Ոչ մի հեղափոխություն Հայաստանում չի եղել. Անդրանիկ Միհրանյան (video)
Ոչ մի հեղափոխություն Հայաստանում չի եղել, քանի որ հեղափոխության դեպքում փոխվում են սոցիալ-տնտեսական կարգը եւ քաղաքական ռեժիմի բնույթը, ինչը տեղի չի ունեցել։ Այս մասին ռուս-հայկական «Լազարյան ակումբի» երրորդ նիստում դեկտեմբերի 13-ին ասաց ռուսաստանցի քաղաքագետ Անդրանիկ Միհրանյանը։
Նրա խոսքով, այժմ, ըստ էության, հաստատվել է անձնական իշխանության ռեժիմ։
Քաղաքագետը նշել է, որ Նիկոլ Փաշինյանը,գալով իշխանության, հայտարարել է Ռուսաստանի հետ հարաբերությունների կարեւորության մասին, ինչը վկայում է, որ երբ մարդը գալիս է իշխանության, կարող է պարզել իր համար պետության կառավարման ողջ պատասխանատվությունը։ Բայց Ռուսաստանում շատերը մինչեւ այժմ սպասողական դիրք են գրավում՝ հասկանալու համար, թե ինչ է լինելու հետո։