«Գյուղացուն պետք չի նեղացնել, իրանք երեք մլն փող ստանան՝ մեր հացին կպնե՞ն»

Մենք այդ անասունից ստանում ենք 30-ից 50 հազար դրամ փող, էդ էլ տանենք իրենց տանք սպանդանոցին. դա որքանո՞վ է ճիշտ։ Այս մասին ասաց Արարատի մարզի Մխչյան գյուղի բնակիչներից մեկը։ 

«Երբ հորթը ծնվում է, 2 տարի չարչարվում ենք էդ հորթի վրա, հետո 10-ից 12-ամիս բտման ենք տալիս։ Երբ այդ ծախսերը հանում ենք, 50 հազարն էլ չի մնում։ Մենք պահանջներ չենք ներկայացնում, գյուղացին խելոք իր համար գլուխը մտցրել է թրիքի ու հողի մեջ յոլա է գնում։ Հարգելի Կառավարություն, նստել եք ձեր սենյակները, ձեր տաք աթոռին, ինքներդ ձեզ գրիչով 3 միլիոն պարգեւատրում, 2 միլիոն պարգեւատրում, իսկ մենք այդ միլիոնները չեն տեսնում, մեր 50 հազար դրամի վրա ենք ուրախանում: «Գյուղացուն պետք չի նեղացնել, իրանք երեք մլն փող ստանան՝ մեր հացին կպնե՞ն»»,- ասաց բնակիչներից մեկը։