Էսօր, որ Փաշինյանը լավ ծանոթ չէ Արցախի բանակցային գործընթացին, նաև Ալիևի մեղքն է, լավ չի սովորեցրել նրան.Արթուր Համբարձումյան (video)

Երբ իմացա, որ Փաշինյան-Ալիև նման ձևաչափով քննարկում է լինելու, մտածեցի, որ պարոն Փաշինյանը շատ պատրաստված է լինելու այդ հանդիպմանը, բայց բանավեճից րոպեներ անց հիասթափվեցի։ Այս մասին Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է քաղաքագետ Գագիկ Համբարյանը՝ անդրադառնալով ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի մյունխենյան դեբատին։

Ըստ քաղաքագետի՝ հայկական կողմն այնքան թույլ էր պատրաստված, որ Նիկոլ Փաշինյանը նույնիսկ չէր հերքում Ալիևի կողմից հնչեցվող զրպարտությունները․ «Պարզվում է՝ Նիկոլ Փաշինյանը բացարձակ տեղյակ չէ, թե որքան ադրբեջանցի է ապրում Հայաստանում, և Ալիևի ակնհայտ ստերը 1988թ.-ի մարդահաշվի վերաբերյալ Նիկոլ Փաշինյանը չհերքեց»։

Հաղորդման մյուս հյուրը՝ ՇՊՀ դասախոս Արթուր Համբարձումյանը կարծում է, որ Նիկոլ Փաշինյանը միջազգային հանրության առաջ չկարողացավ ապացուցել, որ հայերը ճիշտ են, ադրբեջանցիները՝ սխալ. «Նիկոլ Փաշինյանն անընդհատ փորձում էր խուսափել կոնկրետ պատասխաններից։ Ինձ համար բավականին տհաճ էր, Ադրբեջանի ներկայացուցիչն իր գռեհիկ էմոցիաներն էր ցույց տալիս»։

Ըստ Համբարձումյանի՝ Նիկոլ Փաշինյանի խոսքից տպավորություն էր ստեղծվում, որ իր հայտարարությունները ոչ թե ուղղված են հայ հասարակությանը, այլ՝ «Նոբելյան մրցանակ» հանձնող հանձնաժողովին. «Պատկերացնո՞ւմ եք՝ Նիկոլ Փաշինյանն Արցախի հարցի մանրամասներին ծանոթանալու համար չի հանդիպում ՀՀ երեք նախագահներին, գնում, հանդիպում է Ալիևին ու նրանից էլ իմանում բանակցային գործընթացի մանրամասները»։

Հոգեբան Կարինե Նալչաջյանի գնահատմամբ՝ բանավեճի ժամանակ Ալիևի տեսքն ու պահվածքը շատ ամբարտավան էր. «Երբ Նիկոլ Փաշինյանը հայկական միջավայրում է, նրա կեցվածքն ու պահվածքն ամբողջությամբ տարբերվում է այն վիճակից, երբ նա գտնվում է թուրք-ադրբեջանական միջավայրում։ Հիշեք Միլանում տեղի ունեցած միջադեպը, երբ ադրբեջանցի ակտիվիստը, մտնելով եկեղեցի, դիալոգի բռնվեց Նիկոլ Փաշինյանի հետ, վերջինս կարծես հայացքով խնդրում էր, որպեսզի իրեն թույլ տա պատասխանել»։

Խոսելով բանակում մահացության դեպքերի աննախադեպ աճից՝ Գագիկ Համբարյանն ասել է. «Ես խոսել եմ որոշ մարդկանց հետ, բայց ունեմ տեղեկություն, որ խնդիրը սպայական կազմի ու զինվորների մեջ է։ Հեղափոխությունից հետո ժամկետային զինվորներին լուրջ հնարավորություններ են տրված, որն էլ տեղի ունեցած միջադեպերի խնդիրն է։ Բանակում եղած թեթև միջադեպերն այլևս չեն հարթվում սպայական կազմի կողմից, որն էլ հանգեցնում է լուրջ հետևանքների»։

Քաղաքագետը համոզված է, որ ՊՆ-ում պաշտոնանկությունները հարցի լուծում չեն, պետք է մեղավորները հայտնաբերվեն ու պատժվեն։

Հոգեբան Կարինե Նալչաջյանն ինչ-որ իմաստով համամիտ է Նիկոլ Փաշինյանի հետ, երբ վերջինս բանակում միջադեպերը կապում է քրեածին տարրերի հետ. «Ծառայության են անցնում մարդիկ, ովքեր քաղաքացիական կյանքում ստացել են դաստիարակություն, իսկ էկրաններից տարիներ շարունակ ի՞նչ կերպարներ են ցույց տվել՝ ամեն ինչ ունեցող գողականներ և խեղճ ու կրակ մտավորականներ։ Ի՞նչ եք կարծում՝ երիտասարդ տղայի համար ո՞վ է տղամարդու օրինակ ծառայում այս դեպքում»։

Արթուր Համբարձումյանն էլ նշում է, որ «գործ տալը» արդեն մտել է բանակ․ «Այսօր գլխավոր խնդիրն այն է, որ երկրի քաղաքական վերնախավի մեծամասնությունը բանակում չի ծառայել, և գենշտաբի պետն իրենց պարբերաբար տեղեկացնում է բանակում տիրող իրավիճակի մասին, որը զուտ տեխնիկական խնդիր չէ»։

Ըստ Արթուր Համբարձումյանի՝ քանի որ բանակը փակ համակարգ է, այսպես, թե այնպես բանակում կառուցվում է հիերախիա, որի պատասխանատուն սպայական կազմն է։

դիտվել է 1070 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am