) Տարրական դիվանագիտական գիտելիքներ ունեցող յուրաքանչյուր ոք կարող է արձանագրել՝ մենք հատկապես դիվանագիտական դաշտում կրել ենք խայտառակ պարտություն. Իվետա Տոնոյան Ադրբեջանցիները պղծում են հայերի գերեզմանները ՍԴ-ն ստացել է Գագիկ Ծառուկյանին մանդատից զրկելու հարցով ԱԺ խորհրդի դիմումը Ճակատ-ճակատի են բախվել ВАЗ 2107 և ВАЗ 21102 մեքենաները. կա 6 վիրավոր «Մի ամիս առաջ անհետ կորած երեխան զանգեց, հետո հեռախոսը ադրբեջանցի վերցրեց». Անիտա Հախվերդյանի հուզիչ գրառումը Ինձ մեղադրանք առաջադրվեց. Փաշինյանի այս գործողությունները ոչ մի արդյունք չեն տալու. Միհրան Հակոբյան Նոր արգելքներ Վրաստանում Ադրբեջանը կառուցում է Ահմադբեյլի-Ֆիզուլի-Շուշի 101 կմ երկարությամբ նոր ավտոճանապարհ Ոչ մի դիվանագիտական ձախողում չենք ունեցել հա՞ Չհամարձակվեք Փաշինյանին համեմատել Հիտլերի հետ. Հիտլերը գիտեր՝ ինչպես վերաբերվել իր զինվորին.Առաքելյան (video) Ալիևի կոշիկները համբուրած այս մարդը իշխանությունն օգտագործելու է մի նոր «արծրունական իրականություն» ձևավորելու համար Թուրքիայի նպատակը ոչ միայն ու ոչ այնքան Արցախը գրավելն էր, որքան Սյունիքը. Անդրանիկ Թևանյան. «Красная Весна» Այսօր մեր երկրի ղեկավարն է Ադրբեջանի ազգային հերոս Նիկոլ Փաշինյանը. Արա Վարդանյան (video) Նենգության ու ստահակության նոր «լեվլ» Փաշինյանը «դուխ» ունի՞ ԼՂՀ-ն ճանաչելու Հրդեհ Թբիլիսիի կենտրոնում. կան զոհեր Արայիկ Հարությունյանն է թույլ տվել, որ Աննա Հակոբյանը «նստի» գեներալների գլխին. Հռիփսիմե Առաքելյան (video) Սա Վահրամ Դումանյանն է. ճանաչե՛նք Արցախը հանձնողներին Դիվանագիտության մեջ ձախողում չենք ունեցել, ռազմադաշտում՝ ունեցել ենք․նորանշանակ արտգործնախարար Սա Մեսրոպ Առաքելյանն է. ճանաչե՛նք Արցախը հանձնողներին Մահացել է Հենրիկ Բակունցը «Ինչո՞ւ եղավ այդպես». «Պուտինի» բացատրական նամակը Զորի Բալայանին
Ամենաընթերցվածները
Շուտով
նոյեմբերի 27-ին, ժամը 14:00-ին Հայելի ակումբի հյուրերն են ջերմատների տնտեսվարողները: Թեմա` հայ տնտեսվարողները կներկայացնեն իրենց բողոքն ու առաջարկները, թուրքական լոլիկը հայական շուկայում, թուրքական ապրանքների ներկրում նոյեմբերի 27-ին, ժամը 13:00-ին Հայելի ակումբի հյուրն է ՀՀԿ նախկին պատգամավոր Մարգարիտ Եսայանը: Թեմա`ԲՀԿ առաջնորդ Գագիկ Ծառուկյանին մանդատից զրկելը, Արցախյան պատերազմ, գերիների հանձնում, ինչ քայլեր են իրականացվում գերիներին հայրենիք վերադարձնելու հարցում, Նիկոլ Փաշինյանի հրաժարականի պահանջ: նոյեմբերի 27-ին, ժամը 12:00-ին Հայելի ակումբի հյուրն է ԲՀԿ պատգամավոր Գևորգ Պետրոսյանը: Թեմա`ԲՀԿ առաջնորդ Գագիկ Ծառուկյանին մանդատից զրկելը, Արցախյան պատերազմ, գերիների հանձնում, ինչ քայլեր են իրականացվում գերիներին հայրենիք վերադարձնելու հարցում, Նիկոլ Փաշինյանի հրաժարականի պահանջ: Տեսակամուրջ. «Ե՞րբ ԵԱՏՄ անդամ երկրները կհաղթահարեն ճգնաժամը» Նոյեմբերի 26-ին՝ ժամը 12: 00-ին, Sputnik Արմենիա մամուլի կենտրոնում կանցկացվի Մոսկվա - Երևան - Մինսկ - Բիշքեկ - Նուր-Սուլթան տեսակամուրջ։ Թեման՝ «ԵԱՏՄ երկրների տնտեսությունները 2021 թ. - կանխատեսում Հայաստանի, Բելառուսի, Ղազախստանի, Ղրղըզստանի, Ռուսաստանի և Տաջիկստանի համար»: Նոյեմբերի 25-ին՝ ժամը 12:00-ին, «Հենարան» մամուլի ակումբում կհյուրընկալվեն հոկտեմբերի 27-ից արցախյան պատերազմում գտնվող մասնակիցներ: ԹԵՄԱ՝ արցախյան պատերազմի կամավորները չեն ընդունում Նիկոլ Փաշինյանի ստորագրած խայտառակ կապիտուլիացիայի փաստաթուղթը. կամավորները պատրաստ են նոր պատերազմի: նոյեմբերի 25-ին, ժամը 13:00-ին Հայելի ակումբի հյուրն է ՀՀ մարդու իրավունքների առաջին պաշտպան Լարիսա Ալավերդյանը: Թեմա` Արցախյան պատերազմ, գերիների հանձնում, ինչ քայլեր են իրականացվում գերիներին հայրենիք վերադարձնելու հարցում նոյեմբերի 25-ին, ժամը 14:00-ին Հայելի ակումբի հյուրն է ՀՀ նախկին վարչապետ Հրանտ Բագրատյանը Թեմա` գեներալ-գնդապետ Մովսես Հակոբյանի հայտարարությունները, ՌԴ նախագահ Վ. Պուտինի անդրադարձը Ղարաբաղի հարցի լուծմանը, ՌԴ պաշտոնատար անձանց այցը Հայաստան, իրականացվող քայլերը: Ներքին քաղաքական կյանք: Մովսես Հակոբյանի և վարչապետի տիկին Աննա Հակոբյանի կոնֆլիկտը Նոյեմբերի 25-ին՝ ժամը 12.00-ին Sputnik Արմենիա մամուլի կենտրոնում տեղի կունենա Մոսկվա-Երևան տեսակամուրջ. «WarGonzo» նախագծի հեղինակ Սեմյոն Պեգովը կխոսի արցախյան պատերազմի ու մարտական գործողությունների վերաբերյալ իր դիտարկումների և տպավորությունների մասին: Ասուլիսը կհեռարձակվի Facebook–ի և Youtube–ի մեր էջերում: Նոյեմբերի 24-ին՝ ժամը 12:00-ին, «Հենարան» մամուլի ակումբում կհյուրընկալվեն Ռեֆորմիստներ կուսակցության նախագահ Վահան Բաբայանը և մեդիափորձագետ Տիգրան Քոչարյանը: ԹԵՄԱ՝ գեներալ-գնդապետ Մովսես Հակոբյանի հայտարարությունները. մամուլում շրջանառվում է Սեյրան Օհանյանին կալանավորելու Բաքվի դատարանի որոշման մասին տեղեկություն. Մայր Աթոռը հաստատում է՝ ԱԱԾ-ն հերքում է, Տեր Արշակ եպիսկոպոս Խաչատրյանի ԱԱԾ հրավիրվելը. ՌԴ նախագահ Վ. Պուտինի անդրադարձը Ղարաբաղի հարցի լուծմանը. ներքաղաքական զարգացումներ: նոյեմբերի 23-ին, ժամը 11:30-ին Հայելի ակումբի հյուրն է գնդապետ Սայաթ Շիրինյանը: Թեմա` գեներալ-գնդապետ Մովսես Հակոբյանի հայտարարությունները, ՌԴ նախագահ Վ. Պուտինի անդրադարձը Ղարաբաղի հարցի լուծմանը, ՌԴ պաշտոնատար անձանց այցը Հայաստան, իրականացվող քայլերը: Ներքին քաղաքական կյանք: Մովսես Հակոբյանի և վարչապետի տիկին Աննա Հակոբյանի կոնֆլիկտը
Հետևեք մեզ Facebook-ում https://www.facebook.com/hayeliclub