Թուրքիայի արդարադատության նախարարության թույլտվությամբ հետաքննություն է սկսվել Դիարբեքիրի փաստաբանների պալատի նախկին նախագահի և գործադիր խորհրդի անդամների դեմ: Այս մասին տեղեկացնում է ahval.me կայքը:
Հետաքննություն սկսելու պատճառը փաստաբանների պալատի կողմից 2018 թվականի ապրիլի 24-ին արված հայտարարությունն էր, որը կրում էր «Կիսում ենք հայ ժողովրդի չապաքինվող մեծ ցավը» խորագիրը:
Հայտարարության մեջ մասնավորապես ասված էր.
«Այն ժամանակ պատասխանատուները, վերացնելով առաջին հերթին մտավորականներին և հայերի առաջնորդներին, «Աքսորի մասին օրենքի» տակ թաքնվելով, զինվորականների և հատուկ հետախուզական կազմակերպության միջոցով 1 միլիոնից ավելի քաղաքացու դեպի Սիրիա՝ մահվան են տարել: Ցավն այնքան մեծ է եղել, որ ՄԱԿ-ի Ցեղասպանության մասին կոնվենցիայում «ցեղասպանություն» եզրույթը ստեղծել են հայ ժողովրդի նկատմամբ կատարվածից ոգեշնչված: Ստամբուլում, Դիարբեքիրում, Վանում և Անատոլիայի մի շարք քաղաքներում, որտեղ հայեր են ապրել, կոտորածի, աքսորի և տեղահանության առաջացրած ավերածությունը, ցավը թարմ է մնում: Մենք հարգանքով ենք հիշում բոլոր զոհված հայերին»:
Այս հայտարարության համար հետաքննություն է սկսվել Դիարբեքիրի փաստաբանների պալատի նախկին նախագահ Ահմեդ Օզմենի և ղեկավար խորհրդի անդամներ Մահսում Բաթիի, Նուշին Ույսալ Էքինջիի, Ջիհան Ուլսենի, Սերթաչ Բուլութթեքինի, Մուհամմեդ Նեշեթ Գիրասունի, Սերհաթ Էրենի, Իմրան Գյոքդերեյի, Վելաթ Ալանի, Ահմեդ Դաղի և Նահիթ Էրենի նկատմամբ: Նրանց մեղադրանք է առաջադրվել Քրեական օրենսգրքի 301-րդ հոդվածի հատկանիշներով՝ «ժողովրդին հրապարակայնորեն ատելության և թշնամության հրահրելու, Թուրքիայի ազգային մեծ ժողովը նսեմացնելու» կետով:
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը
Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը
Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը
Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը
Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը
Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը