Ալեն Սիմոնյանը՝ 2018թ. հոկտեմբերի 2-ին նախորդող օրերի մասին գաղտնիք բացեց (video)
ԱԺ ճեպզրույցների ժամանակ ԱԺ փոխնախագահ Ալեն Սիմոնյանը, հիշեցնելով նախորդ տարվա հոկտեմբերի 2-ի դեպքերը, ընդգծեց, որ այդ օրը փորձ է արվել ԱԺ կանոնակարգ
օրենքի փոփոխությամբ խոչընդոտել վարչապետի նոր ընտրությունը։ «Մի գաղտնիք բացեմ, որ հոկտեմբերի 2-ից մի քանի օր առաջ ԱԺ-ում տոնակատարություն էր՝ խորհրդարանի 100-ամյակի հետ կապված։ Այդ ժամանակ ՀՀԿ-ական պատգամավորներից երկուսն ինձ ասացին, որ ոչինչ, քիչ մնաց, քանի որ մենք ձեզ թերագնահատեցինք, բայց հիմա դուք եք մեզ թերագնահատում, կտեսնենք, թե ինչ կլինի։ Այդ ժամանակ չհասկացա` ինչի մասին է խոսքը, բայց եղավ հոկտեմբերի 2-ը, որի ժամանակ փորձ արվեց կանգնեցնել ՀՀ-ում սկսված շարժումը։ Հիմա կա դատական համակարգի խնդիր, որը փաստում են ոչ միայն իշխանության ներկայացուցիչները: Նույն ԲՀԿ-ն խոսում է այն մասին, որ ՍԴ դատավորներն իրենց աչքի լույսը չեն, դատավորներն էլ ասում են, որ կան խնդիրներ, բայց երբ քայլ է արվում որևէ հարցի լուծում տալ, չգիտեմ, թե ինչու՝ շահարկվում է հարց, թե իշխանությունը գնում է նման քայլի, որ իրենց համար շահեկան դատական համակարգ լինի»,- ընդգծեց Ալեն Սիմոնյանը։