Ի՞նչ է թաքնված Փաշինյանի «աննախադեպ կառուցողական դիրքորոշման» տակ

Բազմակարծությունը Փաշինյանի գլխում, որ ոմանց կարծիքով` շիզոֆրենիայի նշան է, հատկապես` երբ խոսքը վերաբերում է Արցախյան կարգավորմանը, որեւէ մեկի համար արդեն նորություն չէ։

Մի բան է «մխիթարում»` իրարամերժ հայտարարություններով իր «մտադրությունների ճանապարհային քարտեզը» քողարկելու անհաջող փորձերից հետո («Ղարաբաղը անպայման պետք է վերադառնա բանակցային ձեւաչափ` ես, որպես Հայաստանի վարչապետ, իրավունք չունեմ խոսել Ղարաբաղի ժողովրդի անունից», «Արցախը Հայաստան է, եւ վե՛րջ», «Բանակցություններ չկան, կան հանդիպումներ», «Բանակցություններում հետաքրքիր դինամիկա կա» եւ այլն) էլ իրեն պատեպատ չի խփում` կենտրոնացել է, իր կարծիքով` «անխոցելի», իրականում` անհեթեթ մի «բանաձեւի» վրա. «Ցանկացած լուծում պետք է ընդունելի լինի Հայաստանի, Ղարաբաղի եւ Ադրբեջանի ժողովուրդների համար»։

Այսինքն` խնդիրը պետք է լուծվի փոխզիջումային տարբերակով. այն համաբալասանը, որ կողմերը ԵԱՀԿ Մինսկի խմբի համանախագահների հետ խելք-խելքի տված` «ասեղով» փնտրում են, չեն գտնում։

Ուրիշ բան, որ Փաշինյանը բանակցային գործընթացի հիմքում դրված ստանդարտ մոտեցումը ներկայացնում է որպես աննախադեպ մի բան` չտեսնված-չլսված «նոու-հաու», որի համար, ո՛չ ավել, ո՛չ պակաս, Նոբելյան մրցանակ է հասնում։ Իրեն հատուկ «ուղղա(պարզա)մտությամբ» այս մասին բացեիբաց հայտարարել է Փաշինյանի «ոչ պաշտոնական խոսնակ» Հովիկ Աղազարյանը` խոսելով Միլանի հայկական եկեղեցում շեֆի ցուցաբերած «փրկչական նկրտումների» մասին։

Ի՞նչ է թաքնված դրա տակ։

Թակարդ հայկական կողմի համար

«Յութուբ»-ում կա մի տեսանյութ («Ամոթալի հայտարարություն. Նիկոլ Փաշինյանը` Լեւոն Տեր-Պետրոսյանի հայտարարության մասին», 2016թ. հուլիսի 22), որտեղ պատգամավոր Փաշինյանը, փորձելով իրենով անել ՊՊԾ գնդի գրավման «ծուռ» օպերացիային աջակցող ամբոխը, կոկորդ պատռելով` քարոզում է իր երեկվա դաշնակից եւ հավերժ գաղափարակից «հիմնադիր» նախագահի դեմ. «Ես հիմա ցավալի արձանագրում եմ անելու։ Լեւոն Տեր-Պետրոսյանը, այո՛, դաշինք է կազմել Սերժ Սարգսյանի հետ (ամբոխը ոգեւորությամբ վանկարկում է`«ամո՛թ») Ղարաբաղի հարցում մի ծրագիր իրագործելու համար, որը դիվանագիտական շրջանկներում հայտնի է որպես Լավրովի պլան։ Դա մի խայտառակ եւ ստորացուցիչ լուծում է Հայաստանի համար, եւ այդպիսի լուծման համաձայնելը ամոթալի է ոչ միայն առաջին դեմքերի, այլեւ Հայաստանի յուրաքանչյուր քաղաքացու համար։

Ինչո՞ւ է Լեւոն Տեր-Պետրոսյանը դա անում։ Բացի աշխարհայացքային, աշխարհաքաղաքական պատճառներից, այստեղ կա եւս մեկ կարեւոր անձնական մոտիվ։ Տեր-Պետրոսյանը ուզում է օգնել Սերժ Սարգսյանին` ազատագրված տարածքները հանձնելու հարցում, որպեսզի, ի վերջո, կարողանա արձանագրել, որ ինքը 1997-98թ.-ին ճիշտ էր ասում (հիշեցման կարգով ասենք, որ այն ժամանակ սեղանին դրված փուլային տարբերակով նախատեսվում էր ոչ միայն ազատագրված տարածքները, այլ Արցախն` ամբողջությամբ թողնել Ադրբեջանի տարածքային ամբողջականության շրջանակներում՝ կարգավիճակի հարցը թողնելով հետագային)։ Բայց սա, էլի եմ ասում, ամոթալի մոտեցում է։ Ինչո՞ւ»։

Եվ, ի՞նչ եք կարծում` ինչո՞ւ։ Ամենեւին էլ ո՛չ նրա համար, որ Փաշինյանը պապից ավելի կաթոլիկ անզիջում մոտեցում ունի Ղարաբաղի հարցում` «ոչ մի թիզի» կողմնակից է (ՀԺ-ի հայտնի հրապարակման մեջ ինքը չէ՞ր, որ զարմանում ու տարակուսում էր` «ոչ մի թիզ» ասողներն ինչո՞վ են մտածում, որ մերը թողած` մեր հողերին տեր չկանգնելով, աչք են տնկել ուրիշի ունեցվածքի`Ադրբեջանի «օկուպացված տարածքների» վրա)։

Խնդիրն այն է, ըստ նրա, որ «չի կարող խոսք լինել փոխզիջումների մասին մի իրավիճակում, երբ Ալիեւը, ատամները սրած, ամեն օր լկտիաբար հոխորտում է Հայաստանի եւ հայ ժողովրդի հասցեին։ Փոխզիջման համար պետք է լինի փոխզիջման մթնոլորտ, իսկ այսպիսի մթնոլորտում` Ալիեւի կողմից ագրեսիվ պահվածքի մթնոլորտում, խոսել փոխզիջման մասին` նշանակում է խոսել ՀՀ եւ ԼՂՀ կապիտուլյացիայի մասին։ Բայց մենք թույլ չենք տալու Հայաստանի կապիտուլյացիան»։

Սա առանցքային դրվագ է Փաշինյանի «ղարաբաղյան ռազմավարությունը» հասկանալու առումով եւ հստակ ցույց է տալիս` ո՞րն է, ի վերջո, առեղծվածային այն «կետը», որտեղից, իր ասելով, սկսել է բանակցությունները։

«Մթնոլորտը մթնոլորտ» լինի` մնացածը ինքնիրեն կստացվի

Ուշադրություն դարձրեք` Փաշինյանը չի մերժում «ազատագրված տարածքները» վերադարձնելու գաղափարը։ Ընդամենը ասում է` մթնոլորտն «այն չէ». անընդհատ խոսելով հարցի «ուժային լուծման» մասին, շանտաժի ենթարկելով հայկական կողմին, Ալիեւը կամա-ակամա տորպեդահարում է կարգավորման գործընթացը։ Այ, հենց որ դադարի հոխորտալ, զսպի իրեն, ամբախ-զամբախ հայտարարություններ չանի, կարելի է նստել կլոր սեղանի շուրջ եւ գտնել այն փոխզիջումային լուծումը, որը «ընդունելի է նաեւ Ադրբեջանի համար»։

Ո՞վ գիտի` Դուշանբեի վերելակում կամ օտար աչքերից հեռու տեղի ունեցած մյուս կոնֆիդենցիալ շփումների ժամանակ գուցե ա՞յս մասին է պայմանավորվել Ալիեւի հետ. ասել է`մի՛ կրակեք, մի՛ սպառնացեք, մթնոլորտը մի սրեք, որ «հայ ժողովուրդը» հասկանա` Ադրբեջանն այլեւս առաջվանը չէ, շատ ջանալու դեպքում կարելի է լեզու գտնել Ալիեւի հետ, փաստաթուղթ ստորագրել`վստահելով նրա ազնիվ խոսքին, հավատալ, որ Ադրբեջանը հուսալի բանակցային գործընկեր է եւ չի խախտի պայմանավորվածությունները։

Այս «վստահությամբ եւ հավատով» էլ օրը 10 անգամ կրկնում է` ես Հայաստանի միակ ղեկավարն եմ, որ ուզում է «բավարարել» նաեւ Ադրբեջանին, ոչ թե մտածում է միայն հայկական շահերն առաջ «բրթելու» մասին։ Եվ ինչքան էլ Ալիեւը, երկու ոտը մի մաշիկի մեջ դրած, շարունակի իր «քյառթու» հակահայ քաղաքականությունը` բարձրաձայն երազելով Երեւանը, Սեւանը, Մեղրին, Զանգեզուրը «վերադարձնելու» մասին, մեկ է` հույսը չի կտրում. ծնկաչոք խնդրում է, աղաչում, համոզում, բացատրում, թե ի՜նչ կառուցողական է «Հայաստանի վարչապետը», եւ ի՜նչ կարեւոր է, որ մի քիչ էլ Ալիեւը կառուցողական ձեւանա` գոնե մեկ անգամ հայտարարի, որ ցանկացած լուծում պետք է ընդունելի լինի նաեւ Հայաստանի համար, բայց ապարդյուն։

Ալիեւն անդրդվելի է, ասում է`«Ղարաբաղն Ադրբեջան է, եւ բացականչական նշան»։

Ի՞նչ կլինի` եթե քարը փեշից թափ տա, եւ վերջապես արտասանի կախարդական խոսքերը, որ ուզում է լսել Փաշինյանը, ապահովի փոխվստահության այն «մթնոլորտը», որին այդպես ինքնամոռաց ձգտում է, սարսափելի է նույնիսկ մտածել...

Լիլիթ Պողոսյան

դիտվել է 447 անգամ
Լրահոս
Այսօրվանից տաքանալու է, առանձին շրջաններում սպասվում է կարճատև անձրև Հայաստանն ու Ադրբեջանը ավելի քան երբևէ մոտ են խաղաղությանը՝ հայտնում են Բաքվից Ալեն Սիմոնյան, կա՛մ ես թևերս կկտրեմ, կա՛մ դու․․․ Տիրան Լոքմագյոզյան (video) Ինչու Բաքուն չցուցադրեց Արայիկ Հարությունյանի հետ հարցազրույցը՝ պարզաբանում են հեռուստաալիքից Ռուսներն այլևս չեն խնայում․Փաշինյանի առաջ պայման են դրել․ Արդարադատության նախարարի նախկին տեղակալ (video) Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի Ադրբեջանը քարոզում է, թե «բնակչության ավելի քան 95 %-ը հավատում է գյուղերի վերադարձին» Շահումյան փողոցում զենքի գործադրմամբ խուլիգանություն, սպանության փորձ կատարելու վարույթով կալանավորվել է նույն քաղաքի 32–ամյա բնակիչը Ղարաբաղում մեր քայլերը հանդիպում էին միջազգային ուժերի հակազդեցությանը. Էրդողան Արա՛, դուք դաժը «դիշովկա» չեք, գիտե՞ք՝ ինչ եք․ Միկա Բադալյան (video) Մեքենան գլորվել է ձորը, վարորդը մահացել է Իմ դիմումի հիման վրա ՀՀ քննչական կոմիտեում վարույթ է նախաձեռնվել Նարեկ Սամսոնյանի բռնի ձերբակալության առիթով․ Թովմասյան Շիրակում գործում է պետական ծառայությունների անվան տակ գործող ինքնակոչների խումբ Ոսկեպարցիներն անհամբեր սպասում են «BMW» -ն հայտնվել է բենզալցակայանի հարևանությամբ գտնվող տարածքում. վարորդի ինքնությունը պարզվում է Իրավապահները խուզարկություն են իրականացնում Ազգային ժողովրդավարական բևեռի որոշ անդամների և համակիրների բնակարաններում «Վանաձոր» քրեակատարողական հիմնարկի 17 ծառայողների նկատմամբ կիրառվել են կարգապահական տույժեր Տաջիկստանում «Կրոկուսի» գործով 9 մարդ է ձերբակալվել 83-ամյա կինը հիվանդանոցում մահացել է Խորը ու մտահոգ որոշ հանրային գործիչներ զանգն են հնչեցնում մոտալուտ աղետի, սակայն կարծես թե բոց առաջացնող կայծը չի երևում. Անանյան Եվրոպան նախապատերազմական դարաշրջան է ապրում. Տուսկ Հայաստանի հեռուստատեսային և ռադիոհաղորդիչ ցանցի տնօրենն ազատվել է աշխատանքից Ֆրանսիայի դեսպանը հանդիպել և շնորհավորել է արցախցի ուսանողուհուն Շաքրո Մոլոդոյն ազատ է արձակվել Կրասնոդարի գաղութից Ներկայացվել են ԽՍՀՄ Խնայբանկում ավանդի դիմաց փոխհատուցման մարտի ցուցակներում համարների միջակայքերը
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am