ՍԴ նախագահը եւ ՍԴ դատավորները այսօր պետականության անսասան վահանն են․․․․Երանի նրանց եւ ամոթ մեզ․․․

Հարգելի հայրենակիցնե՛ր, ավարտվեց ՍԴ նախագահի տան խուզարկությունը եւ պաշտպանը քիչ առաջ հայտնեց, որ ինչ-որ փաստաթղթեր էին փնտրում, որ չգտան։ Սա, իմիջիայլոց, իսկ ավելի գլոբալ, ուշադիր լինենք, չեք զգո՞ւմ, որ վերջին տասն օրվա ընթացքում իրադարձությունները եւ «սցենարները» այնքան արագ են փոխվում, ինչպես անգամ հոլիվուդյան ֆիլմերի տիտրերը այդքան արագ չեն փոխվում։

Գծված է վարչախմբի գործողությունների, իրական եւ մտցածին սյուժեների ճանապարհային քարտեզ, որը նպատակ ունի շեղել մեր հասարակությանը խորքային գործընթացներից, շեղելու հասարակությանը ավելի հանդարտ պայմաններում վերլուծելու այսօրվա վարչախմբի հակասահմանադրական եւ հակապետական քայլերը։ Մարդկանց նետում են տեսարաններ՝ փորձելով դրանց մենախոսություններում անպայման չմոռանալ նախկիններին, վարկաբեկելու քինախնդրությունը, մարդկանց թամաշաներ են մատուցում, որպեսզի հասարակությունը, որ քիչ-քիչ սթափվում է լեթարգիական քնից եւ էյֆորիկ միջոցների ազդեցությունից, եւս մեկ անգամ ընկնի ապատիկ տրամադրությունների գիրկը եւ կրկին կորցնի սթափ ընկալելու կարողությունը․․․

Նայեք լրահոսը, նայեք մարդկանց բողոքների ակցիաները, նայեք մայրաքաղաքի կենտրոնում կրակոցներ արձակած «վատտղագործակալին», նայեք համատարած բռնությունները՝ ռեալ, վիրտուալ, իրական, հոգեբանական, ամեն ձեւի բռնությունների համայնապատկերում, որ ստեղծում է վարչախումբը․․․

Ապա շրջվեք եւ նայեք, թե իր էջում ինչ է գրում Նիկոլը՝ գրում է, որ բռնությունը տեղ չպիտի ունենա, որ չի կարող լինել, որ մերժելի է․․ Յա՝, իրո՞ք, իսկ դու ինչպես տիրացար իշխանությանը՝ «թավշյա» լպրծուն բռնությամբ։ Դու անում ես, դու դատապարտում, մեկ դերասանի թատրո՞ն․․․

Ախր դրամատուրգիայից մի քիչ հասկացող մարդը պարզ տեսնում է, թե ինչո՞ւ եւ ո՞ր պահին է հարմար գլխավոր դերակատարի ռեպլիկը, տեսնում է, թե երբ են հայտնվում մասովկեքը կամ երբ է հարմար, որ բեմը պտտվի եւ մեկ այլ նոր միզանսցեն երեւա դահլիճում նստածներին․․․ Իսկ հուշարարը միշտ նույն տեղում է՝ ապահովելով իր անձի անձեռնմխելիությունը․․․․Պարոնայք, երդվյալ ատենակալներ, ձեզ խաբում են․․․

Հ․Գ․ ՍԴ նախագահը եւ ՍԴ դատավորները այսօր պետականության անսասան վահանն են․․․․Երանի նրանց եւ ամոթ մեզ․․․

Մարգարիտ Եսայանի ֆեյսբուքյան էջից