Մամեդյարովը «պայթեցնում է» Փաշինյանի ղարաբաղյան փաթեթը՝ «Լավրովի պլանով»

Ադրբեջանի ԱԳ նախարար Էլմար Մամեդյարովը ադրբեջանական CBC հեռուստաալիքին ծավալուն հարցազրույց է տվել, որում, ըստ էության, ի ցույց է դրվում, թե ինչ վիճակում է այսօր գտնվում ղարաբաղյան կարգավորման գործընթացը: Նախ տեղեկանում ենք, որ ՀՀ ԱԳ նախարար Զոհրաբ Մնացականյանի հետ նրա հաջորդ հանդիպումը կկայանա 2020թ. հունվարին:

Մամեդյարովի խոսքից ակնհայտ է, որ նա դժգոհ է Մնացականյանի հետ ընթացող բանակցություններից, ավելին՝ Բաքուն նկատելի է, որ ամեն ինչ անում է, որ բանակցությունների տապալման մեղքը գցի Հայաստանի վրա: Նա անընդհատ ասում է, որ նա հակամարտության կարգավորման գործընթացքում Հայաստանի և Ադրբեջանի «կարմիր գծերը» պետք է հասկանանք: Այսինքն՝ գիծ, որից այն կողմ ոչ Ադրբեջանը, ոչ Հայաստանը չեն նահանջի:

Բայց այդպես էլ ոչ մի խոսք չի ասվում, թե ի՞նչ է պատրաստ զիջել Ադրբեջանը՝ բացի լայն «ինքնավարության տրամադրումը Ղարաբաղին՝ Ադրբեջանի կազմում»:
Մամեդյարովը կրկին դեկտեմբերի 4-ին Մնացականյանի հետ Բրատիսլավայում կայացած հանդիպմանը «կոշտ» է որակում:

Ամբողջ հարցազրույցի մեխը այն է, որ հայկական կողմի մոտ չկա դիրքորոշում, կան գործողություններ և հայտարարություններ՝ հիմնված հույզերի վրա: «Մենք մեր կողմից չենք հասկանում, թե ինչու հայկական կողմը թույլ չի տալիս Ղարաբաղի հայկական համայնքին շփվել ադրբեջանական համայնքի հետ», - ասում է նա:

Եվ, ինչպես ասում են, այստեղ բացահայտվում է բանակցային մի շատ կարևոր նրբերանգ: Ուրեմն պաշտոնական Բաքուն ձգտում է հասնել նրան, որպեսզի Հայաստանի կողմից՝ Արցախը պետք է մասնակցի բանակցություններին թեզը փոխարինվի՝ Լեռնային Ղարաբաղի «հայ և ադրբեջանցի համայնքների» հետ շփումների:

Սա, իսկապես, խայտառակ պարտություն կլինի, եթե պաշտոնական Երևանը նման բան թույլ տա: 1994թ. զինադադարի փաստաթուղթը ստորագրել է Լեռնային Ղարաբաղը, ո՛չ որպես «Ադրբեջանի հայ համայնք»: Այստղ Բաքվի «խաղը» շատ պարզ է, և չպետք է թույլ տալ:

Ամբողջ հարցազրույցի ընթացքում Մամեդյարովը հասկացնել է տալիս, որ նույնիսկ ռազմական գործողությունների վերսկսման դեպքում «միևնույն է, բանակցային գործընթացը պետք է տեղի ունենա, քանի որ պատերազմը չի կարող հավերժ լինել»: Այսինքն՝ պատերազմի շանտաժը կրկին գործի է դրվում:

«Ես միշտ հայկական կողմին, այդ թվում նաև լրագրողներին, տալիս եմ հետևյալ հարցը. Ասե՞ք ինձ առնվազն մեկ փաստարկ, որ դուք շահել եք Ադրբեջանի հետ հակամարտությունից: Սկսե՞լ եք ավելի լավ ապրել, միացե՞լ եք նախագծերին կամ այլ բան: Հետևաբար, շատ կարևոր է թակել Հայաստանի հասարակ քաղաքացիների սրտին», - ասել է նա: Առհասարակ, Ադրբեջանի իշխանությունները տարիներ շարունակ սիրում են այս միտքը հնչեցնել: Նրանք խուսափում են հայկական կողմի հակափաստարկից, որ Հայաստանի և Արցախի համար գոյություն ունի ֆիզիկական անվտանգության հարց:
Այժմ մեկ այլ կարևոր պահ: Ի՞նչ են քննարկում Մամեդյարովն ու Մնացականյանը...

Ադրբեջանի արտգործնախարարի խոսքից կարելի է հասկանալ, որ բանակցությունների ընթացքում հայկական կողմում հայտնվել են տարբեր փաստաթղթեր, որոնցից վերջինը «Լավրովի պլանն» էր: «Լավրովի պլանը» մոտ երկու տարի առաջ Մոսկվայում տեղի ունեցած բուռն քննարկումների արդյունք է: Սակայն այն հիմնված է «մադրիդյան սկզբունքների» վրա: Կա ԵԱՀԿ Մինսկի խմբի համանախագահների հայտարարություն՝ թվագրված է 2019-ի մարտի 9 ամսաթվով, որը պարզապես սահմանում է միջնորդների տեսլականը բանակցություններում առաջ շարժվելու համար: Էությունը շատ ակնառու է`փուլայնություն: Առաջին փուլում զորքերի դուրսբերում, Ադրբեջանի բնակչության վերադարձ, անվտանգության ապահովում, հաղորդակցության հաստատում: Հետևաբար, մեր առաջարկը հայկական կողմին կարելի է բնութագրել որպես «խաղաղություն՝ բարգավաճման հեռանկարով»», - ասում է Մամեդյարովը:

Բացի այդ, Մամեդյարովը հավելել է, որ Ադրբեջանը համանախագահներին խնդրել է պատրաստել անվտանգության վերաբերյալ զեկույց անվտանգության հարցի վերաբերյալ: «Մենք առարկայորեն քննարկել ենք այդ հարցը: Հայաստանի համար, ըստ իրենց ԱԳՆ ղեկավարի խոսքերի, կարևոր են կարգավիճակը և անվտանգությունը: Թե ի՞նչ է կարգավիճակը`հասկանալի, իսկ ահա ի՞նչ է անվտանգությունը: Համանախագահները նույնպես ցանկանում են հասկանալ այս պահը: Պետք է լինի անվտանգության բանաձև, երբ Ադրբեջանի բնակչությունը վերադառնա ազատագրված տարածքներ: Ղարաբաղի հայ բնակչությունը մեր քաղաքացիներն են, և նրանց անվտանգությունն ամբողջ ծավալով կապահովվի: Բայց դա մեր հասկացողությունն է, իսկ ահա ո՞րն է հայկական կողմինը», - ասել է Ադրբեջանի ԱԳՆ ղեկավարը:

Այսինքն, Մադրիդյան սկզբունքների հիմքի վրա Լավրովի պլանն են այսօր քննարկում, բանակցում կողմերը: Սա այն հարցի պատասխանն է, որին հայկական կողմը չի ցանկանում անդրադառնալ: Ավելին՝ պաշտոնական Երևանը վերջերս անգամ հայտարարեց, որ կոնկրետ փաստաթուղթ չկա, բանակցություններ չկան:

Այնպես որ, պաշտոնական Երևանը պարտավոր է մի քանի կետով պատասխանել Ադրբեջանի արտգործնախարարի մտքերին, հակառակ դեպքում, կարելի ի գիտություն ընդունել բանակցային նրբերանգների մասին Մամեդյարովի որոշ «տեղեկությունները»:

Մետաքսյա Շալունց

դիտվել է 6232 անգամ
Լրահոս
Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը Առանց ներկայիս դե-ֆակտո իշխանությունների մենք կարող ենք դիմադրել և հաղթել. Վարուժան Գեղամյան Այսօր Հայաստանին և հայ ժողովրդին պատերազմով սպառնում են երկու հոգի՝ Իլհամ Ալիևը և Նիկոլ Փաշինյանը Տավուշի այդ 4 գյուղերն ադրբեջանական են, ՀՀ-ին չեն պատկանում, պետք է վերադարձնել․ ՔՊ-ական պատգամավոր «Եթե գիտեք՝ Ոսկեպարով կինոն կվերջանա, ասեմ, որ կինոն նոր ա սկսելու» «Տավուշի համայնքների հարևանությամբ հայտնվելու են ադրբեջանական զինված ծառայողներ. ռազմավարական օբյեկտներ հայտնվելու են ադրբեջանական թիրախի կամ վերահսկողության ներքո». Թաթոյան Զախարովան՝ Փաշինյանի՝ պատերազմ սկսվելու հայտարարության մասին ՆԱՏՕ-ի գլխավոր քարտուղարը ժամանեց Երևան ՔՊ-ականն ու էրոտիկան (video) ԵՄ արտգործնախարարները վերահաստատել են իրենց աջակցությունը Հայաստանին. Ստանո Փաշինյանի շանտաժը ոսկեպարցիներին (video) Հայաստանում զինվորականներ կա՞ն... Այս ու՜ր ենք հասել... Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184 Սյունիքում հիվանդանոց տեղափոխվելիս շտապօգնության ավտոմեքենայում մահացել է Կապանի թիվ 3 միջնակարգ դպրոցի զինղեկը Դավիթ Կարապետյանը երդմամբ ստանձնեց պատգամավորական մանդատը Սարսռել կարելի է այն մտքից, թե տավուշցիները ինքնապաշպանական խմբեր կստեղծեն պաշտպանվելու համար. Հովհաննիսյան Ոսկեպարցիները Փաշինյանին ասել են՝ դու ստեղ ամագ ունե՞ս, որ ուզում ես տարածք զիջես. Գառնիկ Դանիելյան (video) Որտեղի՞ց լինի ՀՀ, երբ երկրին դավաճանածը գյուղացուն համոզում է, որ պետք է ձեր հողերն էլ տանք թշնամուն. Զաքարյան Պետք է հիշել ԲԴԽ անդամների անունները, ովքեր կողմ քվեարկեցին Բորիսին կալանավորելու միջնորդությանը․ Արթուր Ղամբարյան Որպես ազգ և պետություն մենք գոնե գիտակցո՞ւմ ենք, որ «քննարկում ենք» Հայաստանի մաս-մաս հանձնումը թշնամուն. Ոսկանյան Դավաճան, հող ծախող․․․ Ինչպես են Փաշինյանին դիմավորել Տավուշում (video) Հայաստանին է մոտենում է հաջորդ ցիկլոնը. տեղումները կվերսկսվեն ձյան ու անձրեւի տեսքով Չես գտնի ոչ մի ղեկավարի, որ ձեռքը վերցնի մի 3.000 դրամանոց խաղալիք ու յալանչու պես ընկնի այդ երկրի գյուղերն ու քաղաքները Ձյուն, բուք և մառախուղ․ Իրավիճակը Հայաստանի ավտոճանապարհներին Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am