Վլադիմիր Կարապետյանի ազատման իրական պատճառները խիստ անձնական են

Ինչպես արդեն Antifake.am-ից տեղեկացաք (https://antifake.am/am/news/978), Վլադիմիր Կարապետյանին ազատելու պատճառ է հանդիսացել Փաշինյանի Ամանորյա ուղերձի խայտառակ խոտաններն ու պետական ապարատի իր ոլորտում տիրող բարդակը: Բայց կրկին «չար լեզուների» խիստ հավաստի տեղեկություններով՝ հեռացման իրական պատճառներն ավելի քան անձնական բնույթ են կրել:

Եվ ուրեմն, ըստ իմ ինսայդերի՝ Վլադիմիր Կարապետյանը երկար ժամանակ Նիկոլ Փաշինյանի որոշումների կայացման վրա իրական ազդեցություն է ունեցել և դրան հասել է իր և վարչապետի կնոջ անձնական մտերմության արդյունքում: Կարապետյանն իր կնոջ միջոցով մշտապես Աննա Հակոբյանին տեղյակ է պահել Փաշինյանի ներքաղաքական և կադրային քաղաքական որոշումների և մտադրությունների մասին: Այդպիսով Կարապետյանը «փոխշահավետ» ներպալատական ինտրիգների մի ողջ համախումբ է ստեղծել Փաշինյանների ընտանեկան իշխանության ներսում: Կարապետյանը փաստացի դարձել է Աննա Հակոբյանի «խոսնակը» և վերջինիցս ստացել է վարչապետի վրա ազդելու տեխնիկական ուղղորդումներ:

Ըստ նույն աղբյուրի, Փաշինյանից կարճ ժամանակ է պահանջվել Վլադիմիր Կարապետյանի «ժուչոկ» լինելը հասկանալու համար և նրան ընդամենը առիթ է պետք եղել Կարապետյանին ազատելու համար: Առիթն էլ ստեղծվել է հենց Ամանորյա ձախողումից հետո, ինչն էլ Փաշինյանը բաց չի թողել:

Հ.Գ. Իրականում սա մի ողջ պետության զավեշտ է, հասկանո՞ւմ եք, մարդ ու կնիկ հասել են նրան, որ ներպալատական ինտրիգները միմյանց շուրջ են հյուսում ու դրա արդյունքում այ ըսենց վայրիվերումներ են լինում: Վերջում Նիկոլին Աննան է գահընկեց անելու, խոսքս կհիշեք:

Նարեկ Սամսոնյանի ֆեյսբուքյան էջից