Վանոն՝ ազատության մեջ. Նա իշխանության հեռացումն է գուժում

«Մեկ տարի հետո այս իշխանությունը չի լինի», - սրանք էին Վրաստանի նախկին վարչապետ, նախկին ներքին գործերի նախարար Միխեիլ Սաակաշվիլիի մերձավոր զինակից Վանո Մերաբիշվիլիի ազատության մեջ ասված առաջին խոսքերը:

«Ես ուրախ եմ, որ 6 տարի և 9 ամիս անցկացնելով այս բանտի մենախցում` այդպես էլ որևէ փոխզիջման չգնացի, նախևառաջ փոխզիջման չգնացի ինքս ինձ հետ: Իմ աջակիցների շնորհիվ է, որ այս տարիների ընթացքում ես կարողացա պահպանել կորովը, հույսը, կենսուրախությունը: Այդ ամենն ինձ թույլ կտա շարունակել պայքարը հանուն այս իշխանություններից Վրաստանի ազատագրման: Ես երաշխավորում եմ ձեզ` մեկ տարի անց այս կառավարության վերջը գալու է», - բանտի մուտքի մոտ հավաքված տասնյակ աջակիցներին ու լրագրողներին դիմելով՝ հայտարարում էր Վանո Մերաբիշվիլին:

Վերջինս Միխեիլ Սաակաշվիլիի նախագահության տարիների առանցքային գործիչներից մեկն էր: Նրա անվան հետ է կապվում նախևառաջ վրացական ոստիկանության արմատական բարեփոխումների գործընթացը: Մերաբիշվիլին երկրի ներքին գործերի նախարարությունը ղեկավարեց շուրջ 8 տարի` 2004-ից 2012 թվականներին:

Հետագայում՝ 2012-ի ամռանը և աշնանը, նա մի քանի ամիս զբաղեցնում էր կառավարության ղեկավարի պաշտոնը` դառնալով «Ազգային միացյալ շարժման» վերջին վարչապետը:

Մերաբիշվիլին մեղավոր էր ճանաչվել մի շարք դրվագներով, մասնավորաբար 2011-ի մայիսի 26-ին ընդդիմության ցույցի ժամանակ ոստիկանության կողմից անհամաչափ ուժի կիրառման, Թբիլիսիի բնակիչ Սանդրո Գիրգվիլիանիի սպանության գործով ապացույցներ թաքցնելու և ընտրակաշառք բաժանելու դրվագներով:

Մերաբիշվիլիի ազատազրկման ընթացքում նրա հարազատ կուսակցությունը` «Ազգային միացյալ շարժումը» պառակտվեց, իսկ կուսակցության ղեկավարների մի մասը նոր` «Եվրոպական Վրաստան» կուսակցությունը ստեղծեց: Դա էր թերևս պատճառը, որ Մերաբիշվիլին այսօր դժվարացավ ասել, թե հատկապես որ քաղաքական ուժի հետ է շարունակելու պայքարը: Դրա հետ մեկտեղ նախկին վարչապետը բարձր է գնահատում ընդդիմադիրների` միավորմանն ուղղված վերջին գործողությունները:

«Ես ուրախ եմ, որ ընդդիմությունը միավորվել է, և այս միասնությունն է գործող ռեժիմի հանդեպ մեր հաղթանակի երաշխիքը: Ինչ վերաբերում է ապագա կուսակցությանը, ես մինչ օրս որևէ հայտարարությամբ հանդես չեմ եկել, քանի որ գտնվում էի մեկուսացման մեջ: Ցավոք սրտի, իմ մերձավոր ընկերներն այժմ տարբեր կուսակցությունների շարքերում են, ես կհանդիպեմ նրանց հետ, կլսեմ նրանց կարծիքը և հետևություններ կանեմ», -ըստ «Ազատության» հայտարարել է Մերաբիշվիլին:

Առաջիններից մեկը հեռակա կարգով Մերաբիշվիլիին ազատության մեջ ողջունեց նրա ընկերն ու նախկին վերադասը` Վրաստանի երրորդ նախագահ Միխեիլ Սաակաշվիլին: «Ես հպարտանում եմ Վանո Մերաբիշվիլիի անկոտրում կամքով, տոկունությամբ և ուժով: Համաձայն եմ նրա այն տեսակետին, որ մեզ ի վերջո հաջողվելու է ազատվել Իվանիշվիլիից: Պատճառը ոչ թե մեր անձնական զգացողություններն են, այլ այն իրողությունը, որ երկրին առաջընթաց է հարկավոր և զարգացում: Բոլորին հաշտության կոչ եմ անում: Մենք բոլորս պետք է առաջնորդվենք ապագայով, այլ ոչ թե անցյալի իրադարձություններով», - Ֆեյսբուքի իր էջում այսօր գրել է Սաակաշվիլին:

2013թ. մայիսին Վրաստանի Իմերեթի տարածաշրջանի դատախազությունը ձերբակալեց երկրի նախկին վարչապետ, ներկայումս` նախագահ Միխեիլ Սաակաշվիլիի «Միացյալ ազգային շարժում» կուսակցության գլխավոր քարտուղար Վանո Մերաբիշվիլիին:

