Վարակվածների մեջ դպրոցահասակ երեխաներ կան. Արսեն Թորոսյան
Առողջապահության նախարար Արսեն Թորոսյանն այսօր հրավիրված ասուլիսի ժամանակ տեղեկացրեց, որ կորոնավիրուսով վարակվածների մեջ դպրոցահասակ երեխաներ կան:
«Վարակվածների մեջ դպրոցահասակ երեխաներ կան, որոնք իրենց լավ են զգում, որևէ ախտանշան չունեն։ Կյանքին վտանգ սպառնացող կամ նույնիսկ միջին ծանրության ընթացք չէ»,- պարզաբանեց նախարարը:
Միաժամանակ Թորոսյանը հիշեցրեց, որ Հայաստանը չունի թեստերի պակաս, մինչ այս արվել է 1440 թեստ, որոնցից 290-ը դրական է եղել:
Անդրադառնալով մարզերում հաստատված դեպքերի քանակներին և դրանց աճին՝ Թորոսյանն ասաց, որ շուտով կլինի Հայաստանի քարտեզ, որում նշված կլինեն այն բնակավայրերը, որտեղ արձանագրվել են դեպքեր։ Նրա հաղորդմամբ` ամենաշատ դեպքերը գրանցվել են Երևանում, Արմավիրի, Կոտայքի, Արարատի մարզերում: