Ավտովթար Արմավիրի մարզում. 37-ամյա վարորդը Nissan-ով դեռևս անհայտ հանգամանքներում կողաշրջվել է. կան վիրավորներ

Ճանապարհային ոստիկանության 2-րդ սպայական գումարտակի 1-ին վաշտի ավագ հետաքննիչ Գևորգ Եղիազարյանի կողմից նյութեր են նախապատրաստվում փետրվարի 27-ին Արմավիրի մարզում տեղի ունեցած ավտովթարի փաստով։ Ժամը 23։10-ի սահմաններում Արմավիրի մարզի բնակիչ՝ 37-ամյա Սամվել Գ-ն իր վարած Nissan Tiida մակնիշի 69 NT 888 համարանիշի ավտոմեքենայով Արաքս-Սարդարապատ ավտոճանապարհի 2-րդ կմ-ին դեռևս անհայտ հանգամանքներում դուրս է եկել ճանապարհի երթևեկելի գոտուց և կողաշրջվել։ Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևորներ՝ Արմավիրի մարզի բնակիչներ, 45-ամյա Արմեն Հ-ն և 12-ամյա Ավետիք Հ-ն մարմնական վնավսածքներով տեղափոխվել են «Արմավիր» բժշկական կենտրոն։ Դեպքի վայր են ժամանել Ճանապարհայի ոստիկանության 2-րդ սպայական գումարտակի 1-ն վաշտի 1-ին դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Կարեն Աբելյանի գլխավորությամբ։ Օպերատիվորեն ժամանել են նաև ոստիկանության Արմավիրի բաժնի օպերատիվ խումբը՝ բաժնի պետ Գևորգ Պողոսյանի գլխավորությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Գևորգ Ղազարյանի