Լոս Անջելեսի հանրահավաք, ամանորյա դասական համերգ, Հայոց Ցեղասպանությունը ճանաչող և դատապարտող ԱՄՆ կենգրեսի և Սենատի բանաձևերը… կառավարության «ձեռբերումները»՝ ըստ Նիկոլ Փաշինյանի

ՀՀ վարչապետ Նիկոլ Փաշինյանը Կապանում կազմակերպած իր ասուլիսը սկսեց «Նոր Հայաստանի մասին նոր 100 փաստի» հրապարակմամբ: 168.am-ը առանձնացրել է այդ փաստերի շարքերում տեղ գտած զավեշտալի կետերը:

Օրինակ, 28-րդ կետում Նիկոլ Փաշինյանն առանձնացրել է գյուղմթերքների արտահանումը՝ նշելով, որ 2019-ին էականորեն աճել է 2018-ի նկատմամբ:


• Խնձոր – աճը 3240 տոննա կամ 32%

• Կեռաս – աճը 1440 տոննա կամ 35%

• Արքայանարինջ – աճը 2000 տոննա կամ 96%

• Թութ, թուզ, հաղարջ, մոշ- աճը 700 տոննա կամ 86%

• Ելակ, ազնվամորի – աճը 725 տոննա կամ 172%

• Բալ, հոն – աճը 150 տոննա կամ 27%

• Լոլիկ – աճը 4300 տոննա կամ 23%

• Վարունգ – աճը 6600 տոննա կամ 266%

• Ծաղկակաղամբ, բրոկոլի – աճը 1500 տոննա կամ 45%

• Բողկ – աճը 730 տոննա կամ 58%

• Սունկ – աճը 840 տոննա կամ 148%

• Պղպեղ – աճը 280 տոննա կամ 47%

• Սմբուկ – աճը 600տոննա կամ 65%

• Ձմերուկ, սեխ – աճը 225 տոննա կամ 50%

Նրա խոսքով՝ 2019-ը եզակի տարի էր, երբ խաղողի մթերման ժամանակ «սթրեսային և ցայտնոտային տեղեկություններ չստացվեցին»:

29-րդ կետում նա առանձնացրել է Իրանի տարածքով կենդանի կենդանիների տանացիկ արտահանման համաձայնությունը: «Գրեթե մեկ տարի տևած բանակցությունները պսակվել են հաջողությամբ. ձեռք է բերվել Իրանի տարածքով կենդանի կենդանիների տանացիկ արտահանման համաձայնություն: Տնտեսվարողներն այլևս ստիպված չեն լինի հսկայական գումարներ վճարել ինթնաթիռով Իրան, Իրաք, Քուվեյթ, ԱՄԷ, Քաթար և այլուր կենդանիներ տեղափոխելու համար: Վստահաբար կարելի է պնդել, որ կենդանիների արտահանման ծավալները կտրուկ կավելանան, ինչն էլ կխթանի անասնաբուծության զարգացմանը»:

55-րդ կետում Նիկոլ Փաշինյանը հատուկ առանձնացրել է այն, որ 2019-ի ընթացքում, Հայաստանի Բարձրագույն որակաորման կոմիտեի կողմից հաստատվել է թվով 6 դոկտորական և 216 թեկնածուական գիտական աստիճան: Գիտական աստիճաններ պաշտպանողների թիվը նախորդ տարիների համեմատությամբ կրճատվել է, մասնավորապես՝ 2018-ին պաշտպանվել էր 42 դոկտորական և 317 թեկնածուական աստիճան, իսկ 2017-ին՝ 41 դոկտորական և 353 թեկնածուական աստիճան: գոհութնակությամբ արձանագրում ենք նվազում:

Զավեշտալի փաստերի շարքում տեղ է գտել նաև տարին «դասական համերգով ամփոփելու ավադույթ», որն ընդունված է որոշ երկրներում:

Նիկոլ Փաշինյանը նաև ձեռբերում է համարում դեռևս նախաքննության փուլում գտնվող «օտարերկրացիների կողմից ՀՀ օրենսդրության կոպիտ խախտմամբ բազմաթիվ երեխաների որդեգրման դեպքեր»: Նա դա ներկայացրեց որպես «բացահայտված» փաստ: «Ըստ ձեռք բերված փաստական տվյալների՝ ՀՀ 2 քաղաքացիներ, օգտագործելով իրենց կապերը հանրապետական մանկաբարձական հաստատություններից մեկում, մի շարք գերատեսչություններում, ինչպես նաև մանկատներում, ՀՀ օրենսդրությամբ կոպիտ խախտմամբ կազմակերպվել են Հայաստանի քաղաքացի հանդիսացող 3 տասնյակից ավելի երեխաների որդեգրումներ օտարերկրյա քաղաքացիների կողմից»,- հայտարարեց նա:

Ուշագրավ է նաև այն, որ Նիկոլ Փաշինյանն իրեն է վերագրում նաև ԱՄՆ Կոնգրեսի երկու պալատներիը՝ Ներկայացուցիչների պալատի և Սենատի կողմից ընդունված Հայոց Ցեղասպանությունը ճանաչող և դատապարտող բանաձևերը: Նա միաժամանակ նաև հայտարարում է, որ դա տեղի է ունեցել «աշխարհաքաղաքական նպաստավոր իրողությունների համադրման արդյունքում»: «Պետք է արձանագրել, որ ԱՄՆ Կոնգրեսի կողմից Հայոց ցեղասպանության ճանաչումը լոբբիստական և դիվանագիտական ջանքերի, ինչպես նաև՝ աշխարհաքաղաքական նպաստավոր իրողությունների համադրման արդյունք է»,- ասում է նա:

85-րդ կետում նա որպես փաստ ներկայացնում է նաև «Time» պարբերականի լրագրողի տպավորությունները 2019-ին Հայաստանի ցույց տված տնտեսական արդյունքների վերաբերյալ, որտեղ հոդվածագիրը Հայաստանն անվանել է «Կովկասյան վագր»:

90-րդ կետում նա նշել է. «Ամանորյա միջոցառումները աննախադեպ բարձր մակարդակով իրականացնելու համար Կառավարությունը Երևանի քաղաքապետարանին է տրամադրել 271 մլն դրամ»:

Նա նաև շատ կարևոր փաստ է համարում դեկտեմբերի 31-ի գիշերը իր ամանորյա շնորհավորական ուղերձը, որը հեռարձակվել է ուղիղ եթերում:

Սակայն սա դեռ ամենը չէ. պարզվում է՝ Նիկոլ Փաշինյանի Լոս Անջելես կատարած հայտնի աղմկահարույց այցն ու հանրահավաքը նույնպես «100 փաստերի» շարքում է. «Ավելի քան 20 հազար մարդ է մասնակցել Լոս Անգելեսի Գրանդ Փարքում ՀՀ վարչապետ Նիկոլ Փաշինյանի հրավիրած հանրահավաքին: Հայաստանի ղեկավարի մասնակցությամբ նման մասշտաբի միջոցառում Սփյուռքում երբեք տեղի չի ունեցել»,- ասված է «100 փաստ» ձեռնարկում:

Ի դեպ, Նիկոլ Փաշինյանը կարևոր ձեռքբերում է համարում հետևյալը. «Հայաստանի պատմության մեջ առաջին անգամ երկրի գործող ղեկավարը Քննչական կոմիտեի հրավերով ներկայացել է նախաքննության մարմնի գրասենյակ և քննիչի աշխատասենյակում հարցաքննվել»:

Եվ սա այն դեպքում, երբ նրան հիշեցրել էին, որ իր հարցաքննությունը չի կարող համարվել «աննախադեպ», քանի որ 1999թ. հոկտեմբերի 27-ի ողբերգական գործով հարցաքննվել է այն ժամանակվա նախագահ Ռոբերտ Քոչարյանը:

Հ.Գ. «100 փաստերի» զավեշտն այսքանով չի ավարտվում: Առաջիկայում մենք կանդրադառնանք նաև մյուս կետերին:

դիտվել է 390 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am