Ադրբեջանում տնտեսական ճգնաժամը երկար կտևի.Ալեքսանդր Իսկանդարյան
«Ադրբեջանում նավթի գինը շարունակում է անկում ապրել: Տարեսկզբին Կենտրոնական բանկում կրճատվել է պահուստային ֆոնդը գրեթե երեք անգամ, ինչպես նաև կրճատվել է ոսկու պահուստները»-Հայելի ակումբում լրագրողների հետ հանդիպման ժամանակ հայտնեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Այն կարծիքը, թե Ադրբեջանը խնդիրներ չունի, իրականում շատ սխալ է:Կան տարբեր սոցիալական բախումներ և այստեղ ակնառու է հարուստների և աղքատների միջև տարբերությունները: «Ադրբեջանում տիրում է այն իրավիճակը, ինչ կար 90-ականների սկզբին:Դա կրիզիս է, որը տարիներ կտևի և կախված կլինի նավթի գներից:Ադրբեջանի իշխանությունները որևէ տնտեսական քաղաքականություն չեն վարում,իսկ նրանց տնտեսության 90 տոկոսից ավելին կախված է նավթից»-նշեց քաղաքագետը: Ալեքսանդր Իսկանդարյանը գտնում է, որ այժմ Ադրբեջանը առաջնային չի համարում ԼՂՀ-ի հարցը և լայնամասշտաբ գործողությունների չի գնա: «Ադրբեջանը այս պահին Ղարաբաղի ժամանակը չունի, բայց պատերազմական սպառնալիքները հասկանում է, որ գործիք է և դրանից էլ փորձում է օգտվել: Իհարկե, սահմանին լարվածությունը դադարեցնել չի հաջողվի և ակնհայտ է, որ հռետորաբանության բարձրացումն էլ շարունակական կլինի, բայց դա նույն պատճառով է՝ փողերը պակասում են»-հավելեց նա: Քաղաքագետը հիշեցրեց նաև, որ Ադրբեջանի համար Ղարաբաղյան հարցը չափազանց օգտակար է և նրանք չեն կորցնի այն: Լուսինե Միքաելյան
Հետևեք մեզ Viber-ում
