Դեֆիցիտն իշխանության համար լուրջ խնդիր է ստեղծելու. А оно вам надо?

Իջել եմ կողքի սուպերմարկետ ալյուր գնեմ, քանի որ երեխան խնդրեց նրբաբլիթ պատրաստել։ Ուրեմն ո՛չ ալյուր կա, ո՛չ մակարոնեղեն ու այլ ձավարեղեն։

Լավ, համապատասխան մարմինները ե՞րբ են սկսելու քաղաքացիներին բացատրել, որ նման գործողություններով նրանք արհեստական դեֆիցիտ են ստեղծում ու նպաստում կտրուկ գնաճի, ինչպես, օրինակ, դիմակների պարագայում։

Հասկանում եմ, իհարկե, որ նախկին օլիգարխներին, իսկ հեղափոխության թեթև ձեռքով խոշոր բիզնեսմեններ դարձած անձանց այս ամենը ձեռնտու է, բայց երկարաժամկետ կտրվածքով դեֆիցիտն իշխանության համար լուրջ խնդիր է ստեղծելու, ու մարդիկ պահանջելու են ոչ թե «խոշոր բիզնեսմեններից», այլ հենց իշխանությունից։ А оно вам надо?

Նինա Մարգարյանի ֆեյսբուքյան էջից