Իմ կողմնակիցները սկսեն նույն ձեւով արտահայտվել Ֆեյսբուքում. Քոչարյան
ՀՀ Վերաքննիչ դատարանում դատավոր Մ․Պապոյանի նախագահությամբ քննվում է Ռ․Քոչարյանի պաշտպանների բողոքը առաջին ատյանի որոշման դեմ, ըստ որի՝ ամբաստանյալի խափանման միջոցը չէր փոփոխվել գրավով։
Պաշտպաններից Հայկ Ալումյանը միջնորդության վերաբերյալ դիրքորոշում հայտնելիս նշեց, որ այս միջնորդությունը իր ձեւով ինքնաբացարկի միջնորդություն է, ինչպես նաև այն անհիմն է։
Միջնորդության վերաբերյալ դիրքորոշում հայտնեց նաեւ Ռոբերտ Քոչարյանը, նա միացավ պաշտպանական թիմի առարկությանը․
«Մի բան միայն կավելացնեմ․ փաստաբան Ալումյանը փորձեց ներկայացնել, որ սա մի գործիք է ձեւավորվելու, որի երկու կողմն էլ կարող են կիրառել դատական պրակտիկայում, հետաքրքիր օրինակ էր։ Իմ կողմնակիցները սկսեն նույն ձեւով արտահայտվել Ֆեյսբուքում դատախազների, այլ ցածր վարկանիշ ունեցող դատավորների նկատմամբ, հակառակ կողմը սկսի կարծիք հայտնել բարձր վարկանիշ ունեցող դատավորների նկատմամբ, բայց այս գործիքը միակողմանի օգտագործվող գործիք է, որովհետեւ քրեական գործ հարուցող մարմինները քննչական մարմիններն են , որոնք ուղղակի գործադիր իշխանության տակ են գտնվում»։