«Շատ լավ հանդիպում անցկացրեցի Սերգեյ Լավրովի հետ». Թրամփ
ԱՄՆ-ի նախագահ Դոնալդ Թրամփը Twitter-ում գրել է Ռուսաստանի արտգործնախարարության ղեկավար Սերգեյ Լավրովի հետ իր հանդիպման մասին եւ հայտարարել է, որ մոտ ապագայում Մոսկվայի հետ երկխոսությունը շարունակելու հույս ունի։
«Հենց նոր շատ լավ հանդիպում անցկացրեցի արտաքին գործերի նախարար Սերգեյ Լավրովի եւ Ռուսաստանի ներկայացուցիչների հետ»,- գրել է Թրամփը:
Ինչպես նշվում է` հանդիպման ընթացքում քննարկվել են շատ հարցեր, «ներառյալ առեւտուրը, Իրանը, Հյուսիսային Կորեան, ՄՓՀՀՎ-ի (Միջին եւ փոքր հեռահարության հրթիռների վերացման) պայմանագիրը, միջուկային սպառազինությունների նկատմամբ վերահսկողությունը եւ ընտրություններին միջամտությունը»:
Թրամփի եւ Լավրովի բանակցությունը տեղի է ունեցել դեկտեմբերի 10-ին Վաշինգտոնում, տեւել է 45 – 50 րոպե, հաղորդել է «Ինտերֆաքսը»: