Ովքե՞ր են շոու-բիզնեսից մասնակցել և երգել Արփինե Հովհաննիսյանի հարսանիքին
Մամուլում տարածված տեղեկության համաձայն ԱԺ նախկին փոխնախագահ Արփինե Հովհաննիսյանի և «Աստղիկ» ԲԿ փոխտնօրեն Արշակ Մնացականյանի հարսանիքին մասնակցել են մի շարք հայտնի մարդիկ, որոնց թվում էին նաև շոու-բիզնեսի աստղերը:
Հրավիրվածների թվում էին Արմեն Աշոտյանը, Էդուարդ Շարմազանովը, Արման Սահակյանը, ՀՀ նախկին վարչապետ Կարեն Կարապետյանը, Վաչե Գաբրիելյանը, Արմեն Գևորգյանը և այլք։
Նշենք, որ երեկոյի ընթացքում երաժշտական կատարումներով հանդես են եկել երգիչ Հայկոն, Արա Մարտիրոսյանը:
Խնջույքն իրենց ելույթով զարդարել և հյուրերին ուրախացրել են Արմեն Աշոտյանը, Էդուարդ Շարմազանովը, Արման Սահակյանը՝ իրենց «Իմ ընկեր» հայտնի երգի կատարմամբ։
Երգը թողարկվել էր դեռևս անցած տարվա տարեվերջին և մեծ հետաքրքրություն էր առաջացրել օգտատերերի շրջանում:
Ավելի վաղ ՀՀԿ փոխնախագահը լուսանկար էր հրապարակել հարսանեկան դահլիճից:
Հավելենք, որ Արփինե Հովհաննիսյանի հնարավոր ամուսնության մասին լուրերը շրջանառվում էին նախորդ տարվանից, երբ պարզ դարձավ որ ԱԺ նախկին փոխնախագահի սիրտը արդեն զբաղված է: