Երեք տարվա դադարից հետո՝ Պուտինի հետ տետ-ա-տետ

Ողջ աշխարհի ուշադրությունը երեկ ուղղված էր դեպի Փարիզ, որտեղ «Նորմանդյան» ձևաչափով գումարվեց Ֆրանսիայի, Ուկրաինայի, Ռուսաստանի նախագահներ Էմանյուել Մակրոնի, Վլադիմիր Զելենսկու, Վլադիմիր Պուտինի և Գերմանիայի կանցլեր Անգելա Մերկելի հանդիպումը: Օրակարգում ռուս-ուկրաինական հակամարտության կարգավորումն էր:

Երեկվա հանդիպումը՝ 2016-ից ի վեր Ռուսաստանի և Ուկրաինայի ղեկավարների առաջին հանդիպումն էր: Բացի այդ, Զելենսկին նախագահի պաշտոնում առաջին անգամ հանդիպեց ռուսաստանցի պաշտոնակցի հետ:

Մոսկվան մշտապես հերքել է միջամտությունն Ուկրաինայի արևելքում շարունակվող հակամարտությանը և ռուս անջատականներին ռազմական, ֆինանսական և քաղաքական աջակցություն տրամադրելու մեղադրանքը: Մինչդեռ, բազում փաստեր հակառակն են վկայում: Միջազգային քրեական դատարանը 2016թ. զեկույցում Արևելյան Ուկրաինայում տեղի ունեցող բախումները միանշանակ անվանել է «միջազգային հակամարտություն Ռուսաստանի և Ուկրաինայի միջև»:

Փարիզյան հանդիպման հավանական արդյունքը թե՛ Կիևը և թե՛ Մոսկվան շատ զուսպ էին գնահատում, նկատելով, որ, ամենայն հավանականությամբ, ինչ-որ լուրջ առաջընթաց չի արձանագրվի: Այդ տեսակետն էին կիսում նաև արևմտյան երկրները: «Մենք կարծում ենք, այս հանդիպումը թույլ կտա առաջ տանել Ուկրաինայի հակամարտության խաղաղ և հարատև կարգավորման խնդիրը, որը Եվրոպական միության համար առաջնահերթություններից մեկն է», - ասել է ԵՄ արտաքին քաղաքականության և անվտանգության հարցերով պատասխանատու Ժոզեպ Բորելը:

Շվեդիայի արտգործնախարար Անն Լինդեն Բրյուսելում Եվրոպայի խորհրդի արտաքին գործերի խորհրդի նիստում ասել է, որ հակամարտության կարգավորման հարցում առաջխաղացում դժվար թե լինի: «Ամենալավ հանգամանքը հենց հանդիպման բուն փաստն է, բայց ավելին ակնկալել չարժե», - ասել է Լինդեն: Շվեդիայի ԱԳ նախարարը խոսել է նաև ՌԴ-ի նկատմամբ Եվրամիության սահմանած պատժամիջոցների մասին: «Մենք չենք կարծում, թե հարկ է թուլացնել պատժամիջոցները: Քանի դեռ չկա մինսկյան համաձայնությունների նկատմամբ վերաբերմունքի փոփոխություն՝ Եվրամիությունը պետք է ուժի մեջ պահի պատժամիջոցները», - ասել է Անն Լինդեն:

Հիշեցնենք, որ «Նորմանդյան» ձևաչափը հաստատվել է 2014թ. հունիսից: Այն ժամանակ միջազգային համայնքը նշել է Երկրորդ աշխարհամարտում Նորմանդիայում արևմտյան դաշնակից զորքերի ափհանման 70-ամյակը: Միջոցառումների շրջանակներում Դոնբասի թեման առաջին անգամ միասին քննարկել են Ռուսաստանի, Ուկրաինայի, Ֆրանսիայի և Գերմանիայի ղեկավարները: Դրա առիթով այդ ձևաչափին տրվել է «նորմանդյան» անունը:

Չորս երկրները շարունակել են քննարկումները արտգործնախարարների, դեսպանների, բանագնացների և փորձագետների մակարդակով:

2014թ. սեպտեմբերի 5-ին Մինսկում արձանագրություն է ստորագրել Ռուսաստանի, Ուկրաինայի և ԵԱՀԿ-ի ներկայացուցիչներից կազմված եռակողմ շփման խումբը: Դրա պահանջներից գլխավորը՝ հրադադարը, գործնականում չի պահպանվել: 2015թ. փետրվարի 11-12-ը Վլադիմիր Պուտինը, Պետրո Պորոշենկոն, Ֆրանսուա Օլանդը և Անգելա Մերկելը Մինսկում բանակցել են «Նորմանդյան» քառյակի ձևաչափով:

Ահա, Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի առաջին երկկողմ հանդիպումը տեղի ունեցավ երեկ Փարիզում: Հանդիպմանը մասնակցում էին նաև էներգետիկայի նախարար Ալեքսանդր Նովակը և «Գազպրոմի» ղեկավար Ալեքսեյ Միլերը, նախագահի օգնականներ Վլադիսլավ Սուրկովը, Յուրի Ուշակովը, արտաքին գործերի նախարար Սերգեյ Լավրովը և նախագահի խոսնակ Դմիտրի Պեսկովը: ՌԴ նախագահի մամլո քարտուղար Դմիտրի Պեսկովը հայտնել է, որ Զելենսկին ու Պուտինը «նորմանդական քառյակի» ձևաչափով հանդիպման մեկնարկից առաջ միմյանց ողջունել են ձեռքսեղմամբ:

Ուշ երեկոյան ավարտվեց Պուտին - Զելենսկի հանդիպումը: Պուտինի խոսքով՝ հանդիպումը լավ է անցել: Երկկողմանի բանակցությունները տևել են մոտ 1 ժամ և 20 րոպե: Ի դեպ, «նորմանդական քառյակի» գագաթնաժողովի ժամանակ Ռուսաստանի նախագահ Վլադիմիր Պուտինն ուկրաինացի պաշտոնակից Վլադիմիր Զելենսկուն դեմքի շարժումով հուշել է շրջվել լուսանկարիչների կողմը:

Ինչպես հայտնում էին ռուսաստանյան գործակալությունները՝ հանդիպման սկզբում ուկրաինացի նախագահը նախ շփոթել է տեղերը սեղանի շուրջ և քիչ էր մնացել նստեր ՌԴ ղեկավարի աթոռին: Այնուհետև Զելենսկին, մեջքով նստած դեպի լուսանկարիչները, սկսել է բացել թղթապանակը: Այդ պահին Ֆրանսիայի առաջնորդ Էմանուել Մակրոնը նրան ձեռքով ցույց է տվել հետևի կողմում կանգնած լրագրողներին: Զելենսկին միանգամից չի հասկացել, թե իրեն ինչ են ասում: Այդ ժամանակ Պուտինը նրան խնդրել է շրջվել, որից հետո Զելենսկին ժպտալով շրջվել է դեպի տեսախցիկը:

Իսկ այդ ընթացքում Կիևում մոտ 800 մարդ ակցիա իրականացրեց Զելենսկու նստավայրի մոտ: «Այժմ ակցիային մասնակցում է մոտ 800 մարդ: Իրավիճակը ներկա պահին հանգիստ է, հասարակական կարգի խախտումներ չեն գրանցվել»,- ասվում է մամուլի հայտարարությունում: Ավելի վաղ երկրի նախկին նախագահ Պյոտր Պորոշենկոն հայտնել էր, որ «Նորմանդական քառյակի» գագաթնաժողովին ընդառաջ դեկտեմբերի 8-ին Կիևում ակցիա կիրականացվի:

Զելենսկին Փարիզում «նորմանդական քառյակի» գագաթնաժողովից հետո հայտնել է, որ գերիների՝ «բոլորին` բոլորի դիմաց» ֆորմատով փոխանակումը կսկսվի դեկտեմբերի 24-ին: Ընդ որում, նա հստակեցրել է, որ փոխանակումը տեղի կունենա ոչ ուշ, քան դեկտեմբերի 31-ը:

Նշենք, որ «բոլորին՝ բոլորի դիմաց» ֆորմատով գերիների փոխանակման պայմանավորվածությունը Ուկրաինայի և Ռուսաստանի առաջնորդների միջև ձեռք էր բերվել Փարիզում անցկացված «նորմանդական քառյակի» գագաթնաժողովի ժամանակ:
Բանակցությունների արդյունքում կողմերը նաև համաձայնեցրել են 2020-ի մարտի վերջին Դոնբասի երեք նոր կետերում ուժերի տարանջատումը: Բացի դա, «նորմանդական քառյակի» առաջնորդները նաև հանդես են եկել Ուկրաինայի սահմանադրությունը «Շտայնմայերի բանաձևով» փոփոխելու օգտին: Միևնույն ժամանակ, ՌԴ նախագահ Վլադիմիր Պուտինը հայտնել է Դոնբասում իրավիճակը կարգավորելու ուղղությամբ Ռուսաստանի գործակցության մասին:

Հիշեցնենք, որ Դոնբասի և Լուգանսկի շրջանները գտնվում են Մոսկվայի աջակցությամբ գործող ռուս անջատականների հսկողության տակ: «Շտայնմայերի բանաձևի» տեքստը որոշում Է Լուգանսկի և Դոնեցկի մարզերի առանձին տարածաշրջանների հատուկ կարգավիճակի վերաբերյալ ուկրաինական օրենքի ուժի մեջ մտնելու կարգը: Փաստաթղթի համաձայն, այն պետք Է ուժի մեջ մտնի արտահերթ տեղական ընտրություններում քվեարկության օրը, որոնք պետք Է անցկացվեն Ուկրաինայի Սահմանադրությանը և ուկրաինական օրենսդրությանը համապատասխան: Ըստ առաջարկվող բանաձևի՝ ընտրությունները երկու անջատական տարածքներում պետք է վերահսկվեն ԵԱՀԿ-ի կողմից, դա համաձայնության պարտադիր պահանջն է:

Այսպես, Զելենսկին մեկնաբանել է «նորմանդական գագաթնաժողովի» շրջանակում ՌԴ նախագահ Վլադիմիր Պուտինի հետ երկկողմ բանակցությունների արդյունքները: «Հիմա ճիշտ է դիվանագետ լինել: Եկեք ասենք, որ առայժմ «ոչ-ոքի է»,- ասել է նա, հավելելով, որ «որոշ զիջումներ» է նկատել Պուտինի կողմից: «Հնարավո՞ր է համաձայնության գալ: Դժվար է, բայց այսօր եղել են պահեր, երբ մենք ինչ-որ բաների շուրջ պայմանավորվել ենք»,- նշել է Զելենսկին:

Գագաթնաժողովի նախօրեին Ուկրաինայի արտգործնախարար Վադիմ Պրիստայկոն խոստացել էր, որ ուկրաինական իշխանությունները բանակցություններում «ոչ մի միլիմետր» չեն նահանջի իրենց դիրքերից:

Բանակցություններն, ընդհանուր առմամբ, շարունակվել են 5.5 ժամ, որից մոտ 1.5 ժամը տևել է Ռուսաստանի և Ուկրաինայի նախագահների երկկողմ հանդիպումը: Գագաթնաժողովի արդյունքներով երկրների ղեկավարներն ընդունել են երեք կետերից բաղկացած կոմյունիկե. «Անհապաղ միջոցներ հակամարտության գոտում իրավիճակի կայունացման համար», «Մինսկի համաձայնագրերի քաղաքական դրույթների կատարմանն ուղղված միջոցառումներ» և «Շարունակություն»:

Մետաքսյա Շալունց

դիտվել է 2023 անգամ
Լրահոս
Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն Պարզվել է 20-ամյա հղի կնոջ մահվան պատճառը. մեղադրանք է ներկայացվել 3 բժշկի Եվրո-2024-ն՝ առանց Հայաստան. վերլուծական Եղանակը կտաքանա Ադրբեջանի ՄԻՊ-ը հանդիպել է Ստեփանակերտում մնացած արցախցիների հետ Փաշինյանի ելույթն ադրբեջանական մամուլում լայքեր է հավաքում ՀՀ անվտանգության գլխավոր սպառնալիքը Փաշինյանն է, ոչ թե Արցախի պետական ինստիտուտները. Սաղաթելյան Հայաստանի մարդասիրական օգնությունը հասավ Գազա 300 հազար դոլար․ Հայաստանն օգնություն կտրամադրի Ճապոնիային Արարատի կոնյակի գործարանում վերահսկողություն կիրականացվի Հիմա մի անեկդոտ պատմեմ․ Նաիրի Հոխիկյան (video) Արա՛, դուք ո՞նց եք սրան հավատում․ հլը լսե՛ք՝ էս ճիվաղը Տավուշում ինչ է ասել․ Արշակ Զաքարյան (video) Անկախության բանակի փառապանծ էջերը հենց Տավուշում են գրվել․ Գագիկ Մինասյան (video) Ինչու՞ Հայաստանը մոսկովյան ահաբեկչության մասով ՀԱՊԿ հայտարարությանը չի միացել (video) ՔՊ-ականն ի՞նչ ռիսկով է այսպիսի հայտարարություն անում․ Նիկոլից վախեր չունի՞․․․ (video) Նիկո՛լ, ինձ կանչի քո մոտ, ապացուցեմ, որ մի գրամ բան չգիտես․ քաղաքացի (video) «Պոռնկության գինը»՝ 1 մլն. դրամ. Շաքարյանց (video) Ահազանգ կա․ մանկապարտեզներում խայտառակ վիճակ է․ հարցադրումներ նախարարին (video)
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am