Դատախազության ներկայացուցիչը Մերաբիշվիլիի հարցաքննությունից հետո հայտարարեց, որ գործը վերաբերում է նրա կոռուպցիոն գործունեության երկու դրվագների, նրան մեղադրանք է առաջադրվել Վրաստանի քրեական օրենսգրքի երեք հոդվածների հատկանիշներով: Նախկին վարչապետից բացի ձերբակալվել էր նաև երկրի աշխատանքի, առողջապահության և սոցիալական պաշտպանության նախկին նախարար Զուրաբ Չիաբերաշվիլին:

Վրաստանին հետաքրքիր օրեր են սպասում: Վանո Մերաբիշվիլիի՝ քաղաքականություն վերադարձը, իսկ նա հայտարարել է այդ մասին, ուշագրավ զարգացումներ կապահովի ներքաղաքական գործընթացներում:

Մի կողմից ընդդիմադիր բազմաթիվ ուժեր են, որոնց առաջնորդ է հարկավոր: Իսկ ում հետ կհամագործակցի Վանո Մերաբիշվիլին, առայժմ հստակ չէ: Կան փորձագետեր, որոնք կարծում են, որ նա հազիվ թե համաձայնվի Սաակաշվիլիի կողմնակիցների թիմում մնալ:

Ամեն դեպքում, Վրաստանի իշխանություններին բարդ օրեր են սպասում: Ողջ ընդդիմադիր դաշտը միասնական է՝ Իվանիշվիլիին իշխանությունից հեռացնելու հարցում: Դա նշանակում է, որ Միխեիլ Սաակաշվիլիի ու Վանո Մերաբիշվիլիի համար ընդդիմադիր ասպարեզը բացվում է:

Մետաքսյա Շալունց

դիտվել է 6581 անգամ
Լրահոս
Առանց ներկայիս դե-ֆակտո իշխանությունների մենք կարող ենք դիմադրել և հաղթել. Վարուժան Գեղամյան Այսօր Հայաստանին և հայ ժողովրդին պատերազմով սպառնում են երկու հոգի՝ Իլհամ Ալիևը և Նիկոլ Փաշինյանը Տավուշի այդ 4 գյուղերն ադրբեջանական են, ՀՀ-ին չեն պատկանում, պետք է վերադարձնել․ ՔՊ-ական պատգամավոր «Եթե գիտեք՝ Ոսկեպարով կինոն կվերջանա, ասեմ, որ կինոն նոր ա սկսելու» «Տավուշի համայնքների հարևանությամբ հայտնվելու են ադրբեջանական զինված ծառայողներ. ռազմավարական օբյեկտներ հայտնվելու են ադրբեջանական թիրախի կամ վերահսկողության ներքո». Թաթոյան Զախարովան՝ Փաշինյանի՝ պատերազմ սկսվելու հայտարարության մասին ՆԱՏՕ-ի գլխավոր քարտուղարը ժամանեց Երևան ՔՊ-ականն ու էրոտիկան (video) ԵՄ արտգործնախարարները վերահաստատել են իրենց աջակցությունը Հայաստանին. Ստանո Փաշինյանի շանտաժը ոսկեպարցիներին (video) Հայաստանում զինվորականներ կա՞ն... Այս ու՜ր ենք հասել... Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184 Սյունիքում հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը Դավիթ Կարապետյանը երդմամբ ստանձնեց պատգամավորական մանդատը Սարսռել կարելի է այն մտքից, թե տավուշցիները ինքնապաշպանական խմբեր կստեղծեն պաշտպանվելու համար. Հովհաննիսյան Ոսկեպարցիները Փաշինյանին ասել են՝ դու ստեղ ամագ ունե՞ս, որ ուզում ես տարածք զիջես. Գառնիկ Դանիելյան (video) Որտեղի՞ց լինի ՀՀ, երբ երկրին դավաճանածը գյուղացուն համոզում է, որ պետք է ձեր հողերն էլ տանք թշնամուն. Զաքարյան Պետք է հիշել ԲԴԽ անդամների անունները, ովքեր կողմ քվեարկեցին Բորիսին կալանավորելու միջնորդությանը․ Արթուր Ղամբարյան Որպես ազգ և պետություն մենք գոնե գիտակցո՞ւմ ենք, որ «քննարկում ենք» Հայաստանի մաս-մաս հանձնումը թշնամուն. Ոսկանյան Դավաճան, հող ծախող․․․ Ինչպես են Փաշինյանին դիմավորել Տավուշում (video) Հայաստանին է մոտենում է հաջորդ ցիկլոնը. տեղումները կվերսկսվեն ձյան ու անձրեւի տեսքով Չես գտնի ոչ մի ղեկավարի, որ ձեռքը վերցնի մի 3.000 դրամանոց խաղալիք ու յալանչու պես ընկնի այդ երկրի գյուղերն ու քաղաքները Ձյուն, բուք և մառախուղ․ Իրավիճակը Հայաստանի ավտոճանապարհներին Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր Միշել Տեր-Զաքարյան․ Թքած ունեմ՝ Մբապեն կմնա, թե կհեռանա
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am