Նոյեմբերի 19-ին, ժամը 16.30-ի սահմաններում, ոստիկանության Շենգավիթի բաժնում օպերատիվ կառավարման կենտրոնից հաղորդում էր ստացվել, որ օրը ցերեկով կոտրել են Կարմիր բլուր փողոցի տներից մեկի պատուհանը և փող գողացել:
Հաղորդումը ստանալուն պես օպերատիվ խումբը դեպքի վայր մեկնեց: Իրավապահներն ուսումնասիրեցին տան տարածքը. ինչ-որ մեկը տեխնիկական միջոցների գործադրմամբ բացել էր խոհանոցի պատուհանն ու ննջարանի պահարանից գումար հափշտակել:
Գաղտնի հափշտակություն կատարած անձին և գողոնը հայտնաբերելու ուղղությամբ հետաքննություն իրականացնող մարմինը լայնածավալ որոնողական աշխատանքներ ձեռնարկեց: Քրեական հետախույզներն օպերատիվ հարցումներ իրականացրին: Ուսումնասիրվեցին հարակից շենքերի և օբյեկտների մոտ տեղադրված տեսախցիկների տեսագրությունները: Տեսահսկող սարքերը ֆիքսել էին, թե դեպքի վայրից ոչ հեռու հանցամիտն ինչպես է իջնում «Մերսեդես» մակնիշի տաքսի մեքենայից, իսկ քայլելիս փորձում է թաքցնել դեմքը:
Տեսագրությունների վերծանումից հետո, ոստիկանության Չարբախի բաժանմունքի ծառայողների հետ համատեղ միջոցառումների արդյունքում, պարզվեց, որ բնակարանային գողությունը կատարել է «Մաուգլի» մականունով 31-ամյա մի տղամարդ, որը ներկա պահին մեկ այլ հանցագործության համար կալանավորված է և պատիժը կրում է Նուբարաշեն քրեակատարողական հիմնարկում:
Հիշեցնենք, որ նախկինում 7 անգամ դատապարտված և այժմ գողության համար քրեակատարողական հիմնարկում պատիժը կրող 31-ամյա դատապարտյալը նոյեմբերի 18-ին հիվանդանոցից դիմել էր փախուստի և, իրավապահների համատեղ միջոցառումներով բռնվել: Ըստ այս պահին ձեռք բերված փաստական տվյալների, ազատության մեջ լինելով, հենց նոյեմբերի 19-ին էլ կատարել էր վերջին գողությունը:
Ձեռնարկվում են միջոցառումներ դեպքի բոլոր հանգամանքները պարզելու ուղղությամբ: Գողության փաստով հարուցված քրեական գործի նախաքննությունը շարունակվում է:
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ)
Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը
Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը
Մարտի 29-ին՝ ժամը 13։30-ին, Հայելի ակումբի հյուրն է Գառնիկ Դավթյանը
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը
Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը
Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը