Նախկին նախագահները մտնում են խաղի մեջ

Այս տարվա աշնանը Վրաստանում անցկացվելու են խորհրդարանական ընտրություններ: Վրաստանում ընդդիմության, քաղաքացիական ակտիվիստների բողոքի ակցիաները սկսվեցին նոյեմբերի 14-ից, երբ խորհրդարանում տապալվեց ամբողջովին համամասնական ընտրակարգին անցնելու նախագիծը, ինչն ավելի վաղ խոստացել էր իշխանության ղեկավար Բիձինա Իվանիշվիլին։ Անցած ամռանը զանգվածային ցույցերը հանդարտեցնելու նպատակով նա ասել էր, թե 2020թ. ընտրությունները կանցկացվեն միայն համամասնական ընտրակարգով։

Ահա, Վրաստանում արդեն նախընտրական տրամադրություններ են, քաղաքական գործիչները հանդես են գալիս նախընտրական հայտարարություններով: Վրաստանի չորրորդ նախագահ Գիորգի Մարգվելաշվիլին չի բացառել, որ կվերադառնա ակտիվ քաղաքականություն: Այս մասին նախկին նախագահը հայտարարել է «Պիրվելի» հեռուստաընկերության եթերից: Մարգվելաշվիլիի խոսքով, ակտիվ քաղաքականություն վերադառնալու հավանականությունը մեծապես պայմանավորված է Վաշինգտոնից ուղարկված նամակների հետ, որով, ըստ Մարգվելաշվիլիի, Վրաստանի իշխանություններին ասել են, որ «մեզ համար անընդունելի եք»: «Արտաքին քաղաքականության փոփոխման վտանգ կա»,- գտնում է նախկին նախագահը:

Իսկ Ուկրաինայում գտնվող Միխայիլ Սաակաշվիլին մտադիր է մոտ ժամանակներս Թբիլիսիում հեռակա սեփական քաղաքական շտաբ ստեղծել։ Այս մասին Վրաստանի երրորդ նախագահը հայտնել է ֆեյսբուքյան իր ուղերձում։ Ինչպես պարզաբանել է Սաակաշվիլին, շտաբը աշխատանքը կսկսի արդեն մարտին՝ նախագահական գրադարանի բազայի վրա։ Նոր հարթակը առավելապես կողմնորոշված է դեպի երիտասարդությունը։ Այն նաև կմիավորի նախկին նախագահի կողմից ստեղծված «Միացյալ ազգային շարժում» կուսակցությանը և այլ ընդդիմադիր ուժերին։ «Մարտի 1-ից «Սաակաշվիլիի նախագահական գրադարանի» բազայի վրա ես կբացեմ իմ շտաբը, անձնական շտաբը, որը «Ազգային շարժման» և մյուս ընդդիմադիր ուժերի հետ միասին, առանց կուսակցության եկող նոր մարդկանց հետ միասին կստեղծի ավելի մեծ հիմքեր և կարագացնի Իվանիշվիլիի ռեժիմի ավարտն ու Վրաստանի փրկությունը»։

Հիշեցնենք, որ ներկայումս երկրի նախկին նախագահ Սաակաշվիլին Վրաստանում չի բնակվում, քանի որ ներկայիս իշխանությունները նրա դեմ քրեական գործեր են հարուցել: Միխայիլ Սաակաշվիլին Վրաստանից հեռացել է 2013թ․, իր նախագահական երկրորդ ժամկետից հետո։ Նա դասավանդել է ԱՄՆ-ում, այնուհետև աշխատանքի է հրավիրվել Ուկրաինա, որտեղ քաղաքացիություն է ստացել։ 2015թ․ Սաակաշվիլին հրաժարական է տվել Օդեսայի մարզի նահանգապետի պաշտոնից և հիմնել է ընդդիմադիր «Նոր ուժերի շարժում» կուսակցությունը։ Դրանից քիչ անց նա զրկվեց Ուկրաինայի քաղաքացիությունից, իսկ 2018թ․ փետրվարին արտաքսվել է Լեհաստան։ Սաակաշվիլին Կիև է վերադարձել 2019թ․ մայիսի 28-ին, այն բանից հետո, երբ Ուկրաինայի նորընտիր նախագահ Վլադիմիր Զելենսկին վերականգնել է նրա քաղաքացիությունը։

Վրաստանում Սաակաշվիլին անցնում է մի քանի քրեական գործերով։ 2018թ․ հունվարին Թբիլիսիի քաղաքային դատարանը նրան դատապարտել է երեք տարվա ազատազրկման՝ բանկիր Սանդրո Գիրգվլիանիի սպանության մեղավորներին ներում շնորհելու համար։ Ահա, Սաակաշվիլին Թբիլիսիում քաղաքական շտաբ է բացում: Սաակաշվիլիի խոսքով, իր հետևում կանգնած են շատերը, բացի այդ ինքը և վրաց ժողովուրդը միջազգային աջակցություն ունեն:

Միաժամանակ Թբիլիսիի քաղաքապետ Կախա Կալաձեի խոսքով, 2020 թվականին տեղի ունենալիք խորհրդարանական ընտրություններում «Վրացական երազանքը» հնարավոր է սահմանադրական մեծամասնություն ունենա: Կալաձեն լրագրողների հետ զրույցում հայտարարել է, թե «Վրացական երազանքը» ժողովրդի վստահությունը վայելող միակ ուժն է: «Միակ քաղաքական ուժը՝ որը հաղթանակի իրական շանս ունի` «Վրացական երազանքն» է: Հանրությունը մեծ վստահություն ունի մեր նկատմամբ: Բոլորը տեսնում են ամեն ինչ… թե ի՞նչ է տեղի ունենում, ի՞նչ իրավիճակ է, ի՞նչ մարտահրավերներ կան և միակ ուժը, որը ժողովրդի աջակցությունն ունի` «Վրացական երազանքն» է»,- հայտարարել է Կալաձեն:

«Եթե ընտրություններն անցկացվեն գործող ընտրահամակարգով, վստահ եմ, որ «Վրացական երազանքը» նորից սահմանադրական մեծամասնություն կունենա», վստահեցրել է խորհրդարանական մեծամասնության ղեկավար Մամուկա Մդինարաձեն: Վերջինիս խոսքով, եթե ընդդիմությունը համաձայնի իշխանությունների կողմից առաջարկված 100/50 մոդելին (100 համամասնական և 50 մեծամասնական մանդատ), ապա իշխող թիմը կդժվարանա սահմանադրական մեծամասնություն ստանալ: «Եթե ընդդիմությունը մեր առաջարկին համաձայնի, հնարավոր է` դժվարանանք խորհրդարան մտնել սահմանադրական մեծամասնությամբ, սակայն գործող ընտրակարգով, վստահ եմ, որ «Վրացական երազանքը» սահմանադրական մեծամասնություն կունենա: Երբ ընդդիմությունն ասում է, թե «Վրացական երազանքը» 20-25% աջակցություն ունի, դա ընդամենը հոգեբանական ճնշում է»,- հայտարարել է Մդինարաձեն:

«Եվրոպական Վրաստան» կուսակցության մամուլի ծառայության հաղորդմամբ, քաղխորհրդի նիստ է տեղի ունեցել, որի ընթացքում քաղխորհրդի անդամները քննարկել են քաղաքական ծրագրերը:

Կուսակցությունից նշում են, որ իրենք ընդդիմադիր միավորման առաջնագծում են և իրենց նպատակն է «Վրացական երազանքի»-ն խաղաղ ճանապարհով զրկել իշխանությունից: «Այսօր կուսակցությունում քննարկել ենք մեր հետագա ռազմավարությունն ու պայքարի ծրագրերը: Եվրոպական Վրաստանը մնում է ընդդիմադիր պայքարի առաջնագծում և մեր խնդիրն է` խաղաղ, ընտրությունների միջոցով հեռացնել իշխանությունից «Վրացական երազանքին»: Այդ պատճառով իշխանությունները պետք է իմանան, որ մենք պատրաստ ենք պարտության մատնել «Վրացական երազանքին», նշել է Դավիթ Բաքրաձեն:

Կուսակցության մեկ այլ առաջնորդ Գիգա Բոկերիան հայտարարել է, որ իրենք պատրաստ են հետագա քայլերն անել իրենց գործընկերների հետ համագործակցությամբ. «Քաղխորհրդին քննարկել ենք տարվա հիմնական մարտահրավերները: Մեր գործընկերների հետ միասին պատրաստվում ենք արդյունավետ բողոքի ալիք կազմակերպել»:

Մետաքսյա Շալունց

դիտվել է 2790 անգամ
Լրահոս
Ոսկեպար, Բաղանիս․․․ Ադրբեջանը Հայաստանի ներսից պատերազմ է սկսում․․․ Տիրան Լոքմագյոզյան (video) Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն Հորը բռնության ենթարկելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեբուժարանում ՌԴ-ն զանգվածային հարված է հասցրել Ուկրաինայի էներգետիկ օբյեկտներին՝ կիրառելով մոտ 100 անօդաչու, «Իսկանդեր» և «Կինժալ» հրթիռ Հռոմի պապն այցելել է բանտ և լվացել 12 կնոջ ոտքերը. առաջին անգամ ծեսին մասնակցել են միայն կանայք (լուսանկարներ) Փորձ է արվել Հայաստան ներմուծել առանց հայտարարագրման 40 հատ iPhone Ի՞նչ է պատասխանել Պուտինը Փաշինյանի՝ ինչու է ղարաբաղցիներին թողել բախտի քմահաճույքին, հարցին Հալեպի վրա Իսրայելի հարձակման հետևանքով զոհվել է 36 մարդ. Al Hadath «Ալենը ստում է, ստում է, ստում է, ստում է…». Համբարյան «Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել է «Կապիտալ պլյուս»-ի տնօրենին Ալե՛ն, եթե այդքան փխրուն ես, բա ասելիք չունե՞ս, երբ քեզ ասացին՝ «անբարոյականի վաստակ»․ Աննա Մկրտչյան (video) «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են Արցախի ղեկավարների հարցազրույցները եթեր չեն գնացել Մենք իշխանություն ճանկռելու, գրկելու, կրծելու խնդիր չունենք. Նիկոլ Փաշինյանը խաբել է. մաս 191 Փաշինյանն այս անգամ էլ գնացել է գնդապետ Վոլոդյա Ավետիսյանի հետևից․․․ խուզարկություններ են անում (video) Ելք ՀԱՊԿ-ից և ԵԱՏՄ-ից. Հայաստանի ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը. Լավրով Քանի՞ մարդ է թունավորվել Հայաստանում Ի՞նչ կլինի, եթե իշխանությունն իրականացնի Ադրբեջանի ցանկությունը Տավուշում (video) Երևանում թալանել են «Տոյոտա Երևան»-ի վաճառքի բաժնի ղեկավարի «Toyota»-ները Այս ընթացքը կասեցնել չի ստացվի` անկախ նրանից, թե իշխանությունը դա ճնշելու ճանապարհին քաղբանտարկյսլների շարքը կընդլայնի՞, թե՞ մարդկանց դեմ բութ գործիքներ կկիրառի. Տիգրան Աբրահամյան «Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am