Եթե կարծում եք՝ կարող եք դաստիարակել ընդդիմությանը, ապա մոլորության մեջ եք․ Անի Սամսոնյանը՝ «Իմ քայլին»
«Լուսավոր Հայաստան» խմբակցության պատգամավոր Անի Սամսոնյանը, Ազգային ժողովի նիստի ժամանակ դիմելով խորհրդարանական մեծամասնությանը, նրանց կոչ արեց հարգանքով վերաբերվել ընդդիմությանը։
«Եթե ձեզ թվում է, որ հեղափոխական էյֆորիայից և ձեր ստացած բարձր լեգիտիմ ձայների գլխապտույտից դուք կարող եք մոտենալ այդ ամբիոնին, գնահատականներ տալ ընդդիմությանը, ուրեմն դուք մոլորության մեջ եք: Պարոն Միրզոյան, եթե մենք խոսում ենք հանրային օգտակար նախաձեռնություններից և երևույթներից, ապա առաջինը դա ուղղված է ձեր խմբակցությանը, որը հենց երեկ տապալեց հանրային օգտակարության արժեք ունեցող մեր նախաձեռնությունը»,-նշեց նա։
Ելույթով հանդես եկավ նաև «Իմ քյալը» խմբակցության ղեկավար Լիլիթ Մակունցը․ «Հարգելի գործընկերներ, այստեղ բոլորս կարևորեցինք ԱԺ-ում տիրող մթնոլորտը, որ խոսքի անձնավորումն անընդունելի է, հետևաբար ես առաջարկում եմ, որ առնվազն նրանք, որոնք խոսեցին, հետևեն այս կանոններին, որ մենք բովանդակային դաշտից չտեղափոխենք անձնական, հետո դժգոհություններ չհնչեն, որ անձնական թիրախավորումներին հնչում են պատասխաններ»։