Դատի եմ տվել Արման Բաբաջանյանին. մի նկարի պատմություն
Լրագրողները ՀՅԴ-ական Արծվիկ Մինասյանից հետաքրքրվեցին, թե ինչ դիրքորոշում ունի ԱԺ պատգամավոր Արման Բաբաջանյանի կողմից հայտնի սքրինշոթի հրապարակման վերաբերյալ:
Հիշեցնենք, որ ԱԺ պատգամավոր Արման Բաբաջանյանը իր էջում տեղադրել էր մի տեսանյութից սքրինշոթ արված լուսանկար, որտեղ գրել էր, թե այդ անձը Հրայր Թովմասյանն է(որն իրականում Արծվիկ Մինասյանն է), ով խոնարհվում է Նիկոլ Փաշինյանի առջև։
Մինասյանը պատմեց, որ դա տեղի է ունեցել կառավարության երդմնակալության ժամանակ։ «Իմ երդման տեքստում ասել ԵՄ՝ «Աստվածն առաջ», նախագահ Արմեն Սարգսյանն ասել էր՝ «լավն է տեքստը», իսկ Նիկոլ Փաշինյանն ասել է՝ «այնքան լավն է, որ կարելի էր փոխել»»,- պատմեց Արծվիկ Մինասյանը:
Արծվիկ Մինասյանն էլ իր ծիծաղը զսպելու համար գլուխը մի թեթև խոնարհել է և արդյունքում ստացվել է այդ ստոպ-կադրը։
Նա նաև նշեց, որ դատի է տվել Արման Բաբաջանյանին, ինչի մասին մանրամասն կխոսի առաջիկա մամուլի ասուլիսի ժամամանակ։