Նոր իմիջ՝ 20 տարի հետո. ԱՄՆ-ն կրկին ռուսական հետք է գտել

Ամերիկյան հատուկ ծառայությունները կարծում են, որ Ռուսաստանը դարձյալ փորձում է օգնել ԱՄՆ նախագահ Դոնալդ Թրամփին՝ այս տարի նոյեմբերին սպասվող ընտրություններում վերընտրվելու համար: Այդ մասին հայտնում են ամերիկյան լրատվամիջոցները, որոնց տրամադրության տակ են հայտնվել Կոնգրեսի անդամների համար նախատեսված գաղտնի ճեպազրույցի մանրամասները:

Ամերիկյան լրատվամիջոցները մի քանի անանուն աղբյուրներ վկայակոչելով հաղորդում են, որ փետրվարի 13-ին հատուկ ծառայությունները կոնգրեսականների հետ փակ հանդիպում են ունեցել ռուսական նոր միջամտության հարցով։

Ինչպես հաղորդում է The New York Times-ը, Թրամփն իմացել է այդ ճեպազրույցի մասին Կոնգրեսի հանրապետական անդամներից և այնքան դժգոհ է եղել, որ որոշել է հաստատման չդնել Ազգային հետախուզության ներկայիս պետ Ջոզեֆ Մագուայերի թեկնածությունը: Հաղորդվում է, որ ճեպազրույցը կայացել է փետրվարի 13-ին, իսկ հաջորդ օրը Թրամփը խիստ քննադատության է ենթարկել Ազգային հետախուզության տնօրեն Ջոզեֆ Մագուայրին, որը մի քանի օրից հեռացվել է պաշտոնից: Պարբերականի տվյալներով՝ նախագահը կարծում է, որ դեմոկրատ կոնգրեսականներն իր դեմ կարող են օգտագործել ստացված տեղեկատվությունը:

Չորեքշաբթի Թրամփը հայտարարել էր, որ Ազգային հետախուզության տնօրենի պաշտոնը կզբաղեցնի Գերմանիայում ԱՄՆ դեսպան Ռիչարդ Գրենելը: Սակայն վարչակազմում երկու աղբյուր հայտնել են, որ Ջոզեֆ Մագուայրի հեռացումը և Թրամփի դժգոհությունն առաջացրած ճեպազրույցը պարզապես համընկել են, և որ Թրամփը վաղուց պատրաստվում էր պաշտոնից ազատել Մագուայրին:

Հիշեցնենք, որ 2019թ. մարտին Միացյալ Նահանգներում ավարտվել է Մյուլերի վարած հետաքննությունը, որը վերաբերում էր 2016թ. կայացած նախագահական ընտրություններին Ռուսաստանի հավանական միջամտությանը:

Հետաքննությունը տևել է երկու տարի: Այն սկսվել էր նախագահ Դոնալդ Թրամփի երդմնակալությունից հետո, երբ լուրջ կասկածներ էին հայտնվել առ այն, որ Կրեմլի միջամտությունը նպաստել է Թրամփի հաղթանակին: Ընդ որում, Մյուլլերը հանգել էր այն եզրակացությանը, որ Թրամփն ու իր շտաբը Ռուսաստանի հետ համաձայնության չեն եկել 2016 թվականի ընտրությունների ժամանակ, և որ Սպիտակ տան գործող ղեկավարը չի խոչընդոտել արդարադատությանը: Ընդ որում, Մյուլլերը նաև պնդել է, որ Ռուսաստանը միջամտել է այդ ընտրություններին:

Թրամփը բազմիցս հերքել էր ռուսական միջամտության հավանականությունը՝ Մյուլերին կոչ անելով դադարեցնել «ամոթալի» հետաքննությունը: Պաշտոնական Մոսկվան ևս հայտարարել էր, որ որևէ առնչություն չունի 2016թ. ընտրությունների հետ:
Իր հերթին, Ռուսաստանի նախագահն էլ խոսել է նախկին և գործող վարչապետների մասին: Պետական լրատվական գործակալությունը Պուտինի հետ երեք ժամանոց հարցազրույց է վարել, որը վերնագրել է՝ «20 հարց Պուտինին»։ Հրապարակվել է այդ հարցազրույցի առաջին մասը, որում Ռուսաստանի նախագահը պատասխանել է երկրի նախկին և գործող վարչապետների մասին հարցերին։

Պուտինի խոսքով՝ Միխայիլ Միշուստինը վարչապետի հավակնորդների նախնական ցանկում չէր։ Նախագահին առաջարկել են չորս թեկնածու, սակայն Միշուստինի ազգանունն այդ ցուցակում չկար: «Ես ինքս եմ առաջարկել Միշուստինի թեկնածությունը և արդյունքում հենց նրան ընտրել», - ասել է հարցազրույցում Ռուսաստանի նախագահը՝ առանց նշելու, թե ովքեր էին այդ չորս թեկնածուները։

Պուտինի խոսքով՝ Միշուստինը, երբ ղեկավարում էր Դաշնային հարկային ծառայությունը, դարձել է թվայնացման ոլորտի մասնագետ: Միշուստինի առաքելությունն էր մեղմել հարկ վճարողների իրավիճակը և հարկային վճարումների գործընթացը դարձնել ավելի թափանցիկ ու հասկանալի: Ռուսաստանի նախագահի գնահատմամբ՝ Միշուստինը դա հիանալի է իրականացրել։

Վլադիմիր Պուտինը, հիշեցնենք, հունվարի 16-ին Միխայիլ Միշուստինին վարչապետ նշանակելու մասին հրամանագիր է ստորագրել: Մինչ այդ Միշուստինը գրեթե տասը տարի ղեկավարում էր Ռուսաստանի Դաշնային հարկային ծառայությունը:
ՏԱՍՍ-ի հրապարակած հարցազրույցի առաջին մասում Ռուսաստանի նախագահը խոսել է նաև նախկին նախագահ և վարչապետ Դմիտրի Մեդվեդևի մասին։ Մասնավորապես՝ նա հարցազրույցում պնդում է, թե Դմիտրի Մեդվեդևի հետ քննարկել է կառավարության հրաժարականի հարցը. ռուսական մի շարք աղբյուրներ և փորձագետներ, հիշեցնենք, նշել էին՝ Մեդվեդևն իր կառավարության հրաժարականի մասին տեղյակ չէր: Պուտինը հարցազրույցում չի համաձայնել, որ Անվտանգության խորհրդի նախագահի տեղակալի պաշտոնը հատուկ են հորինել Մեդվեդևի համար, և որ վերջինիս պաշտոնաթողությունը նման էր հատուկ օպերացիայի։ «Մենք Մեդվեդևի հետ ընկերներ ենք և միմյանցից գաղտնիքներ չունենք։ Մեդվեդևը տեղյակ էր տեղի ունեցածի մասին», - հարցազրույցում ասել է Վլադիմիր Պուտինը։

2008թ. Պուտինի հին ընկեր Մեդվեդևը չորս տարով ստանձնել էր Ռուսաստանի նախագահի պաշտոնը, նախագահության արդեն առաջին տարում նախաձեռնել էր սահմանադրական փոփոխություններ՝ նախագահության ժամկետը չորս տարուց դարձնելով վեց տարի, և 2011-ին հայտարարել, որ ինչպես և պայմանավորվել էր Պուտինի հետ՝ հրաժարվում է մասնակցել 2012-ի նախագահական ընտրություններին։ Ռուսական մամուլը գրել էր, որ Մեդվեդևը նեղացել է Պուտինից անսպասելի հրաժարականի համար։ Ռուսաստանի նախագահը ՏԱՍՍ-ին տված հարցազրուցում պնդում է, որ իրենք մնացել են ընկերներ, և իրենց տանդեմը դեռ գոյություն ունի։
Քսան տարի առաջ մարտի 26-ին Վլադիմիր Պուտինն առաջին անգամ Ռուսաստանի նախագահ էր ընտրվել։ Վերջին շրջանում Կրեմլը աշխատում է Պուտինի նոր իմիջի վրա։

Նախօրեին ռուսաստանյան Առաջին ալիքը ցուցադրել էր Սանկտ Պետերբուրգի առաջին քաղաքապետ, նոր Ռուսաստանի ամենահայտնի դեմոկրատներից մեկի՝ Անատոլի Սոբչակի մասին ֆիլմ, որում մասնավորապես մի դրվագ կա. Վլադիմիր Պուտինը, ով այն ժամանակ զբաղեցնում էր Ռուսաստանի առաջին նախագահ Բորիս Ելցինի ադմինիստրացիայի ղեկավարի տեղակալի պաշտոնը, վտանգելով իր պաշտոնն ու ընդհանրապես քաղաքական կարիերան, կազմակերպել էր իր նախկին ղեկավար Սոբչակի տեղափոխումը Փարիզի հիվանդանոց։ Սոբչակի դեմ քրեական գործ էր հարուցված, և նրան պետք է ձերբակալեին։ Ներկայացվեց, որ Պուտինը, փաստորեն, փրկել է հիվանդ Սոբչակին, ում Փարիզում վիրահատել են։ Հիշեցնենք՝ Սոբչակը Ռուսաստան էր վերադարձել միայն մի քանի տարի անց, երբ Պուտինը Ելցինի ինքնակամ հեռանալուց հետո դարձել էր նախագահի պաշտոնակատար։

