Հայ-վրացական խնջույքից բացի ի՞նչ կոնկրետ արդյունք կա

Հայաստանի վարչապետ Նիկոլ Փաշինյանը երկօրյա պաշտոնական այցով Վրաստանում էր: Այդ առիթով մայրաքաղաք Թբիլիսիի գլխավոր փողոցները զարդարվել էին Հայաստանի դրոշներով:

Հայաստանը չի կարող անվտանգային սպառնալիք լինել Վրաստանի, իսկ վերջինս էլ՝ Հայաստանի համար, վրաց գործընկերոջ հետ հանդիպման ժամանակ շեշտել է Նիկոլ Փաշինյանը: Վրաստանի վարչապետ Գեորգի Գախարիայի խոսքով՝ այս բարդ տարածաշրջանում կայունությունը երկու երկրների զարգացման անխուսափելի հիմքն է: «Մենք նախ պետք է հոգ տանենք մեր երկրների խաղաղության, ապա քաղաքական, տնտեսական, մշակութային և բոլոր այն հարցերի մասին, որոնք այսօր շոշափվում են», - ասաց Գախարիան: Փաշինյանն ընդգծեց, որ ժամանակն է մտածել եթե ոչ ապագա հազարամյակների, ապա գոնե հարյուրամյակների համատեղ զարգացման մասին, և սա պարզապես գեղեցիկ ձևակերպում չէ, այլ ռազմավարություն:

Գեորգի Գախարիան նշեց՝ տարածաշրջանի բոլոր հակամարտությունները պետք է լուծվեն խաղաղ ճանապարհով: Նիկոլ Փաշինյանն էլ ողջունեց այս դիրքորոշումը. - «Եթե ընդհանուր բանաձևերով հնարավոր լիներ լուծել հակամարտությունները, ապա վաղուց դրանք լուծված կլինեին։ Մենք յուրաքանչյուր հակամարտություն դիտում ենք իր առանձնահատկությունների մեջ։ Ուրախ եմ, որ այս առումով կարող ենք գործնական և կառուցողական երկխոսություն ունենալ և ունենք Վրաստանի մեր գործընկերների հետ»։
Նիկոլ Փաշինյանի խոսքով՝ էական նշանակություն ունի ժողովրդավարությունը, որովհետև եթե մարդիկ Հայաստանը և Վրաստանն ընկալեն որպես ժողովրդավարական տարածք, ապա երկրների ներդրումային գրավչությունը կմեծանա։

Փաշինյանն առանձնահատուկ ողջունեց թիֆլիսահայությանը՝ ընդգծելով՝ Թբիլիսին շարունակում է մնալ հայկական մշակույթի կենտրոններից մեկը: Նա նկատեց՝ հայ-վրացական հարաբերություններում բացառիկ մթնոլորտ է, և նախկինում ավելի լավ այս հարաբերությունները չեն եղել, սա նոր հնարավորություն է ստեղծում Հայաստանի և Վրաստանի համար: «Քաղաքականության հիմքում դնում ենք համահայկականության գաղափարը, որովհետև համայն հայությունն ունի այնպիսի ներուժ, որպեսզի երաշխավորի անկախ, ինքնիշխան Հայաստանի գոյությունը, որպեսզի ուրիշ որևէ մեկը չտնօրինի Հայաստանը», - ասել է Փաշինյանը:

Մարտի 3-ին հայկական պատվիրակության կազմում Թբիլիսիում գտնվող Հայաստանի ԱԳ նախարար Զոհրաբ Մնացականյանը հանդիպեց Վրաստանի ԱԳ նախարար Դավիդ Զալկալիանիի հետ։

ԱԳ նախարարները ընդգծել են փոխադարձ հարգանքի և երկու ժողովուրդների միջև դարավոր բարեկամության վրա հիմնված հայ-վրացական երկխոսության առկա մակարդակը: Նրանք ուղենշել են երկկողմ օրակարգի առավել հարստացման և ամրապնդման ուղղությամբ ձեռնարկվելիք քայլերը, որոնց հիմքում ընկած է երկու երկրների ռազմավարական փոխկապակցվածության ընկալումը: «Զոհրաբ Մնացականյանը և Դավիդ Զալկալիանին կարևորեցին մարդկանց միջև շփումների դյուրացումը և հասարակությունների միջև կապի ամրապնդումը, որի վերաբերյալ վերջիններիս կողմից ստորագրվեց մտադրությունների հուշագիր: Հայաստանի և Վրաստանի արտաքին քաղաքական գերատեսչությունների ղեկավարներն անդրադարձան տարածաշրջանային և միջազգային հրատապ հարցերի, նոր տիպի կորոնավիրուսի տարածման կանխարգելման ուղղությամբ ձեռնարկվող համատեղ քայլերին»: Նրանք նաև քննարկել են տարածաշրջանային խաղաղության և անվտանգության խնդիրներ:

Փորձենք հասկանալ, թե բացի բարի ցանկություններ հայտնելուց՝ ի՞նչ նոր քար է ավելացվել վերջին երկու տարիների ընթացքում հայ-վրացական հարաբերություններում:
Փաշինյանը վարչապետ ընտրվելուց անմիջապես հետո է Թբիլիսի մեկնել, նրա վրաց պաշտոնակիցները եկել են Հայաստան, Վրաստանի նախագահը՝ նույնպես, հայկական պատվիրակություններն են մեկնել Թբիլիսի:

Կա՞ որևէ նոր պայմանավորվածություն, որևէ կոնկրետ ծրագիր, նախաձեռնություն, որոնք կնքել են Հայաստանի և Վրաստանի իշխանությունները... Չկա՛:

Եթե երկու տարում ոչինչ չի ավելացվել հնին, հիմա միայն խոսվում է աննախադեպ մթնոլորտի մասին, ուրեմն գոնե պետք է ներկայացնել, թե ինչ նորություն կա այդ աննախադեպության հիմքը շեշտելու համար:

Թե՞ միայն հայ-վրացական խնջույքի, վրացական շնորհալի երգչախմբի վրացական և հայկական երգերի կատարումներով են Հայաստան-Վրաստան միջպետական հարաբերությունների մակարդակն ու առաջընթացը որոշվում...

Մետաքսյա Շալունց

դիտվել է 2082 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am