Ոմանք միմյանց ձեռք են մեկնում, իսկ ԱՄՆ-ը օրհասական պահին հաշիվներ է մաքրում

Օրերս ԱՄՆ նախագահ Դոնալդ Թրամփը Իրանի կառավարությանը բանակցություններ սկսելու կոչ է արել: Նրա կարծիքով՝ ԱՄՆ-ը կարող է արագ համաձայնության գալ Իրանի հետ: Սպիտակ տան ղեկավարը նշել է, որ երկու երկրների ներկայացուցիչները պետք է «պարզապես կապ հաստատեն»: «Ես կարծում եմ, որ նրանք հպարտ մարդիկ են, և նրանց ղեկավարությունը նույնպես հպարտ է: Հպարտ, ինչպես բոլորս», – հավելել է Թրամփը: Նա նաև շեշտել է, որ ամերիկյան իշխանությունները թշնամական հարաբերությունների կողմնակից չեն: ԱՄՆ առաջնորդը նաև նշել է, որ Իրանի կողմից թշնամության դրսևորման դեպքում «նրանք շատ կզղջան դրա համար»:

Միևնույն ժաման, ԱՄՆ նախագահ Դոնալդ Թրամփն Իրանին «բարձր գնով» է սպառնում, եթե նա հարձակվի Իրաքում ամերիկյան զորքերի վրա։ «Ըստ որոշ տեղեկատվության՝ Իրանը կամ նրա վստահված անձինք թաքնված գրոհ են պլանավորում ամերիկյան զորքերի և/կամ ակտիվների վրա Իրաքում։ Եթե դա տեղի ունենա, Իրանն իսկապես շատ բարձր գին կվճարի»,- գրել է Թրամփը Twitter-ում։

Միացյալ Նահանգները, որը Իրանում ստեղված ծանր պայմաններում, երբ կորոնավիրուսով վարկվածների թիվն արդեն անցնում է 53 000-ը, իսկ մահերի թիվը մոտենում է 3300-ի, շարունակում է ենթարկվել ԱՄՆ-ի պատժամիջոցների հետևանքներին: Այս օրերին Իրանը չի կարողանում անգամ այլ երկրներից օգնություն ստանալ:

Իրանը պատերազմ չի սկսի, սակայն կգործի ինքնապաշտպանության նպատակներով, հայտարարել է Իրանի ԱԳՆ ղեկավար Մոհամմեդ Ջավադ Զարիֆը՝ մեկնաբանելով ԱՄՆ նախագահ Դոնալդ Թրամփի հայտարարությունն այն մասին, որ Իրանը «գաղտնի հարձակումներ» է պատրաստում Իրաքում ամերիկյան զորքերի դեմ: «Ի տարբերություն ԱՄՆ-ի, որը գաղտնի ստում է և սպանում, Իրանը գործում է ինքնապաշտպանության նպատակներով: Իրանը պատերազմ չի սկսի, սակայն դաս կտա նրան, ով կսկսի»,- գրել է նա Twitter-ում:

Թեհրանը բազմիցս հայտարարել է, որ ԱՄՆ-ի սպառնալիքներն ու մեղադրանքներն անհիմն են, և որ Իրանը պատրաստ է պաշտպանել տարածաշրջանում իր շահերը:
Նկատենք, որ Դեմոկրատական կուսակցությունից ԱՄՆ նախագահի թեկնածու Բեռնի Սանդերսը և Ներկայացուցիչների պալատի անդամ Ալեքսանդրիա Օկասիո-Կորտեսը երկրի իշխանություններին կոչ են արել Իրանի դեմ պատժամիջոցները հանել: Ըստ՝ Independent-ի ամերիկացի 30 քաղաքական գործիչների ստորագրած բաց նամակում ԱՄՆ նախագահ Դոնալդ Թրամփի վարչակազմին առաջարկվում է Իրանին հումանիտար աջակցություն ցույց տալ, իրավիճակը վատթարացնելու փոխարեն: «Իրանցի ժողովրդի կարիքի ժամին պատժամիջոցների սահմանումը շարունակելու փոխարեն, համառորեն կոչ ենք անում ամբողջ աշխարհում առողջապահության ոլորտի այս արտակարգ իրավիճակի շրջանում կասեցնել Իրանի դեմ պատժամիջոցները՝ որպես իրանցի ժողովրդի հանդեպ հումանիտար ժեստ՝ նրանց վիրուսի դեմ ավելի լավ պայքարել թույլ տալու համար»,- նշված է նամակում:

«Մենք ԱՄՆ-ին խրախուսում ենք ուղղակիորեն օգնություն փոխանցել իրանցի ժողովրդին՝ նրան աջակցելով կորոնավիրուսի դեմ պայքարում, ինչպես արել են շատ այլ երկրներ: Այս քայլերի իմաստով արդեն նախադեպ եղել է, երբ Ջորջ Բուշի վարչակազմը մեղմեց պատժամիջոցները և Իրանին օգնություն փոխանցեց 2003 թվականին Բամայի մոտ մահաբեր երկրաշարժից հետո»,- նշված է ամերիկացի քաղաքական գործիչների կոչում: Նամակը հրապարակվել է Իրանի դեմ ԱՄՆ նոր պատժամիջոցների սահմանումից գրեթե մեկ շաբաթ հետո, որոնց ցանկի մեջ են մտել Իսլամական հեղափոխության պահապանների կորպուսի հետ կապված անձինք և ընկերություններ:

Կորոնավիրուսն ԱՄՆ-Չինաստան հարաբերություններում էլ ցուցադրում է ծանր իրավիճակ: China Media Group- ը (CMG) հանդես է եկել հրապարակմամբ կորոնավիրուսի համաճարակի շրջանակում ԱՄՆ-Չինաստան հարաբերությունների մասին: Ըստ «Ամերիկայի ձայնի»՝ China Media Group լրատվամիջոցի հրապարակած հոդվածն ընդգծում է COVID-19- ի համաճարակի դեմ պայքարում միջազգային համերաշխության ու համագործակցության կարևորությունը: Հոդվածը նշում է, որ չնայած այս օրհասական պահին, ԱՄՆ շարունակում է գնալ առճակատման Չինաստանի դեմ՝ տեղի տալով ապակառուցողական ուժերի ցանկությանը խափանելու երկկողմ համագործակցությունը հիվանդության դեմ պայքարում:

Ըստ հրապարակման՝ New York Times- ի հոդվածում Սպիտակ տան նախկին ներկայացուցիչ և ծայրահեղ աջակողմյան քաղաքական կողմնորոշում ունեցող Սթիվ Բենոնը խոսում է ԱՄՆ-ի և Չինաստանի միջև «տեղեկատվական և տնտեսական թեժ պատերազմի» մասին: Ավելին, նա պնդում էր, որ Չինաստանի կառավարությունը «սպառնալիք է Չինաստանի ժողովրդի և աշխարհի համար», նշում է չինական լրատվամիջոցը:

Պարբերականը նշում է, որ վարակիչ հիվանդությունների ԱՄՆ առաջատար փորձագետ դոկտոր Էնթոնի Ֆաուչին նշում է, որ երկիրը, հավանաբար, կառերեսվի միլիոնավոր COVID-19 դեպքերի և 100,000-ից մինչև 200,000 մահերի հետ այս համաճարակի ընթացքում: ԱՄՆ նախագահ Դոնալդ Թրամփը նույնպես հայտնում է իր մտահոգությունները: Երկրում շատ մարդիկ կոչ են անում համագործակցել Չինաստանի հետ, քանի որ այն կարող է տրամադրել բժշկական պարագաներ և վիրուսի դեմ պայքարի համար անհրաժեշտ տեղեկատվություն: Շատ գործիչներ ընդգծում են, որ Չինաստանի հետ հակադրությունը թուլացնում է վիրուսի դեմ պայքարը:

Իրենց վերջին հեռախոսազրույցի ընթացքում նախագահներ Սի Ծինպինը և Դոնալդ Թրամփը եկել են համաձայնության, որ երկու երկրները համատեղ պայքարեն համաճարակի դեմ: Թրամփը խոստացավ անձնական ջանքեր գործադրել ՝ ապահովելու համար վիրուսի դեմ պայքարի բնականոն աշխատանքը երկու կողմերի միջև: Այս համաձայնության շրջանակում Չինաստանը վերջերս Նյու Յորք ուղարկեց բժշկական պարագաներ: ԱՄՆ նախագահն այստեղ տիրող իրավիճակը գնահատել էր «սարսափելի»: Լրատվամիջոցը շեշտում է՝ ամերիկացիները չպետք է ծանր գին վճարեն որոշ քաղաքական գործիչների անպատասխանատու գործողությունների համար:

Այնուամենայնիվ, դա չի նշանակում, որ այդ նույն քաղաքական գործիչները կարող են չարաշահել բարի կամքի դրսևորումները և հակաքարոզչություն իրականացնել:
Այս պահվածքը անհարկի շեղում է ստեղծում երկկողմանի համագործակցության հարցում, նշում է լրատվամիջոցը՝ ընդգծելով, որ պետք է խուսափել նման դրսևրումներից: Դա ոչ միայն վտանգավոր է ամերիկացիների առողջության և անվտանգություն համար, այլև երկարաժամկետ հեռանկարում ավելի մեծ անորոշություն է ձևավորում Պեկին-Վաշինգտոն հարաբերություններում, որը կարող է վնաս հասցնել հենց Միացյալ Նահանգների շահերին, եզրակացնում է China Media Group լրատվամիջոցի հրապարակումը:

Հատկապես ԵՄ տարբեր երկրներ այս օրերին միմյանց օգնության ձեռք են մեկնում՝ դեղորայք ուղարկում, անհրաժեշտ բուժասարքավորումներ, նույնիսկ վարակակիրներ են տեղափոխում՝ այլ երկիր բուժման նպատակով, մինչդեռ ԱՄՆ-ը շարունակում է ուժի դիրքերից հանես գալ, միաժամանակ երկրներին հրավիրելով բանակցությունների:

Մետաքսյա Շալունց

դիտվել է 1186 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am