Փաշինյանը ուզում է դեկտեմբերի 31-ին հանրահավա՞ք անցկացնել՝ օգտագործելով մարդկանց ամանորյա իղձերը

Ինչպես հայտնի է, բոլոր տեսակի պոպուլիստները իրար նման են: Տարբերությունը միայն իրենց միջոցառումների ձևի մեջ է: Օրինակ՝ 2015-ին, երբ նշվում էր Հայոց ցեղասպանության 100-ամյակը, Ժիրայր Սեֆիլյանն ուզում էր օգտագործել ապրիլի 24-ի մարդկանց բազմաշատությունը իր նպատակների համար: Այսինքն՝ մեր նորօրյա այս «հեղափոխականը» չունենալով գոնե 100 մարդ հեղափոխություն իրականացնելու համար, ցանկանում էր իր այդ նպատակը իրականացնել 2015-ի ապրիլի 24-ին: Որպեսզի այդ օրը հավաքված մարդիկ իր «հեղափոխության» համար, այսպես ասաց «массовка»-ի դեր կատարեին: Այդպիսին են սովորաբար լինում մեր օրերի «սուտի» հեղափոխականների գործելաոճը:

Եվ ահա Ժիրայր Սեֆիլյանի այս գործելաոճը ուզում է դեկտեմբերի 31-ին կիրառել այս անգամ արդեն Նիկոլ Փաշինյանը:

Նա հայտարարում է և կոչ է անում, որ դեկտեմբերի 31-ին մարդիկ հավաքվեն Հանրապետության հրապարակում և իր հետ միասին «նշեն Նոր Տարվա գալը»:

Հասկանալի է, որ հավաքված մարդկանց խմբերը Փաշինյանը օգտագործելու է ի շահ իրեն՝ յուրօրինակ պատկեր ստանալով այն մասին, որ իբր «ժողովուրդը համախմբված է իր վարչապետի կողքը»:

Մարդիկ, բնականաբար, գալու են հրապարակ Նոր Տարին նշելու, անկախ նրանից, թե ով է երկրի ղեկավարը: Սակայն Փաշինյանը այս պատկերը փորձելու է շահարկել իր օգտին՝ ցույց տալով, թե «տեսեք 2018-ի ապրիլից մինչ այսօր պատկերը չի փոխվել»:

Հասկանալի է Փաշինյանի այս գործելաոճը: Քանզի, օրինակ, դատարանների շրջափակման ժամանակ նրա կոչին իրականում անրադարձավ մոտ 1200 մարդ: Եվ ահա Ամանորյա այս ժամանակահատվածը նա փորձում է օգտագործել, որպեսզի այդ պատկերը փոխվի:

Սա է իրականությունը:

Դավիթ Մկրտչյան

zham.am