Լարիսա Մինասյանը ստում է. «ԲՀՀ-Հայաստան» գրասենյակի ղեկավարը և Նիկոլ Փաշինյանը հանդիպել են
Այսօր «Բաց հասարակության հիմնադրամներ- Հայաստան» գրասենյակի ղեկավար Լարիսա Մինասյանը և ծրագրերի գծով փոխտնօրեն Դավիթ Ամիրյանը ասուլիս էին հրավիրել, որտեղ Լարիսա Մինասյանը հանդես եկավ հայտարարությամբ` նշելով, որ գրասենյակն «անփոխարինելի ներդրում ունի մարդու իրավունքների եւ ժողովրդավարական արժեքների տարածման գործում եւ հպարտությամբ շարունակելու է իր գործունեությունը»:
Լարիսա Մինասյանը, պատասխանելով լրագրողի հարցին, թե «խոսակցություն ունեցե՞լ եք վարչապետի հետ, եղե՞լ է նման խոսակցություն, թե՞ ոչ»` նկատի ունենալով Նարեկ Մալյանի նախորդ օրվա հայտարարությունը, պատասխանել է. «Ես հեռախոսային կամ առերես կամ գրավոր որևիցե խոսակցություն չեմ ունեցել, պատիվ չեմ ունեցել ունենալու պարոն Փաշինյանի հետ»: Մինասյանը նաև լրագրողներին կոչ արեց հանրային դիսկուրս չներմուծել այդ ակնհայտ գռեհիկ սուտը:
Այնինչ պետք է փաստել որ ՀՀ վարչապետ Նիկոլ Փաշինյանի հետ հանդիպելու նման պատիվ, այնուամենայնիվ, Լարիսա Մինասյանն ունեցել է:
Դեռևս 2018թ. հուլիսի 18-ին ՀՀ վարչապետ Նիկոլ Փաշինյանը ընդունել է Անցումային արդարադատության միջազգային կենտրոնի (ICTJ) և Բաց հասարակության հիմնադրամների արդարադատության նախաձեռնության փորձագետներին, այդ թվում նաև` «ԲՀՀ-Հայաստան» գրասենյակի ղեկավար Լարիսա Մինասյանին: Վարչապետի աշխատակազմի մամլո հաղորդագրության մեջ առկա լուսանկարներում ևս Լարիսա Մինասյանն է, որը առերես հանդիպում է Նիկոլ Փաշինյանի հետ:Իր ասուլիսի ընթացքում հնչած մի շարք ստերի հետ համատեղ այս փաստը ևս մեկ ապացույց է, որ Լարիսա Մինասյանը «գռեհիկ սուտ» է տարածում և նվաստացնում է հասարակությանը, ինչում հենց ինքն է մեղադրում «ԲՀՀ-Հայաստան» գրասենյակի գործունեության քննադատությամբ հանդես եկող հասարակական-քաղաքական գործիչներին:
Հաջորդիվ, կներկայացնենք ասուլիսի ընթացքում Լարիսա Մինասյանի կողմից հնչեցված մյուս ստերը:
antifake.am