Լսել և մտածել. ամաչել Ռուբեն Հայրապետյանից


«Արմնյուզ» հեռուստաընկերության «Պրեսսինգ» հաղորդաշարի եթերում ՀՖՖ նախագտահ Ռուբեն Հայրապետյանը մի քանի ուսանելի հայտարարություն արեց երկրորդ նախագահ Սերժ Սարգսյանի վերաբերյալ: Հայրապետյանի խոսքով` Սերժ Սարգսյանը իր լավ ընկերն է, եղել և մնում է այդպիսին, իսկ նրանք, ովքեր երրորդ նախագահին վատ ընկեր են համարում, պարզապես չեն ճանաչում նրան: «Սերժ Սարգսյանին մեղադրում են հազար ու մի բանի մեջ, բայց Սերժ Սարգսյանին վատ ընկեր լինելու մեջ մեղադրել, դա արդեն ծիծաղելի է։Որպես տղամարդ` ես հպարտանում եմ, որ երբևիցե համարվել եմ Սերժ Սարգսյանի ընկերը կամ համարվում եմ. դա ինձ համար պատիվ է։ Ցանկացած նորմալ տղամարդու համար, որը երբևիցե շփվել է Սերժ Սարգսյանի հետ, հպարտանում է և կհպարտանա»,- հայտարարել է Հայրապետյանը։
Նա նաև համոզմունք է հայտնել, որ Սերժ Սարգսյանն ամենամեծ հեղինակություն ունեցող ղեկավարն է եղել մեր երկրում: Ռուբեն Հայրապետյանի հանրային կերպարը երբեք լուսապայծառ և անբիծ չի եղել: Նրա գործունեության վատ կողմերին մամուլը, այդ թվում նաև մեր կայքը անդրադարձել է բազմիցս`սկսած Հարսնաքարի հայտնի միջադեպերից /Հայրապետյանի թիկնապահները ծեծելով սպանել էին ռազմական բժշկին-խմբ./, մինչև տարատեսակ այլ առիթներ: Սակայն անկախ նախկինում նրա ցուցաբերած վարքագծից` պետք է ընդունել, որ այս պահին Հայրապետանի  կեցվածքն առնվազն հարգանքի է արժանի: Հանուն արդարության պետք է նշել, որ նա ամեն դեպքում ունեցել է նաև կարևոր ներդրում` Հայաստանում ֆուտբոլի զարգացման գործում, ինչպես նաև բարեգործական աշխատանքներ է կատարել Արցախում, որը հատուկ գովազդի թեմա չի էլ դարձել:
Ակնհայտ է, որ այժմ Ռուբեն Հայրապետյանը թիրախավորված է. հնարավոր է, որ նա մոտ ապագայում կձերբակալվի, մեծ է հավանականությունը, որ կորցնի նաև իր հարստության մի մասը: Այսքանով հանդերձ, ի տարբերություն նախկիներին առաջին պատեհ առիթով մոռացած և Նիկոլ Փաշինյանի թևատակերին տաքուկ ծվարած մի շարք այլ օլիգարխների, Ռուբեն Հայրապետյանը իրեն ուղղակի տղամարդավարի է պահում և ու «չի քցում» Սերժ Սարգսյանին: Եվ սա այն դեպքում, երբ Սերժ Սարգսյանը ժամանակին անգամ պատժել էր Հայրապետյանին` Հարսնաքարի հայտնի միջադեպից հետո նրան զրկելով ԱԺ պատգամավորի մանդատից:
Պետք է նկատել, որ ի դեմս Ռուբեն Հայրապետյանի` Սերժ Սարգսյանը կարողացել է ճիշտ ընկեր ընտրել, որովհետև իշխանության ղեկին եղած ժամանակ, որպես կանոն, ընկերների պակաս չի զգացվում, և այդ պահին դժվար է լինում տարբերել իրական ընկերոջը կեղծ ընկերոջից: «Ընկերները», որպես կանոն, անհետանում են փառք ու իշխանություն կորցնելուց հետո: Այս տեսանկյունից Ռուբեն Հայրապետյանի` Սաթիկ Սեյրանյանին տված հարցազրույցը բազմաթիվ այլ օլիգարխների համար, որոնք կայացել և միլիոնատեր են դարձել նախագահ Ռոբերտ Քոչարյանի իշխանության տարիներին, կարող է բարոյական դաս համարվել: Նույն Գագիկ Ծառուկյանի «Մուլտի գրուպ» կոնցեռնը հիմնադրվել է 1998 թվականին` Քոչարյանի նախագահության շրջանում: Ծառուկյանը Հայաստանի թիվ մեկ մեծահարուստ է հռչակվել Քոչարյանի օրոք, նրա կուսակցությունը ևս հիմնադրվել է դարձյալ Քոչարյանի ժամանակ, նրա անմիջական նախաձեռնությամբ: Այսօր, երբ Քոչարյանը բանտում է, Ծառուկյանն ու նրա կուսակցությունը չեն ուզում ավելորդ ռիսկի դիմել. անգամ դատապարտող հայտարարություն չարեցին:
Նույն Սամվել Ալեքսանյանը, որն այսօր Նիկոլ Փաշինյանի ամենասիրելի օլիգարխն է դարձել, աճել ու բարգավաճել է նախ Քոչարյանի,ապա նաև Սերժ Սարգսյանի իշխանության տարիներին: Նույն Վարդանյանները ժամանակին իրենց հայաստանյան բիզնես կայսրությունը հիմնել են Քոչարյանի իշխանութան օրոք: Միքայել և Կարեն Վարդանյանների լուսահոգի հայրը` Հրանտ Վարդանյանը, իր ամենահայտնի բիզեսը` «Գրանդ քենդի» կոնֆետների արտադրությունը, հիմնել է ՀՀՇ-ական Հարություն Ղարագյոզյանից`Կարամելի Հարութից ձեռք բերված գործարանի տարածքում: Այդ գործարքին մեծապես նպաստել է այն ժամանակվա նախագահ Ռոբերտ Քոչարյանը, ինչի մասին, ի դեպ, Հրանտ Վարդանյանը ժամանակին հրապարակավ արտահայտվել է:
Բայց այսօր Վարդանյանները ցուցաբերում են զրո վերաբերմունք` Քոչարյանի շուրջ ծավալվող իրադարձություններին: Նույն կերպ են վարվում «Վիվասել ՄՏՍ»-ի գլխավոր տնօրեն Ռալֆ Յիրիկյանը, «Գազպրոմ Արմենիայի» նախկին տնօրեն, ՀՀ նախկին վարչապետ Կարեն Կարապետյանը, էլի շատերը, որոնք, բառիս ամենաուղիղ իմաստով, իրենց առաջին միլիոնները, որոնց հիմքի վրա հետագայում բիզնես-կայսրություններ կառուցեցին, դիզել են Ռոբերտ Քոչարյանի ղեկավարման տարիներին և շատ լավ գիտեն` առանց այն ժամանակվա նախագահի բարեհաճության, չէին ունենա այն, ինչ ունեն: Թվարկված մարդիկ` բոլորը, թեկուզ իրենք իրենց համար, պետք է լսեն Ռուբեն Հայրապետյանի խոսքը և ամաչեն իրենցից:

Հանուն արդարության նշենք նաև, որ, օրինակ, Սամվել Մայրապետյանը չվախեցավ գնալ այդ ռսիկին: Չնայած ծանր հիվանդությանը, Քոչարյանի դեմ ցուցմունք չտալու համար նա անգամ բանտ նստեց: Ինչ խոսք, մարդիկ, տարբեր են:   

 

Նաիրա Բաղդասարյան

դիտվել է 17926 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am