«Խնդիր կար...». Նախարարը՝ Մանվել Գրիգորյանի՝ կալանքից ազատման մասին
Կառավարություն-ԱԺ հարցուպատասխանի ժամանակ Արդարադատության նախարար Ռուստամ Բադասյանը, անդրադառնալով քրեական գործով անցնող ԵԿՄ նախկին նախագահ Մանվել Գրիգորյանի՝ օրերս կալանքից ազատվելուն, հայտարարեց.«Առողջական խնդրի մասով, այո, խնդիրները խորացել են: Հարցը մեր տիրույթում չի եղել, այլ իրավապահների: Խնդիր կար, եւ նման որոշում է կայացվել»:
Ինչ վերաբերում է պատգամավորներից մեկի հարցին, թե հանրությունն ինչու բուռն չարձագանքեց նրա կալանքից ազատմանը, ինչպես նախորդ դեպքում, նախարարը դժվարացավ պատասխանել: Միայն ասաց. «Եթե անձն ունի կալանքի հետ անհամատեղելի առողջական վիճակ, նման միջոցներ չպետք է կիրառվեն»:
«Ինչո՞ւ Մանվել Գրիգորյանի դեմ բողոքի ալիք չեղավ այս անգամ։ Մեղմվե՞լ է արդյոք հասարակության վերաբերմունքը նրա նկատմամբ եւ որքանով է առողջական խնդիրների մասին մամուլում զետեղված լուրերը համապատասխանում իրականությանը»,- նման հարց ԱԺ-ում ուղղեց «Իմ Քայլի» պատգամավոր Լիլիթ Ստեփանյանը:
Հետևեք մեզ Viber-ում
