Բնակարանային խնդիրը մայրաքաղաքում գրեթե 95 տոկոսով լուծվել է. փոխնախարար
«ՀՀ Պաշտպանության նախարարությունը նախորդ տարվա ընթացքում գրեթե լուծել է մահացած զինծառայողների ընտանիքների բնակարանային խնդիրը:Մենք մի շարք միջոցառումներ արդեն իսկ ձեռնարկել ենք, որպեսզի նրանց սոցիալական վիճակը ավելի բարելավի, դա վերաբերում է ե΄ւ համապատասխան վճարներին ե΄ւ բնակարանային ապահովման խնդիրներին: Անցած տարվա ընթացքում Երեւանում այն զինծառայողները, որոնք զոհվել են, նրանց ընտանիքների բնակարանային պայմանները գրեթե բավարարել ենք, գոնե 95 տոկոսով, հիմա անցել ենք մարզերում»,- նախագահականում լրագրողների հետ զրույցում ասաց ՀՀ ՊՆ փոխնախարար Գաբրիել Բալայանը:
Փոխնախարարը հավելեց, որ իրենք ոչ միայն շեշտը դրել են սպառազինության ավելացման, այլ նաեւ համաժամանակյա սպաների աշխատավարձերի բարձրացման վրա եւ հույս ունի այդ տենդենցները պահպանել 2020 թվականին:
Նա հավելեց, որ այս տարի երկրորդ կիսամյակից կտրվի 500 շահառուի հիպոթեքային պայմաններով բնակարաններ ապահովելու ծրագգրի մեկնարկը, ծրագրի ֆինանասական մասն ապահովված է: