Խոշոր ավտովթար. ճակատ-ճակատի բախվել են Nissan-ն ու Lexus-ը, վերջինս էլ բախվել է ծաղկի սրահի ապակե ցուցափեղկին և կոտրել այն

փետրվարի 23-ին, խոշոր ավտովթար է տեղի ունեցել Արարատի մարզում: Ժամը 22:00-ի սահմաններում, ժողովրդին հայտնի Նորագավիթի «գայի պոստի» հարևանությամբ գտնվող «Ինեսա» սուպերմարկետի դիմաց բախվել են Nissan մակնիշի 36 MZ 132 համարանիշի և Lexus մակնիշի 34 NN 003 համարանիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, վթարի հետևանքով բարեբախտաբար տուժածներ չկան, սակայն դեպքի վայրում երկու երիտասարդ դեմքի մասում վնասվածքներ էին ստացել և ակնհայտ երևում էին արյան հետքերը: Ֆոտորագրողը հայտնում է, որ բախման հետևանքով Lexus-ն էլ բախվել է նշված վայրում գործող ծաղկի սրահի ապակե ցուցափեղկին և կոտրել ապակիների մի մասը:

Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Կարապետ Հարությունյանի գլխավորությամբ: Տեղում հետաքննչական աշխատանքները ղեկավարում է նույն վաշտի հետաքննիչ Գևորգ Պողոսյանը: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Տիգրան Բարսեղյանը տեղեկությունը փոխանցել է ոստիկանության Մասիսի բաժին, որտեղից ժամանել է օպերատիվ խումբը՝ բաժնի պետ Արմեն Խաչատրյանի գլխավորությամբ: Ոստիկանությունը պարզում է վարորդների ինքնությունը, ինչպես նաև վթարի հետևանքով վիրավոր կամ վիրավորներ եղել են, թե՝ ոչ: