ԼՂ համակարտության կարգավորմանն ուղղված քայլերի իրականացման հարցում տեղաշարժեր կան. ՌԴ ԱԳՆ
« Լեռնային Ղարաբաղի հակամարտության կարգավորման ուղղությամբ որոշակի տեղաշարժեր կան,մասնավորապես «փոքր քայլերի» իրականացման հարցում, որոնց շուրջ ԱԳ նախարարները պայմանավորվել են 2019-ի ապրիլին Մոսկվայում հանդիպման ժամանակ, զարգանելու 2019-ի մարտին Վիեննայում Ադրբեջանի նախագահի և Հայաստանի վարչապետի միջև ձեռք բերված պայմանավորվածությունները:
Իրադրությունը սահմանում և շփման գծում հարաբերականորեն հանգիստ է: Երևանի և Բաքվի միջև կապի թեժ գիծ է գործում: Կարծում ենք, որ այս ամենը վկայում է բնակչությանը խաղաղության նախապատրաստելուն ուղղված կոնկրետ քայլեր ձեռնարկելու՝ կողմերի մտադրության մասին»,- ՏԱՍՍ գործակալության փոխանցմամբ՝ այս մասին ասված է ՌԴ ԱԳՆ-ի կայքում հրապարակված՝ լրատվամիջոցների հարցերին տրված պատասխաններում, որոնք նախապատրաստվել, բայց չեն հնչել 2019 թվականին ռուսական դիվանագիտության գործունեության արդյունքներին նվիրված ՌԴ ԱԳ նախարարի պաշտոնակատար Սերգեյ Լավրովի մամուլի ասուլիսի ընթացքում:
«Սակայն կարգավորման բովանդակային հարցերի շուրջ առաջ շարժվել առայժմ չի հաջողվել»,- հավելել են ՌԴ ԱԳՆ-ում՝ կողմերի միջև առարկայական զրույցի վերականգնման հույս հայտնելով:
Հետևեք մեզ Viber-ում