Մետաքսյա Շալունց

դիտվել է 1514 անգամ
Լրահոս
Նորքի ինֆեկցիոն հիվանդանոցում երկու մահ ունեցանք՝ 55 տարեկան և 73 տարեկան Պարենային ճգնաժամի մարտահրավերը Ինչքան կստանա Հայաստանը G20-ից և Համաշխարհային բանկից` կորոնավիրուսի համար Կյանքը կորոնավիրուսից հետո. անդունդի և նոր իրականության առերեսումը հեշտ չի լինելու Ինչու՞ է Ալիևը նորից ակտիվացել ՀՀ սահմանների մոտ Թրամփի ժեստը Հայաստանին, Վրաստանին և Ադրբեջանին Ալո, Նիկոլն է Փաշինյան. զանգել եմ` ասեմ` ինձ վրա հույս չդնեք Կառավարումը պատժելը չէ միայն, ասֆալտին փռելը չէ Այսուհետ ՀԿ-ները պետությանը ներկայացնելու են իրենց գործունեության մասին հաշվետվություն Ժողովրդին զանգելու փոխարեն, գուցե զանգեք եւ լսեք ձեր թիմից դուրս փորձառու մասնագետներին․ Լիլիթ Գալստյան Պարետի նոր որոշումը Բագրատաշենի մաքսակետում բեռնափոխադրող վարորդները 5-6 օր սպասում են անցնելու իրենց հերթին Մարտի 31-ին դրվելու է Արցախի լինել-չլինելու հարցը․ Վիտալի Բալասանյան Հայ ուսանողներից ոմանք չեն կարողացել ԱՄՆ-ից վերադառնալ Հայաստան Ռուսաստանի կողմից սահմանների նոր սահմանափակումները չեն ազդելու հայկական բեռների վրա. Փաշինյան Մի տխուր-տխուր պատմություն պատմեմ... Կորոնավիրուսով հաստատված դեպքերի թիվը անցել է 400-ը Արցախում առայսօր կորոնավիրուսի դեպք չի գրանցվել. ԱՀ ԱՆ «Չվհատվեք. . . Կուգան ու Կերթան... ». Սիրուշոն կատարել է Ջիվանու «Ձախորդ Օրեր» ստեղծագործությունը (տեսանյութ) Առաքել Մովսիսյանի որդին ևս երկու ամիս կմնա կալանքի տակ Վրեժը ժանտախտի ժամանակ. ով է թիրախում Եվս 2 հոգի բուժվեց կորոնավիրուսից Որքան ժամանակ է կորոնավիրուսը պահպանվում օրգանիզմում Արցախի 776 քաղաքացի իրենց ընտրությունը կկատարեն Հայաստանում, մինչդեռ ՀՀ-ում արգելված է զանգվածային միջոցառումների անցկացումը «Անտարեսը» 2 տարում պետբյուջեից ավելի քան 136 միլիոն դրամ գումար է ստացել․ Antifake.am
Ամենաընթերցվածները
Շուտով
Մարտի 27-ին՝ ժամը 11:30-ին, Հայելի ակումբի հյուրերն են «Ադեկվադ» կուսակցության վարչության անդամ Կոնստանտին Տեր-Նակալյանը և Միհրդատ Մադաթյանը: Թեմա` Արտակարգ իրավիճակում կառավարության քայլերը Մարտի 27-ին՝ ժամը 11:00-ին, Հայելի ակումբի հյուրն է «Ագրարագյուղացիական միավորում» հ/կ ղեկավար Հրաչ Բերբերյանը: Թեմա` «Ագրարագյուղացիական միավորում» հ/կ-ն դատի է տալիս կառավարությանը` արտակարգ իրավիճակում ընդունած որոշումների համար. Արդյոք երկիրը հնարավորություն կունենա սերմացուներ ձեռք բերել Մարտի 27-ին՝ ժամը 13:00-ին, Հայելի ակումբի հյուրերն են քաղաքական վերլուծաբաններ Մենուա Հարությունյանը և Գուրգեն Եղիազարյանը: Թեմա` Արցախում մարտի 31-ին կայանալիք ընտրություններ Մարտի 27-ին՝ ժամը 12:00-ին, Հայելի ակումբի հյուրերն են «Ռեֆորմիստներ» կուսակցության հիմադիր Վահան Բաբայանը և ՀՀ Դեմոկրատական կուսակցության նախագահ՝ Արամ Գասպարի Սարգսյանը Թեմա` Ընտրություններ Արցախում, կորոնավիրուս, երկրում ստեղծված իրավիճակ, կառավարության քայլեր: Մարտի 24-ին՝ ժամը 11:30-ին, Հայելի ակումբի հյուրն է ռազմական և քաղաքական գործիչ Գևորգ Գևորգյանը: Թեմա` Արցախի ընտրություններ, ինչպես են գնահատում երկրի վիճակը և պարետի աշխատանքները` արտակարգ դրության պայմաններում Մարտի 24-ին՝ ժամը 13:00-ին, Հայելի ակումբի հյուրն է Հայաստանի երկրորդ նախագահ Ռոբերտ Քոչարյանի պաշտպան Հայկ Ալումյանը: Թեմա` Ռ. Քոչարյանի դատական գործում ինչ զարգացումներ կան: ԲԴԽ-փաստաբաններ հակամարտություն : Մարտի 24-ին՝ ժամը 12:00-ին, Հայելի ակումբի հյուրերն են «Համերաշխություն» շարժում կուսակցության նախագահ Սարգիս Ավետիսյանը և «Ազգային համաձայնություն» կուսակցության նախագահ Արամ Հարությունյանը: Թեմա` Արցախի ընտրություններ, ինչպես են գնահատում երկրի վիճակը և պարետի աշխատանքները` արտակարգ դրության պայմաններում: Մարտի 24-ին՝ ժամը 11:00-ին, Հայելի ակումբի հյուրն է սոցիոլոգ Ահարոն Ադիբեկյանը: Թեմա`բանախոսը կներկայացնի Արցախում կատարված սոցհարցումների արդյունքները. Ընտրություններ Արցախում. Ում հետ են կապում արցախցիներն իրենց հարցի լուծումը Երկրում կորոնավիրուսով պայմանավորված իրավիճակից ելնելով, «Հոդված 3» ակումբն իր հետևորդներին և լրագրող գործընկերներին առաջարկում է քննարկման նոր ձևաչափ․ մենք կշարունակենք զրուցել կարևոր թեմաների մասին և լուսանկարի միջոցով կտեղադրենք մեր ֆեյսբուքյան էջում, որը լրագրողները կարող են օգտագործել իրենց հոդվածներում՝ ճիշտ այնպես, ինչպես արվում էր մեր ակումբում անցկացվող քննարկումների դեպքում։ Մարտի 19-ի բանախոսներն են․ ՏԻԳՐԱՆ ՋՐԲԱՇՅԱՆ, «Ամերիա» խորհրդատվական ընկերության տնօրեն ՎԱՐԴԱՆ ԱՐԱՄՅԱՆ, ֆ... Մարտի 19-ին, ժամը 12.00 «Տեսակետ» մամուլի ակումբի հյուրն է սոցիոլոգ Ահարոն Ադիբեկյանը: Թեման՝ «Ընտրություններ Արցախում. ո՞վ կդառնա Արցախի հաջորդ նախագահը, ովքե՞ր կլինեն ԱԺ-ում: Արցախցիների շրջանում անցկացված սոցհարցումների արդյունքները»: Ասուլիսը կհեռարձակվի ուղիղ եթերով: Խնդրում ենք ներկայանալ դիմակով: