«Արմեն Դարբինյանն ինձ արգելել է բուհի շենք մտնել ու անամոթաբար հայտարարում է, որ ես աշխատանքից ազատվել եմ օրերով բացակայելու համար». նախկին դասախոս

168.am-ի խմբագրություն այցելած Հայ-ռուսական սլավոնական համալսարանի նախկին դասախոս, կրիմինալիստիկայի կաբինետի ղեկավար Վանիկ Հարությունյանը խիստ վրդովված էր ու իր բողոքի ձայնը բարձրացրեց Սլավոնական համալսարանի ռեկտոր Արմեն Դարբինյանի՝ իր խոսքերով՝ ապօրինի գործողությունների, պաշտոնական դիրքի չարաշահման ու ինքնիրավչության դեմ: Վերջինիս մեղադրեց նաև յուրացում կատարելու մեջ: Ասաց, որ դիմել է նաև ոստիկանություն, և Արաբկիրի բաժնում նյութեր են նախապատրաստվում:

168.am-ի հարցին, թե ինչ յուրացման մասին է խոսքը, Վ. Հարությունյանն պատասխանեց, որ ինքը կրիմինալիստիկայի հայերեն բուհական դասագիրք է հեղինակել, և գրքի հրատարակության ողջ ծախսը կատարել է ինքը, այնինչ պետք է համալսարանը ֆինանսավորեր դրա ստեղծումն ու տպագրությունը:

«Համալսարանի, մեր ամբիոնի ուսումնական պլանով նախատեսված աշխատանք է դա, և ծախսերը պարտավոր էր համալսարանը հոգալ, իսկ ռեկտոր Արմեն Դարբինյանը ոչ միայն այդ գումարը չտրամադրեց, այլև խոչընդոտել է, որ ես չկարողանամ իմ հաշվին էլ հրատարակել դասագիրքը»,- ասաց նախկին դասախոսը:

Նա նշում է, որ խնդիրը բարձրաձայնել է Գիտությունների ազգային ակադեմիայում (ԳԱԱ), ստեղծագործական միություններում, բոլոր բուհերի ռեկտորների մոտ:

«Երկու օր առաջ եղել եմ ԳԱԱ նախագահ Ռադիկ Մարտիրոսյանի մոտ, ներկայացրել եմ, որ Արմեն Դարբինյանը գիտության հետ կապ չունեցող անձնավորություն է, որը նման հանցավոր վերաբերմունք է ցույց տալիս մի ամբողջ դասագրքի հեղինակի հանդեպ: Ընդ որում, ես այս առարկայով՝ կրիմինալիստիկայով, զբաղվում եմ 30 տարի և նույնքան էլ աշխատում եմ բուհական համակարգում: Սլավոնական համալսարանում դասախոսել եմ քրեական իրավունքի և դատավարության ամբիոնում, միաժամանակ ղեկավարել եմ կրիմինալիստիկայի կաբինետը ու 536-անոց մենագրության, առաջին բուհական դասագրքի հեղինակն եմ»,- ասաց Վանիկ Հարությունյանը՝ շեշտելով, որ դասագիրքը խիստ անհրաժեշտ է թե ուսանողության, և թե պրակտիկ աշխատողների համար, քանի որ իր մեջ ընդգրկում է ողջ իրավապահ մարմինների աշխատանքը՝ ոստիկանություն, դատախազություն, ազգային անվտանգության ծառայություն, դատարաններ, հատուկ քննչական ծառայություն և այլն:

Վանիկ Հարությունյանը տարակուսում է, որ վարչապետն անընդհատ խոսում է այն մասին, որ բուհական դասագրքեր չեն հրատարակվում, ու հիմա ինքն այսպիսի կարևոր դասագիրք է հեղինակել, ու ամեն կերպ փորձում են խոչընդոտել իրեն:

Հարցրինք նաև, թե ինչ կերպ է դրսևորվում խոչընդոտելը:

«Իմ դասերը ես անց եմ կացնում կրիմինալիստիկայի կաբինետում: Ռեկտորը փոխել է այդ կաբինետի կողպեքը, ուր ես նաև նյութական պատասխանատու եմ, որ ես ոչ կարողանամ ներս մտնեմ, դաս պարապեմ, ոչ էլ այդ ամբողջ արժեքների վրա հսկողություն իրականացնեմ»,- ասաց Վ. Հարությունյանը՝ հավելելով, որ ռեկտոր Դարբինյանը չի բավարարվել միայն իր դասերն ակնհայտորեն ձախողելով, այլև արգելել է իրեն համալսարան մտնել:

«Ու դրանից հետո անամոթաբար հայտարարում է, թե դասագրքի հեղինակն ազատվել է աշխատանքից, քանի որ օրերով բացակայում է»,- նշեց դասախոսը՝ շեշտելով, որ նա դա արել է այն բանից հետո, երբ իմացել է, որ ինքը դիմել է ոստիկանություն:

Հարցին, թե ինչո՞վ է ինքն արժանացել ռեկտորի նման վերաբերմունքին, Վ. Հարությունյանը պատասխանեց, որ այդ հարցը, թերևս, Արմեն Դարբինյանին պիտի ուղղենք:

«Արմեն Դարբինյանը հանցագործ է, նրա տեղը բուհը չէ, այլ գաղութը, ու այս հանցագործությունը նա կատարում է ստաժավոր իրավաբանի հանդեպ, ում ձեռքից ինքը չի կարողանալու պրծնել»,- վրդովված ասաց բուհի նախկին դասախոսը՝ հավելելով, որ ինքը հալածանքների է ենթարկվում, փաստորեն, գիտությամբ զբաղվելու համար, ինչպես կատարվում էր միջնադարում:

Դասախոսը նշում է նաև, որ «Արմեն Դարբինյանի հանցավոր գործունեությունը» վերնագրով գրություն է պատրաստել Ռուսաստանի դեսպանին ու ՌԴ կրթության նախարարին ուղարկելու համար, որպեսզի վերջիններս ևս տեղեկանան ու միջոցներ ձեռնարկեն:

Վանիկ Հարությունյանը կարծում է, որ վարչապետը տեղյակ չէ, թե ինչ գործունեություն է ծավալում Արմեն Դարբինյանը Սլավոնական համալսարանում, և վստահություն հայտնեց, որ այս ինֆորմացիան վարչապետի համար շատ բան կբացահայտի:

168.am-ը կապ հաստատեց Հայ-ռուսական սլավոնական համալսարանի հետ՝ ցանկանալով ստանալ հետևյալ հարցերի պատասխանները՝ ինչո՞ւ համալսարանը չի ֆինանսավորել բուհական դասագրքի տպագրությունը, ինչո՞ւ է ռեկտորը խոչընդոտում դասագրքի հրատարակությանը, նրա մուտքը համալսարան և, վերջապես, ինչո՞ւ են նրան ազատել աշխատանքից:

Համալսարանից պատասխանեցին միայն մեր վերջին հարցին:

«Վանիկ Հարությունյանին աշխատանքից ազատել ենք ՀՀ աշխատանքային օրենսդրության 113 հոդվածի 1-ին մասի 9-րդ կետի համաձայն, աշխատողի կողմից իր պարտականությունները ոչ պատշաճ կատարելու համար: Մեր դեպքում՝ վերոնշյալ անձն օրերով գործի չէր գալիս»,- ասված էր Սլավոնական համալսարանի պատասխանի մեջ:

դիտվել է 677 անգամ
Լրահոս
«Նախկինաֆոբիա». շարունակում են հույսեր կապել հանրությանը մանիպուլացնելու հետ Արայիկ Հարությունյանի կադրային «ռակիրովկաները» հատում են բանականության սահմանները. Կարեւոր փորձություն է Հայաստանում Ռուսաստանի դեսպանն ակտիվանում է, կլինեն տարբեր հանդիպումներ Նոր գլխացավանք լրատվամիջոցների համար. կառավարությունը կհասնի իր նպատակին ԱԳՆ-ում արշալույսները խաղաղ չեն. նախարարը կհեռանա՞ Հետպատերազմյան շրջանում ՔՊ-ն վերաբացում իր գրասենյակները. Փաշինյանը մեկ ամիս ժամկետ է սահմանել Դավիթ Տոնոյանը փորձում է հանրային ընկալման մեջ իր հանդեպ բացասական վերաբերմունքը կոտրել Ազատ անկում․ Նիկոլ Փաշինյանի առաքելությունը. Բոլորի նշաձողը պետք է հասցվի իր նշաձողին Չի բացառվում, որ շուտով Նաիրա Զոհրաբյանին դուրս թողնեն ԵԽԽՎ ԱԺ պատվիրակության կազմից Մարսելում կրակել են «Սուրբ Սահակ եւ Սուրբ Մեսրոպ» մշակույթի կենտրոնի ուղղությամբ Նիկոլ Փաշինյանը պորտֆելներ է առաջարկում Ծառուկյանին եւ Մարուքյանին եւ ոչ միայն… Աննա Հակոբյանը կեղտոտ փողերը լվանում է Դվինի Արտակի միջոցով Նիկոլ Փաշինյանը գողականներին տանիք է տրամադրում իր օլիգարխների հյուրանոցներում Դվինի Արտակը Աննա Հակոբյանի պրոեկտն է «Վա, տո՜...»՝ սկանդալային մի չհերքված լուր. Վրաստանում հայկական բեռնատարների վրա կրակե՞լ են Պուտինը դեռ համբերում է. Թուրանական պրոյեկտը ձգվում է հետխորհրդային տարածքով Տիգրան Ավինյանը վարուցանք է անում Ով կփխարինի Լիլիթ Մակունցին Քաղաքացիները լքում են Արամ Խաչատրյան համերգասրահը, քանի որ ներկա է Աննա Հակոբյանը Լքեցի դահլիճը, քանի որ չեմ կարող գտնվել մի վայրում, որտեղ նաև Աննա-Էրատոն է. Լիկա Թումանյան նիկոլը չարիք չի, չարիքը նիկոլին սատարողներն են. իսկ նիկոլապաշտ զոհվածների հարազատներին չգիտես էլ ինչ ասես Ցավս այն է,որ դավաճանների ընտանիքը մեզ ուղեկցում է ամենուր. Լուսանկար Հայոց ցեղասպանությունը ճանաչելու հարցը ձախողելու և թրքանպաստ այլ գործունեություններ առաջ տանելու համար այլ թեկնածու դժվար էր գտնել, քան իր մեջ թրքասիրություն ամփոփած տիկին Մակունցը Հերթական դիվանագիտական խայտառակությունը Ադրբեջանցիները մեզ ստիպում են հրաժարվել Վրաստանով ճանապարհից, որպեսզի հիմնավորեն «ադրբեջանական միջանցքի» գոյությունն ու «առավելությունը»
Ամենաընթերցվածները
Շուտով
Հունվարի 26-ին, ժամը 12:00-ին Հայելի ակումբի հյուրն է «Ագրարագյուղացիական միավորում» ՀԿ նախագահ Հրաչ Բերբերյանը: Թեմա՝ թուրքական գյուղատնտեսական ապրանքների ներկրումը Հայաստան, ինչ աղետի կհանգեցնի Մեղրիի երկաթգծի շահագործումը, գործող իշխանության կադրային տգետ քաղաքականությունը շարունակվում է Հունվարի 26-ին, ժամը 12:30-ին Հայելի ակումբի հյուրն է նախկին ՊՆ նախկին փոխնախարար Արտակ Զաքարյանը։ Թեմա՝ Հունվարի 28-ին մեծ հայահավաք, վարչապետ Փաշինյանին հեռացնելու վերջին «հարվածը», Լիլիթ Մակունցի՝ ԱՄՆ դեսպանի պաշտոնում հնարավոր նշանակում, Պաշտպանության նախկին նախարար Դավիթ Տոնոյանի հարցազրույցը, ինչ բացահայտումներ արվեցին Հունվարի 26-ին, ժամը 13:00-ին Հայելի ակումբի հյուրերն են «Այլընտրանք» ՀԿ նախագահ Նարեկ Մանթաշյանը «Երիտասարդի ձայնը» ՀԿ նախագահ Հովհաննես Հարությունյանը։ Թեմա՝ Հունվարի 28-ին մեծ հայահավաք, վարչապետ Փաշինյանին հեռացնելու վերջին «հարվածը», Լիլիթ Մակունցի՝ ԱՄՆ դեսպանի պաշտոնում հնարավոր նշանակում Հունվարի 26-ին, ժամը 13:30-ին Հայելի ակումբի հյուրն է Մեսրոպ Եղիազարյանը։ Թեմա՝ Հունվարի 28-ին մեծ հայահավաք, վարչապետ Փաշինյանին հեռացնելու վերջին «հարվածը» Հունվարի 26-ին, ժամը 15:00-ին Հայելի ակումբի հյուրն է բժիշկ, առողջապահության կազմակերպիչ Գևորգ Գրիգորյանը։ Թեմա՝ Հունվարի 28-ին մեծ հայահավաք, վարչապետ Փաշինյանին հեռացնելու վերջին «հարվածը» ՀՈՒՆՎԱՐԻ 26-ին, ժամը 12:00-ին «Արմենպրես» պետական լրատվական գործակալության մամուլի սրահում տեղի կունենա Խոսքի ազատության պաշտպանության կոմիտեի նախագահ Աշոտ Մելիքյանի ասուլիսը։ Թեմա- ԽԱՊԿ 2020թ. տարեկան զեկույցը` Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին Հունվարի 25-ին, ժամը 14:30-ին Հայելի ակումբի հյուրերն են Շուշիի քաղաքապետ Արծվիկ Սարգսյանը, փախստական Լիանա Մինասյանը, «Հանուն սոցիալական արդարության» ղեկավար Արման Ղուկասյանը: Թեմա`ինչ խնդիրներ ունեն փախստականները, ինչպես են ապրում Հաըաստանում և ինչ սպասելիքներ ունեն Հունվարի 25-ին, ժամը 13:30-ին Հայելի ակումբի հյուրն է քաղաքական գործիչ Միհրան Հակոբյանը: Թեմա` ՀՀ կազմաքանդում, ինչ դավաճանական և դավադիր ծրագիր է մշակված ընդդեմ երկրի: Արցախյան պատերազմ, Արցախի հանձնումը թշնամուն: Հունվարի 25-ին` ժամը 12:00-ին Հայելի ակումբի հյուրն է ՀՀԿ փոխնախագահ Արմեն Աշոտյանը Թեմա` Հայաստան. Ներսի ցավ, դրսի ամոթ Հունվարի 23-ին` ժամը 14:00-ին Հայելի ակումբի հյուրերն են Սննդի անվտանգության պետական ծառայության նախկին պետ Գրիգոր Գրիգորյանը և «Պարացելսուս» ՀԿ-ի նախագահ, փորձագետ Նունե Ներսիսյանը: Թեմա` կորոնավիրուսի տարածում. մութ ու ստվեր կողմերը
Հետևեք մեզ Facebook-ում https://www.facebook.com/hayeliclub