Հայամետներն ընդդեմ ԱՄՆ նախագահի. Թրամփի իմփիչմենթն ընդունվեց

230 կողմ քվեներով, դեմ՝ 197-ը, Միացյալ Նահանգների Ներկայացուցիչների տունը ժամեր առաջ իմփիչմենթ հայտնեց նախագահ Թրամփին` իշխանությունը չարաշահելու համար, րոպեներ անց ձայների գրեթե նույն հարաբերակցությամբ հավանության արժանացավ նաև նախագահին առաջադրված երկրորդ` Կոնգրեսի աշխատանքը խոչընդոտելու մեղադրանքը:

Այսպիսով, Դոնալդ Թրամփը դարձավ Ամերիկայի պատմության մեջ չորրորդ նախագահը, ով իմփիչմենթի է ենթարկվել Ներկայացուցիչների տանը: Այս ճանապարհով են անցել նաև ԱՄՆ-ի նախագահներ Բիլ Քլինթոնը՝ 1998-ին, և Էնդրյու Ջոնսոնը` 1868-ին, նրանցից որևէ մեկի դեպքում, սակայն, գործընթացն ավարտին չի հասել, և Նահանգների պատմության մեջ որևէ նախագահ մինչ օրս պաշտոնանկ չի արվել իմփիչմենթի միջոցով:
Էնդրյու Ջոնսոնին իմփիչմենթի ենթարկելու պատճառը, Կոնգրեսին հակառակվելով, ռազմական նախարարին աշխատանքից ազատելն էր։ Դատապարտումից նա ազատվեց մեկ ձայնի շնորհիվ։ Ռիչարդ Նիքսոնը հրաժարական ներկայացրեց, նախքան Ներկայացուցիչների պալատը կքվեարկեր իմփիչմենթի հոդվածները, որոնցով նա մեղադրվում էր հակադիր քաղաքական կուսակցության գլխավոր շտաբում կատարված կողոպուտի հետաքննությունը խոչընդոտելու համար։ Իսկ Բիլ Քլինթոնի դեմ իմփիչմենթ ներկայացվեց, երբ նա ստեց՝ հերքելով Սպիտակ տանը փորձաշրջան անցնող աղջկա հետ սեռական կապը։ Ներկայացուցիչների պալատը կողմ քվեարկեց իմփիչմենթին, սակայն 1999թ․ Սենատը արդարացրեց նրան։

Դոնալդ Թրամփի իմփիչմենթը պայմանավորված է այն հանգամանքով, որ նա ստիպել է Ուկրաինայի կառավարությանը հետաքննություն սկսել իր քաղաքական հակառակորդի նկատմամբ։

Պատմական այդ քայլից առաջ օրենսդիրները երկար ու թեժ բանավիճեցին, ավելի քան 8 ժամ շարունակված քննարկումների ընթացքում դեմոկրատները մեկը մյուսի ետևից նախագահ Թրամփին մեղադրում էին դավաճանության ու Սահմանադրությունը ոտնահարելու մեջ: «Որևէ մեկն օրենքից վեր չէ, մտածեք ոչ թե Թրամփի, այլ` Միացյալ Նահանգների ու ամերիկյան Սահմանադրության մասին», - հորդորում էին ընդդիմախոսները:

Դեմոկրատների ազդեցիկ ներկայացուցիչ, Հետախուզության հարցերով հանձնաժողովի նախագահ Ադամ Շիֆն է՛լ ավելի հեռուն գնաց ու պնդեց` նախագահ Թրամփը վտանգավոր է ամերիկյան ժողովրդավարության համար: «Մեր ժողովրդավարությունը վտանգի տակ է, բայց մենք ունենք դեղամիջոց, որ կտակել են մեզ մեր երկրի հիմնադիրները հենց այսպիսի դեպքերի համար` դա իմփիչմենթն է: Հարցն ընդամենը այն է, թե արդյոք մենք կօգտագործենք այդ դեղամիջոցը», - դիմելով գործընկերներին՝ հայտարարեց Շիֆը, պնդելով` Թրամփը զոհաբերել է ազգային շահը, որպեսզի նպաստավոր պայմաններ ստեղծի իր համար նախագահական հաջորդ ընտրություններում:

Աղմկահարույց այս քննությունը սկիզբ առավ Միացյալ Նահանգների նախագահի ու Ուկրաինայի նորընտիր առաջնորդի հուլիսյան հեռախոսազրույցից հետո: Ընդդիմախոսները պնդում են` Թրամփն այդ զրույցի ընթացքում փորձել է ճնշում գործադրել Զելենսկու վրա` պահանջելով քրեական հետապնդում սկսել առաջիկա նախագահական ընտրություններում իր հավանական մրցակից, նախկին փոխնախագահ Ջո Բայդենի և նրա որդու դեմ:

Ինքը` Թրամփը, կտրականապես հերքում է այս մեղադրանքները: «Քրիստոսի ընդդիմախոսներն ավելի արդար էին, քան դեմոկրատները` նախագահ Թրամփի հանդեպ», - քվեարկությունից առաջ հայտարարեց հանրապետական Բերի Լոուդերմիլքը` գործընթացը որակելով ամոթալի խարան Նահանգների պատմության մեջ:
Հիմա արդեն, երբ դեմոկրատների վերահսկողության տակ գտնվող Ներկայացուցիչների տունը հավանություն է տվել իմփիչմենթին, հարցը պետք է փոխանցվի Կոնգրեսի վերին պալատ` Սենատ: Այստեղ մեծամասնությունը Թրամփի կուսակից հանրապետականներն են, վերջիններիս առաջնորդն արդեն իսկ զգուշացրել է` իրենց շարքերը կուռ են, նախագահի պաշտոնանկությունը` իսպառ բացառված:

Այսպես, ԱՄՆ-ի Կոնգրեսի Ներկայացուցիչների պալատում երկրի նախագահ Դոնալդ Թրամփին անվստահության քվե հայտնելու՝ նրան իմփիչմենթի ենթարկելու հանգամանքն արդեն վաղուց էր համարվում անխուսափելի։

Ո՞րն է շարունակությունը։ Շարունակությունը Կոնգրեսի վերին պալատում է՝ Սենատում, որտեղ արդեն կանցկացվի դատավարություն, ինչպես նախատեսված է երկրի սահմանադրության մեջ։ Սահմանադրությունը Ներկայացիցիչների պալատին տալիս է «իմփիչմենթի լիակատար իրավունք», ինչպես նաև մեղադրանքներ ներկայացնելու իրավունք։ Սակայն Սենատն է, որն անցկացնում է դատավարություն և այն ունի նախագահին հանցագործությունների համար դատապարտելու լիազորություն։
Նկատենք, որ բազմաթիվ վերլուծաբաններ վստահ են, որ Ներկայացուցիչների պալատում իմփիչմենթի ենթարկվելուց հետո, Սենատը, որտեղ մեծամասնություն են կազմում Թրամփի կուսակից հանրապետականները, նախագահին չի դատապարտի ու նա կշարունակի իր աշխատանքները երկրի նախագահի պաշտոնում։

Հավելենք նաև, որ հայամետ Նենսի Փելոսին և Ադամ Շիֆն են կանգնած Թրամփի իմփիչմենթի գործընթացում: Դեռ ամիսներ առաջ ԱՄՆ նախագահ Դոնալդ Թրամփը նշել էր, որ Ներկայացուցիչների պալատի խոսնակ Նենսի Փելոսին, Ներկայացուցիչների պալատի հետախուզության հարցերով հանձնաժողովի նախագահ Ադամ Շիֆը, ինչպես նաև բոլորը, ովքեր մասնակցել են իր դեմ դավադրությանը, արժանի են պաշտոնանկության` հանցագործությունների և պետական դավաճանության համար:

«Նենսի Փելոսին տեղյակ է եղել խորամանկ Ադամ Շիֆի` Կոնգրեսի և ամերիկյան ժողովրդի դեմ գործած բոլոր խարդախությունների և ստերի դեպքերի մասին: Ես կարծում եմ, որ նրանք և բոլոր այն անձինք, ովքեր մասնակցել են այդ դավադրությանը, պետք է պաշտոնից ազատվեն»,- գրել է Թրամփը Twitter-յան իր էջում:

Հիշեցնենք նաև, որ Թրամփի` Ուկրաինայի նախագահ Զելենսկու հետ ունեցած հեռախոսազրույցը հայտնվեց համընդհանուր ուշադրության կենտրոնում՝ այն բանից հետո, երբ լրատվամիջոցները տեղեկատվություն տարածեցին, որ հեռախոսազրույցը հետախուզության աշխատակցին անհանգստացնող է թվացել, և նա այդ մասին բողոք-դիմում է ուղարկել ղեկավարությանը: Ավելի վաղ հրապարակվել էր հեռախոսազրույցի ձայնագրությունը, այնուհետև` նշված բողոքը: Հաստատվել է, որ Թրամփը Զելենսկուն խնդրել է հետաքննություն իրականացնել Ուկրաինայի նախկին գլխավոր դատախազ Վիկտոր Շոկինի պաշտոնից ազատման հանգամանքների վերաբերյալ: Շոկինը հետաքննություն էր իրականացնում ուկրաինական Burisma Group ընկերության գործունեության վերաբերյալ, որի տնօրենների խորհրդի կազմում էր նաև նախկին փոխնախագահ Ջո Բայդենի որդին` Հանթեր Բայդենը:

Մետաքսյա Շալունց

դիտվել է 1324 անգամ
Լրահոս
«Հեղափոխականների օլիգարխացման երկաթյա օրենքը». Ստեփան Դանիելյան Մահացած քաղաքացին ոչ թե Իրանի, այլ ՀՀ քաղաքացի է. ինչ է մանրամասնում «Աստղիկ» ԲԿ տնօրենը Տապալվելու է այս իշխանությունը․ շուտով երկու-երեք հոգով կորոշեն՝ ում գնդակահարել, ում՝ ոչ․Արման Սաղաթելյան (video) Իշխանական վերնախավը պսորիազից մինչև սկոլիոզ հիվանդություններով ազատվել է բանակից, այսօր ինչպե՞ս է բանակցում․Արման Սաղաթելյան (video) Իմ կինն էլ է անհեթեթ քաշքշուկի մեջ հայտնվելու. Զարեհ Սինանյան (video) Մեր կառավարությունն է, դե իջեք, մեզ լսեք. լարված իրավիճակ քաղաքացու ու ոստիկանների միջև (video) Անցնում ենք հակահարձակման. Նարեկ Մալյան /տեսանյութ/ Վրաց-ադրբեջանական սահմանն էլ փակվեց. Կորոնավիրուսն արդեն Վրաստանում է, իսկ Ադրբեջանում դեռ լռում են «Հենց այնպես չեն ծեծում», ասում է Պուտինն ու անցնում հարձակման Իրանում 1 օրում կորոնավիրուսով վարակվածների թիվն ավելացել է ավելի քան 100-ով Դիմակների վաճառք Երևանի փողոցներում. հատը` 300 ՀՀ դրամ. Լուսանկար «Աստղիկ» ԲԿ-ում երկկողմանի թոքաբորբով Իրանի քաղաքացի է մահացել Թբիլիսիի դեղատները հայտնել են դիմակների և հակամանրէական հեղուկների դեֆիցիտի մասին Փաշինյանն ապրիլի 6–ին կկտրի՞ իր ձեռքերը «Գրիգոր Լուսավորիչ» ԲԿ-ում լարված իրավիճակ է, աշխատակցիներին ստիպում են ազատման դիմումներ գրել Գնաս բարով, սիրելի ընկեր․ Հրանտ Բագրատյան Վարորդական իրավունք ստացած 473 անձ հաշվառվել է հոգեբուժական և թմրաբանական բուժհիմնարկներում Հորդորում են չայցելել 5 երկիր. ԱԳՆ հայտարարությունը՝ նոր տիպի կորոնավիրուսի վարակի վերաբերյալ
Ամենաընթերցվածները
Շուտով
Փետրվարի 28-ին՝ ժամը 12:00-ին, Հայելի ակումբի հյուրն է ազատամարտիկ, «Ղարաբաղյան պատերազմի միության» անդամ Գառնիկ Առաքելյանը: Թեմա` ազատամարտիկը կանդրադառնա մի շարք խնդիրների, իր հանդեպ սպառնալիքներին, Արցախում սպասվող ընտրություններին Փետրվարի 28-ին, ժամը 11.00-ին «Բլից ինֆո» մամուլի ակումբում տեղի կունենա ԱԺ պատգամավոր, ադրբեջանագետ Տաթևիկ Հայրապետյանի ասուլիսը:Թեմա՝ Էրդողան-Ալիև հանդիպում և Արցախի հիմնախնդիր: Բանախոսը կանդրադառնա նաև Սումգայիթյան ջարդերին և Խոջալուին:Հասցե՝ Արշակունյաց 2, «Տիգրան Մեծ» հրատարակչություն, 418 սենյակ Փետրվարի 28-ին, ժամը 12.00 «Տեսակետ» մամուլի ակումբի հյուրն է Երկրների հելիոֆիկացիայի ծրագրի հեղինակ, տեխնիկական գիտ. դոկտ. Վահան Համազասպյանը: Թեման՝ «Շիրակում և Արցախում առաջին հելիոֆիկացված գյուղերի ստեղծման ծրագիր. ինչ քայլեր են արվել այդ ուղղությամբ, ընթացքը, արդյունքները, այլ հարցեր և ծրագրեր»: Փետրվարի 28-ին՝ ժամը 12:30-ին, «Հենարան» մամուլի ակումբում կհյուրընկալվեն ԱՆ «ՁԻԱՀ-ի կանխարգելման հանրապետական կենտրոն»-ի Համաճարակաբանության հսկողության բաժնի վարիչ Արշակ Պապոյանը և Առողջապահության կազմակերպիչ Գևորգ Գրիգորյանը: ԹԵՄԱ՝ կենտրոնի բժիշկների ու աշխատակիցների բողոքը տնօրեն Սամվել Գրիգորյանին աշխատանքից ազատելու դեմ. ՀՀ Ան որոշումը «ՁԻԱՀ-ի կանխարգելման հանրապետական կենտրոն»-ի միավորումը «ՆՈՐՔ» ինֆեկցիոն կլինիկական հիվանդանոցին. երևույթի վտանգներն ու ռիսկերը. խնդրի լուծման հեռա... ՓԵՏՐՎԱՐԻ 28-ին` ժամը 12:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա ՀՀ ԿԳՄՍ նախարարության Ժամանակակից արվեստի վարչության պետ Արմինե Ղազարյանի, Երևանի Պ.Չայկովսկու անվան միջնակարգ երաժշտական մասնագիտական դպրոցի տնօրեն Մարտուն Կոստանդյանի, Պ.Չայկովսկու անվան միջնակարգ երաժշտական մասնագիտական դպրոցի լարային բաժնի աշակերտներ Արտյոմ Իոանիսյանի, Միքայել Ոսկանյանի, Մարի Հակոբյանի ասուլիսը: ԹԵՄԱ.- Խորվաթիայում կայացած թավջութակահարների 12-րդ միջազգայի... ՓԵՏՐՎԱՐԻ 28-ին` ժամը 11:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա ՀՀ ՊԵԿ համալիր հարկային ստուգումների վարչության պետ Թելման Ասատրյանի, «Տավուշ տեքստիլ» ՍՊԸ տնօրեն Միքայել Եզեկյանի, «Գլոբալ ֆիշ» ՍՊԸ-ի տնօրեն Արամ Ասատրյանի ասուլիսը: ԹԵՄԱ.- ԱԱՀ-ի փոխհատուցվող գումարի վերադարձման ընթացակարգի պարզեցման մանրամասները: սիրով հրավիրում ենք մասնակցելու և լուսաբանելու Հայաստանում տեղական ինքնակառավարման և ապակենտրոնացման վիճակի վերաբերյալ տարեկան զեկույցի շնորհանդեսին և հանրային քննարկմանը: Միջոցառումը տեղի կունենա փետրվարի 28-ին՝ ժամը 11։00-ից մինչև 14։00-ը Էրեբունի պլազա բիզնես կենտրոնում: Փետրվարի 28-ին, ժամը 13:00-ին հրավիրում ենք լուսաբանելու Ռուսական «Մասլենիցան» Երևանում խորագրով միջողառումը Փետրվարի 28-ին, ժամը՝ 12 00-ին Հայացք մամուլի ակումբում իրենց բողոքի ձայնը կբարձրացնեն վարկային կազմակերպություներից տուժած մի շարք քաղաքացիներ և նրանց փաստաբանները: Փետրվարի 28-ից 29-ը առաջին անգամ Հայաստանում տեղի կունենա սպորտային-պարահանդեսային պարերի Երևանի միջազգային բաց առաջնությունը։Առաջիկա առաջնության մասին փետրվարի 27-ին, ժամը 11:00-ին Sputnik Արմենիա մուլտիմեդիոն մամուլի կենտրոնում կայանալիք ասուլիսի ընթացքում կպատմեն միջոցառման նախաձեռնող, պարի և սպորտային պարերի համահայկական խորհրդի նախագահ Մարիաննա Մամյանը, Պարի հարավային միության նախագահության անդամ, միջազգային կարգի մրցավար Իլյա Ուվարովը և պարահանդեսային պարերի աշխարհի չեմպիոն Արսեն Աղամալյան...