Փաշինյանի իշխանությունը գերազանցապես ցուցադրականության, ձևի, շոուների ու տեսարանների վրա է խարսխված

Առաջին հերթին բժիշկները, իսկ հետո արդեն բոլորն, ովքեր ասվածն ընկալում են, շարունակ նույնն են պնդում, արդեն մի 10 օր, համարյա երկու շաբաթ՝ «ՄՆԱՑԵ՛Ք ՏԱՆԸ, ԱՌԱՆՑ ԱՆՀՐԱԺԵՇՏՈՒԹՅԱՆ ԴՈՒՐՍ ՄԻ ԵԼԵՔ»:

Ավելին, «Նորք» ինֆեկցիոն հիվանդանոցում, իսկ առկա իրադրության մեջ տեղին է ասել՝ կորոնավիրուսի դեմ ռազմաճակատի առաջնագծում անձնվիրաբար մարտնչող բժիշկները հատուկ ակցիա անցկացրեցին, կոչ անելով, հորդորելով, խնդրելով. «Մենք մնացինք աշխատելու՝ հանուն ձեզ, դուք մնացեք տանը՝ հանուն մեզ»:

Սրանք գեղեցիկ խոսքեր չե՛ն: Սա պրոֆիլակտիկ անհրաժեշտություն է: Ու այն ամենին, ինչ վերաբերում է վարակ կամ հիվանդություն կամ դրա սպառնալիք հաղթահարելուն, ճիշտը բժիշկների, մասնագետների ասածներին ականջալուր լինելն է:

Եվ ի՞նչ է անում Հայաստանի վարչապետի պաշտոնն զբաղեցնող Նիկոլ Փաշինյանի տիկինը՝ Աննա Հակոբյանը, արտակարգ իրադրության պայմաններում ու նման հորդորներից հետո:

Բոլորը տեսան, տիկին Աննա Հակոբյանը՝ մի խումբ լրագրողների ուղեկցությամբ, կարելի է ասել՝ բավականին նկատելի խմբով, շրջեց փողոցներով ու կորոնավիրուսի վարակի կանխարգելման հրահանգավորման բովանդակությամբ տեղեկատվական բուկլետներ էր բաժանում: Առձեռն:

Ավելի անհեթեթ և երկիմաստ վիճակ անհնար էր երևակայել: Իրավիճակում, երբ վարակի սպառնալիքը հաղթահարելու առաջին քայլը մարդկանց անհարկի կուտակումներ թույլ չտալն է, կառավարության ղեկավարի տիկինը նման կուտակման առիթ է ստեղծում: Դա այն դեպքում, երբ կոնկրետ վարչապետի ընտանիքն արդեն երկու անգամ հայտնվել է վարակման վտանգի ռեալ կասկածի շրջանակում, այդ թվում, իհարկե՝ Աննա Հակոբյանը, և ինչպես իրենք էլ տեղեկացրել են՝ երկու անգամ այդ վիրուսի հետ կապված թեստ են հանձնել, բարեբախտաբար՝ բացասական պատասխանով, այսինքն՝ վարակից խուսափել են: Եվ ահա՝ այսպիսի հրապարակային վարք:

Ի՞նչ է ստացվում․ կառավարությունը՝ Փաշինյանի գլխավորությամբ, հայտարարում է արտակարգ դրություն, համատարած քարոզվում է ինքնամեկուսացում, այսինքն՝ տներում մնալ, կառավարությունը խստացումներ է մտցնում, անգամ ինքնամեկուսացման պայմանները խախտելու համար գերխիստ մոտեցմամբ քրեական պատասխանատվություն է սահմանվում ու...

Ու կառավարության ղեկավարի տիկինը ելնում է լրագրողների ու մի խումբ մարդկանց ուղեկցությամբ մայրաքաղաքի փողոցներում բուկլետ բաժանելու՝ առանց ձեռնոց, առանց դիմակ... Այդպե՞ս է կառավարության ղեկավարի ընտանիքն օրինակ ծառայում իրենց աստվածացնող հպատակներին ու մյուս քաղաքացիներին: Շքեղ օրինակ են ծառայում, խոսքեր չկան:

Տիկինը ցերեկը ելնում է նման ակցիա անելու, իսկ ամուսինը կեսգիշերային լայվով հայտնում է վարակվածների քանակի տասնյակներով ավելանալու և վարակի նոր օջախների մասին: Այս դեպքերը նշված ակցիայի հետ անմիջական կապի մեջ չեն, բայց ո՞ւր է ընդհանուր տրամաբանությունը:

Երկրորդ՝ նման պայմաններում, հետևելով մասնագետների հորդորներին, մարդիկ հիմնականում խուսափում են անմիջական շփումներից, հաղորդակցությունից: Իսկ այստեղ ահա, ձեռքից ձեռք, թղթի վրա տպված տեղեկատվական նյութեր են տարածում: Ի դեպ, թղթի վրա, էլի մասնագետների ասելով, այդ անտեր վիրուսի մանրէն համեմատաբար երկար է պահպանվում:

Նկատեմ նաև, որ կարելի էր ուղղակի հեռախոսակապի միջոցով կարճ հաղորդագրություններ ուղարկել բոլոր բաժանորդներին, ինչպես առողջապահության նախարարությունն է անում: Եթե այդքան դա կարևոր էր թվում, ապա կարելի էր դա անել տիկին Աննա Հակոբյանի անունից: Կարելի էր ուղղակի լայվ միացմամբ դիմել: Փողոց ելնելու անհրաժեշտությունը ո՞րն էր:

Աննա Հակոբյանն, իհարկե, բավականին ուրախացրեց սոցցանցային հանրությանը՝ ասելով, թե կյանքը 360 աստիճանով շրջվել է այս վարակի հետ կապված: Հասկանալի է, որ եթե գլխիվայր կամ տրամագծորեն հակառակ շրջվելը նկատի ուներ, ապա պիտի 180 աստիճան ասվեր: Բայց ինչ ասվել է, ասվել է: Այդ 360 աստիճանը, ի դեպ, հայերեն շատ ավելի գեղեցիկ է ձևակերպվում՝ դարձ ի շրջանս յուր:

Հարց է ծագում, թե այդ ի՞նչ զորավոր պատճառ է, որը այս պայմաններում ստիպում է, այնուամենայնիվ, մի կողմ դնել մասնագետների հորդորները, անհատական անվտանգությունը, որը, դատելով կրկնակի թեստավորումից՝ վարչապետն ու մերձավորները շատ սուր են ընկալում:

Իսկ պատճառներից մեկը այն է, ու դա արդեն շատերն են նկատում, որ Փաշինյանի իշխանությունը գերազանցապես ցուցադրականության, ձևի, շոուների ու տեսարանների վրա է խարսխված: Չկան տեսարաններ, չկան շոուներ, համարի, որ արդեն չունես նաև իշխանություն: Ու ստացվում է, որ նման ցուցադրական երևույթները իշխանությունը պահելու հիմնական սնունդն ու հենարանն են: Իսկ դա այսօր կառավարող գործչի համար այն անհրաժեշտությունն է, որը ստիպում է բանի տեղ չդնել անգամ վարակման վտանգը:

Օրիգինալ չի հնչի, բայց երևի տեղին կլինի հորդոր զգուշացումը՝ «հանգի՛ստ նստեք առանձնատեղներդ»:

Արմեն Հակոբյան

դիտվել է 1182 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am