Ինչ տեղեկություններ են մասնավորապես հավաքվելու. միջամտություն անձնական տվյալների և այլնի իրավունքներին

ԱԺ-ն արտահերթ նիստում առաջին ընթերցմամբ քննարկում է «Արտակարգ դրության իրավական ռեժիմի մասին» օրենքում լրացումներ կատարելու մասին և «Էլեկտրոնային հաղորդակցության մասին» օրենքում լրացում կատարելու մասին օրենքների նախագծերը:

Հիմնական զեկուցող, արդարդատության նախարար Ռուստամ Բադասյանը նշեց, որ պանդեմիայի տարածման և դրա կանխարգելման մասով անհրաժեշտություն է առաջացել լրացումներ կատարել «Արտակարգ դրության իրավական ռեժիմի մասին» ՀՀ օրենքում, և սա վերաբերում է բացառապես համաճարակի հետևանքով առաջացած արտակարգ դրություն հայտարարելուն: «Այսինքն՝ այլ արտակարգ դրությունների դեպքում միջամտությունն անձնական տվյալների և հաղորդակցման գաղտնիությանը չի ենթադրվում: Կատարվում է բացարձակ արտակարգ դրության շրջանակում և ավարտվում է արտակարգ դրության ավարտմամբ», - պարզաբանեց նախարարը:

Իկ թե ինչ տեղեկություններ են մասնավորապես հավաքվելու, նախարարն ասաց, որ հանրային էլեկտրոնային հաղոդրակցության ծառայություններ ստացող հաճախորդների կողմից օգտագործված ծառայության վայրը պարզելու համար անհրաժեշտ տվյալներ հաճախորդի տեղորոշումը, նրա հեռախոսահամարի հետ ուղիղ, անուղղակի, միջնորդավորված կապ ունեցող հեռախոսահամարները, հեռախոսային խոսակցություն սկսելու ամսաթիվը, սկիզբը և ավարտը պարզելու համար անհրաժեշտ տվյալներ: