Փորձ է արվում իմ՝ նախարար եղած տարիների վերաբերյալ վարկաբեկիչ «արժեւորումների» գործելաոճ կիրառել. Լեւոն Մկրտչյան

Վերջին շրջանում անհիմն, շանտաժային որակումների «ջերմ» մթնոլորտում երբեմն առկայծում են կրթության հիմնահարցերին վերաբերող որոշ գնահատումներ, եւ անընդհատ փորձ է կատարվում իմ՝ կրթության եւ գիտության նախարար պաշտոնավարելու տարիների վերաբերյալ վարկաբեկիչ, պիտակավորող «արժեւորումների» գործելաոճ կիրառել։ Այս մասին իր հոդվածում գրել է ԿԳ նախկին նախարար, ՀՅԴ անդամ Լեւոն Մկրտչյանը:

Նա, մասնավորապես, նշել է.

«Ըստ այդմ՝ հարկ եմ համարում ներկայացնել իմ պաշտոնավարման տարիների ընթացքում արձանագրված արդյունքների մի մասը։

Պաշտոնավարման տարիներ՝ 1998թ. ապրիլ- 1999թ. հունիս

Պաշտոնը ստանձնել եմ խիստ բարդ իրավիճակում։ Խորհրդային կրթական համակարգի փլուզումից հետո թերֆինանսավորման, արժեհամակարգերի փոփոխության պայմաններում իմ նախորդներին թեեւ հաջողվել էր փրկել կրթական ինստիտուցիոնալ կառույցները կազմաքանդումից, բայց կուտակված էին մնում հսկայական հիմնախնդիրներ։ Մասնավորապես՝

կրթության ոլորտը չուներ կարգավորող օրենսդրություն, բացակայում էր կրթության մասին մայր օրենքը.

չէր ձեւավորվել անկախ պետականությանը հարիր հանրակրթական համակարգը։ Դպրոցներում չկային դասագրքեր (յուրաքանչյուր դասարանում հաճախ կարելի էր գտնել տվյալ առարկայից երկու-երեք հնամաշ դասագիրք)։ Ուսուցիչները ստանում էին աներեւակայելի ցածր աշխատավարձ։ Դպրոցներից հեռացել էր տղամարդ ուսուցիչների մի ստվար զանգված:

բուհական եւ գիտության համակարգերը գտնվում էին խիստ ծանր նյութատեխնիկական վիճակում։

Իրավիճակը հաշվի առնելով՝ դեռեւս նախորդ նախարարի ժամանակ բանակցություններ էին սկսվել Համաշխարհային բանկի հետ՝ կրթական բարեփոխումներին ուղղված վարկային ծրագիր ձեւավորելու համար։

Մեկ տարի երկու ամիս լարված աշխատանքի շնորհիվ կարողացանք՝

համատեղ կոնսենսուսային աշխատանքով ընդունել ՀՀ կրթության օրենքը, որը գործում է առ այսօր,

Համաշխարհային բանկի հետ ստորագրված վարկային արտոնյալ համաձայնագրով սկսվեց ազգային կրթահամակարգի ձեւավորումը։

Փոխվեց դպրոցների կառավարման համակարգը, դրանք դարձան ինքնուրույն իրավաբանական անձ, մշակվեց դպրոցների՝ խորհուրդներով կառավարման մոդելը, սկսվեց ըստ աշակերտի ֆինանսավորումը եւ դպրոցների ինքնավարության ֆինանսական բաղադրիչի արմատավորման ծրագիրը.

խնդիր դրվեց յուրաքանչյուր տարի բարձրացնել երկրի ՀՆԱ-ում կրթության տեսակարար կշիռը (2%-ից 2008թ-ին այն հասավ 3.1%-ի).

մշակվեցին հանրակրթական առարկայական չափորոշիչները եւ դպրոցական համակարգը սկսեց ապահովվել անհրաժեշտ դասագրքերով։ Վարկային միջոցների վերադարձելիություննապահովելու համար ձեւավորվեց դասագրքերի շրջանառու հիմնադրամը, որի շնորհիվ կարճ ժամանակում յուրաքանչյուր դպրոց կարողացավ ձեւավորել սեփական դասագրքային ֆոնդը։ Ծրագիրն օրինակելի համարվեց Համաշխարհային բանկի կողմից եւ ներդրվեց բազմաթիվ երկրներում.

ձեւավորվեց կրթության ազգային ինստիտուտը, որը սկսեց զբաղվել ռազմավարական լուծումների մշակմամբ.

դպրոցներում վերականգնվեցին ռազմագիտություն, ազգային դիմագծի ձեւավորման համար կարեւոր առարկաներ, ինչը խիստ անհրաժեշտ էր ազգային կրթական համակարգի ձեւավորման համար.

կտրուկ բարձրացավ ուսուցիչների աշխատավարձը, ձեւակերպվեցին դրույքների, դասարանների խտության չափորոշիչները.

գիտության մեջ ֆինանսավորման ավանդական ձեւաչափի հետ զարգացավ թեմատիկ ֆինանսավորման առաջադեմ ձեւը.

բարձրագույն կրթության մեջ սկսվեցին հիմնախնդիրների գույքագրման եւ եվրոպական մասնագիտական կրթության չափանիշներին նախապատրաստելու աշխատանքները։

Պաշտոնավարման տարիներ՝ 2001թ. նոյեմբեր – 2003թ. հունիս

Շարունակելով նախարար Է.Ղազարյանի բովանդակային փոփոխությունների քաղաքականությունը՝ մշակվեց ազգային կրթակարգը, որն իր տեսակի մեջ առաջինն էր տարածաշրջանում։ Վրաստանը միայն տարիներ անց իրականացրեց նման ծրագիր։ Ծրագիրն ուղղված էր հանրակրթական դպրոցների որակի բարձրացմանը եւ հավասար հնարավորությունների ստեղծմանը մեծ ու փոքր, քաղաքային եւ մարզային դպրոցների համար։ Հիմնական շեշտադրում էր կատարված ազգային դաստիարակության համար անհրաժեշտ առարկայախմբերի առկայությանը, ներմուծված էր քաղաքացիական եւ իրավական կրթության առարկայախումբը։

Գործադրվեց ուսուցիչների պարտադիր վերապատրաստման համալիր ծրագիրը։

Վերականգնվեցին շատ նախնական եւ միջին մասնագիտական կրթական հաստատություններ։

Project Harmony կազմակերպության հայկական ներկայացուցչության հետ սկսվել էր փորձնական ծրագիր՝ շուրջ 150 դպրոց կոմպյուտերիզացնելու եւ ցանցային կապով կապելու ուղղությամբ։ Այդ հիմքով բանակցություններ սկսվեցին Համաշխարհային բանկի հետ ապագա վարկային ծրագրի շուրջ, որի ժամանակ մշակվեց եւ իրականացվեց Հայաստանի հանրակրթական դպրոցների համալիր կոմպյուտերիզացիայի եւ ցանցի ձեւավորման մեծ նախաձեռնությունը։

Հիմնվեց Կրթական տեխնոլոգիաների ազգային կենտրոնը (ԿՏԱԿ) եւ սկսվեց դպրոցները համակարգիչներով ապահովելու ծրագրի իրագործումը։ Վարկային ծրագիրն իրականացվեց հաջորդ նախարար Ս. Երիցյանի պաշտոնավարման ընթացքում եւ արձանագրեց լուրջ արդյունքներ։

Այս շրջանում էր, որ կրթական համակարգը պահպանման տրամաբանությունից անցում կատարեց զարգացման եւ եվրոպական կրթական համակարգում ներառվելու՝ հավակնոտ խնդրի կատարմանը։

Հայաստանում սկսվեցին աշխատանքներ բարձրագույն կրթական համակարգը եվրոպական չափորոշիչներին մոտեցնելու եւ եվրոպական մասնագիտական կրթական դաշտի մեջ ընդգրկվելու ուղղությամբ։ Մենք պիլոտային մակարդակով մաս կազմեցինք համաեվրոպական մի քանի ծրագրերի։

Պաշտոնավարման տարիներ՝ 2006թ. մայիս – 2008թ. հունիս

Երկրում իրականացվել էր երկրորդ վարկային ծրագրի մեծ մասը։ Ընդունվել էին կրթական մի շարք ոլորտներ կանոնակարգող օրենքներ։ Մենք մաս էինք կազմել Բոլոնիայի համաեվրոպական գործընթացին, ներդրվել էր բարձրագույն կրթության եռաստիճան համակարգը։

Հիմնական նպատակ էր դարձել երկիրը նախապատրաստել կրթական որակի նոր չափանիշների ընդունմանը եւ կրթական արդյունքների ճանաչմանը միջազգային մակարդակով։

Ավարտվեց բուհական ընդունելության քննությունները նախարարությունից անկախ իրականացնելու ծրագիրը։ Գնահատման եւ թեստավորման կենտրոնը սկսեց լիարժեք աշխատել։ Հետագայում այս կենտրոնը տեղափոխվեց վարչապետի աշխատակազմ։

Ձեւավորվեց կրթության որակի ապահովման անկախ կենտրոնը, որն իր հետեւողական աշխատանքի շնորհիվ այսօր լիարժեք ճանաչված է ամենահեղինակավոր միջազգային կառույցների կողմից։

Մշակվեց որակավորումների ազգային շրջանակը, ինչը հնարավոր դարձրեց ՀՀ կրթության որակի ճանաչումը միջազգային մակարդակով։

Լիարժեք սկսեց աշխատել կրթական վիճակագրության համակարգը ՀՀ-ում, եւ այն ստացավ բարձր գնահատական մեր միջազգային գործընկերների կողմից։

Սկսվեցին աշխատանքներ Հայաստանում ավագ դպրոցների ձեւավորման ուղղությամբ։ Ավագ դպրոցների ցանցը պետք է ապահովեր կրեդիտային համակարգի լիարժեք ներդրումը կրթական համակարգում եւ դյուրացներ հանրակրթություն – բակալավրիատ անցումը։ Ծրագրի համար ընտրվեց փորձնական դպրոցների խումբ։ Քաղաքականության իմպլեմենտացիան սկսվեց 2008թ.-ից հետո։

Պաշտոնավարման տարիներ՝ 2016թ. փետրվար – 2018թ. ապրիլ

Պաշտոնավարման այս շրջանում կրթագիտական համակարգի առջեւ ծառացած էին որակապես այլ հիմնահարցեր։ Նոր՝ ժամանակակից աշխարհին բնորոշ կրթակարգի կառուցումը, համալսարանական կրթության որակի, միջազգային վարկանիշային ցանկերում ներառվելու հրամայականը, գիտություն, կրթություն եւ աշխատաշուկա գործնական եւ կիրառելի մոդելի ձեւավորումը կարեւոր նպատակներ էին եւ շարունակում են մնալ նաեւ այսօր։ Կատարվել էր մեծ աշխատանք։ Հայաստանում էր գումարվել եվրոպական բարձրագույն կրթության համակարգի ամենահեղինակավոր համագումարներից մեկը։ Ընթացք էր տրված «Հորիզոն-2020» գիտական խոշորագույն ծրագրին անդամակցելու գործընթացին։ Սկսվել էր բարձրագույն կրթության նոր օրենքի մշակման աշխատանքը։ Սկսվել էր ավագ դպրոցների վերանորոգման համալիր ծրագիրը, ընտրվել էին համապատասխան դպրոցները։

Մշակվեց կրթության նոր ռազմավարությունը, սկվեց նոր կրթակարգի ձեւավորումը:

Մշակվեցին փոքր դպրոցների կառավարման, հեռավար կրթության ներդրման ծրագրեր։

Ավարտվեց դպրոցական էլեկտրոնային գրադարանի ձեւավորումը:

Տարածքային կառավարման նախարարության հետ մշակվեց դպրոցների ֆինանսավորման նոր կարգը։

Մեծ հաջողություն էր ՀՀ միջնակարգ կրթության ավարտական վկայականների միջազգային ճանաչումը, այդ թվում՝ մի շարք առաջավոր եվրոպական երկրների կողմից։

Մշակվեց ընդունելության քննությունների գործող համակարգի բարելավման ծրագիրը, որի հիմքում ընկած է ուսանողի՝ տարվա ընթացքում մեկից ավելի անգամ քննություն հանձնելու փորձ կատարելու եւ քննական արդյունքներից հետո բուհը ընտրելու իրավունքը։

Մշակվեց հանրակրթության ապաքաղաքական ինքնավար կառավարման մոդելը, որով արմատապես բարեփոխվելու էր դպրոցական խորհուրդների աշխատանքը։

Մշակվեց առաջին դասարանների էլեկտրոնային ընդունելության ծրագիրը։

Ուսուցիչների սոցիալական վիճակի արմատական բարելավման եւ վերապատրաստումների որակական նոր չափանիշների ներդրման համար ֆինանսական աջակցության պայմանավորվածություն ձեռք բերվեց մեր եվրոպական գործընկերների հետ։

Բնագիտական առարկաների նոր ստանդարտների կիրառման եւ կրթության ազգային ինստիտուտի բարեփոխման համար, ինչպես նաեւ Հայաստանի մարզերից մեկում հանրակրթական քլաստերի ձեւավորման նպատակով պայմանավորվածություն ձեռք բերվեց Եվրամիության հետ 2018թ.-ի կեսերից սկսել հստակ ազգային ծրագիր, որը մանրամասնորեն մշակվեց եւ հաստատվեց համատեղ ջանքերով։

ՌԴ գործընկերների հետ աշխատանքի արդյունքում «Դպրոցական սնունդ» ծրագիրը մեծ ֆինանսավորում ստացավ։

Մշակվեց «Ուսուցիչ» ծրագիրը, որը հնարավորություն կտա լավագույն ուսուցիչներին իրենց գիտելիքները հաստատելու ճանապարհով ստանալ մինչեւ 300000 ՀՀ դրամ աշխատավարձ։

Մշակվեց բարձրագույն կրթության մասին օրենքի նախագիծը եւ բարձրագույն կրթության համալիր բարեփոխումների ծրագիրը։ Ընդառաջելով մեր խնդրանքին՝ Համաշխարհային բանկը, իր միջոցների հաշվին, բարձրագույն կրթության օրենքի մշակման համակարգի կառավարման նոր մոդելի ձեւավորման համար ներգրավեց աշխարհի լավագույն մասնագետներից կազմված աշխատանքային խումբ։ Բարձրագույն կրթության մասին օրենքի նախագծում ներառվեցին խիստ կարեւոր սկզբունքներ։ Մասնավորապես՝ ուսանողների կրթության ձեւը եւ տեւողությունը ընտրելու իրավունքի մեծացում, ազատ տեղաշարժի եւ ֆինանսավորման արդի համակարգերի ներդրում, հեռակա ուսուցման վերափոխում, հայոց լեզվի պարտադիր քննության նորմի ամրագրում, մասնագիտական եւ ծրագրային հավատարմագրման համակարգի ներդրում եւ այլն։

Գիտության եւ բարձրագույն կրթության բնագավառում սկսվեցին մշակումները երկու գիտակրթական քլաստերների ձեւավորման ուղղությամբ (բնագիտական եւ հայագիտական), երբ մագիստրանտը հնարավորություն էր ունենալու իր կրեդիտները հավաքելու բարձրագույն կրթական հաստատությունում, գիտական ինստիտուտում եւ բիզնեսը ներկայացնող հաստատությունում՝ իր կրթավճարի շրջանակներում։ Նաեւ նախատեսվում էր, կառավարության հատուկ որոշմամբ, բնագիտական եւ հայագիտական որոշ մասնագիտությունների համար կրթությունը դարձնել անվճար։ Կատարված էին անհրաժեշտ ֆինանսական հաշվարկներ։

Գիտության բնագավառում Հայաստանը լիարժեք անդամության կարգավիճակով անդամակցեց «Հորիզոն 2020» ծրագրին։ Այս տարի ունեցանք ֆինանսավորման առաջին կարեւոր արդյունքները։

Այս ծրագրերից շատերը ներկայումս իրագործման փուլում են։

Վերջում մի կարեւոր եզրահանգում՝ կրթական բարեփոխումների հաջողության գրավականը աշխատանքների շարունակականության մեջ է։ Շարունակականություն, որն ընդունակ է հենվելու նախկին դրական փորձի վրա եւ առաջարկելու նոր՝ առավել կատարելագործված զարգացման մակարդակ։

Հ.Գ. Այնուհանդերձ, եթե կրթության շուրջ ներկայումս նկատվող դիսկուրսը տեղափոխվի բովանդակային դաշտ, կցանկանայի կատարել մի շարք հարցադրումներ, որոնք էության մեջ ռազմավարական են, եւ սրանց պատասխաններից է կախված կրթական քաղաքականության ուղղությունը։ Բնականաբար, հարցադրումները կատարվում են՝ իմ աշխարհընկալումից ելնելով։

1. Ի՞նչ է կրթությունը եւ ի՞նչ դեր ունի այն քաղաքակրթության համակարգում։ Արդյոք, կրթությունը միայն գիտելի՞ք է, թե՞ գիտելիք է՝ գումարած շատ կարեւոր մեկ այլ արժեք, որը կարող ենք, օրինակ, անվանել դաստիարակություն։

2. Ի՞նչ է կրթական համակարգը եւ ի՞նչ դերակատարում ունի պետականաշինության մեջ։

3. Ի՞նչ զենք է կրթությունը եւ ի՞նչ նշանակություն ունի ազգային շահի ու նպատակի իրականացման տեսանկյունից։ Գտնո՞ւմ ենք, արդյոք, որ մեծ ազգերի ռազմավարության մեջ կրթությունն ունի հարձակողական եւ ծավալապաշտական դերակատարում, իսկ փոքր ազգերի համար կրթությունը ունի մեծ պաշտպանողական ֆունկցիա վերջիններիս լինելիության ապահովման ճանապարհին։

4. Կա՞, արդյոք, համաշխարհային կրթական համակարգ, թե՞ մշակված են ընդամենը համակեցության կանոններ եւ փոխադարձ ճանաչելիության կոմպրոմիսային քաղաքակրթական չափորոշիչներ։ Ինչպիսի՞ գլոբալ մրցակցություն է գնում աշխարհում կրթական գերտերությունների միջեւ, եւ ինչպիսի՞ խնդիրների առջեւ է կանգնում փոքր երկրների ազգային կրթական համակարգը։

5. Ինչպե՞ս պահել ինքնությունը եւ ետ չմնալ համաշխարհային առաջընթացից։ Հայաստանում առկա կրթական հավասարակշռության բազմավեկտոր համակարգն ի՞նչ զարգացման հեռանկարներ ունի»։

դիտվել է 184 անգամ
Լրահոս
Հրապարակ իջնելուց առաջ, լայն բացեք գապանները. Թանկացող ապրանքների համառոտ ցանկը և չափը Սոված փորով գան, հրապարակում թռվռան, որ ի՞նչ անեն Մամեդյարովը «պայթեցնում է» Փաշինյանի ղարաբաղյան փաթեթը՝ «Լավրովի պլանով» Անգործության և դառը իրականության արանքում Ուժգին հարված՝ ընդդեմ ռուս-թուրքական տանդեմի Նիկոլ Փաշինյանը նախապատրաստեց.որ նախարարներին «կզոհաբերի» Մամեդյարովի լավ և վատ լուրը Եթե Մամեդյարովի հայտարարությունը իրականություն է, ապա մենք լուրջ մտահոգվելու առիթ ունենք Ծաղկաձորի «Գոլդեն Փելիսը» պետությանը նվիրելուց հետո ՊԵԿ նախկին նախագահ Արմեն Ավետիսյանի վերաբերյալ գործի վարույթը կարճվել է. Հետք Կարո Փայլան․ «Հայ ժողովրդի վերքերը կարող է ապաքինել միայն Թուրքիայի խորհրդարանը» Դավիթ Ավանեսյանը պաշտպանել է Եվրոպայի չեմպիոնի տիտղոսը (տեսանյութ) «Ադրբեջանը փուլային տարբերակի տակ հասկանում է այլ բան՝ Արցախի պետականության աստիճանական, փուլային ապամոնտաժում». Դավիթ Բաբայանը՝ Մամեդյարովի հայտարարության մասին Բադասյանի հակափաստարկներն ամենևին չփարատեցին նախագծի հետ կապված իմ մտահոգությունները. Դավիթ Հարությունյան ՀՀ ԱԳ փոխնախարարն անընդունելի է համարել ՍԾՏՀ-ն քաղաքական առճակատման հարթակ դարձնելու փորձերը Պարզվել է, որ բնակարանային գողությունը կատարել է նախկինում 7 անգամ դատապարտված «Մաուգլի» մականունով մի տղամարդ/տեսանյութ/ Մասիս Մայիլյանն ու Անջեյ Կասպշիկը քննարկել են շփման գծում տիրող իրավիճակը Փաշինյանի իշխանությունը 2020 թ․–ին արագ կհեռանա․ Վոլոդյա Հովհաննիսյան. անոնս Մտել էր թոշակառուների բնակարաններ ու 1 միլիոն դրամից ավելի փող գողացել «Ինչի՞ մասին են վկայում ԱՄՆ Սենատի բանաձևի առթիվ ՀՀ քաղաքական ղեկավարության անդրադարձները». Վ. Ավետիսյան «Թուրքիան, կարծես թե, սկսում է մեր ատոմակայանից». Կարեն Հովհաննիսյան «Արթուր Մովսիսյանին նորից բանտ են տանում». «Սասնա Ծռեր» Ինչ են խոսել Լավրովն ու Չավուշօղլուն Ես ոչ մի օր և ոչ մի վայրկյան չեմ ընկճվել Պոպուլիզմն անվերջ չէ, փուչիկը շատ փչելուց պայթում է, Նիկո՛լ Ո՞ւր ես, Զոհրա՛բ, վարչապետիդ վերցրու ու դուրս եկեք, կոնսուլտացիան է եկել (տեսանյութ)
Ամենաընթերցվածները
Շուտով
Դեկտեմբերի 14-ին, ժամը 13:00 Grand Hotel Yerevan-ում (հասցեն՝ Աբովյան 14) տեղի կունենա մամուլի ասուլիս՝ նվիրված դեկտեմբերի 15-ին, ժամը 19:00 Արամ Խաչատրյան համերգասրահում կայանալիք բացառիկ համերգային երեկոյին: Ասուլիսի բանախոսներն են՝ · Իտալացի ճանաչում վայելող դիրիժոր Ջանլուկա Մարչիանոն · Համաշխարհային ճանաչում վայելող կիթառահար Պետրիտ Չեկուն (Խորվաթիա/Կոսովո), ով սերտ համագործակցում է հանրահայտ Hauser-ի և այլ գերաստղերի հետ Դեկտեմբերի 14-ին՝ ժամը 18.00‚ Արամ Խաչատրյան համերգասրահում տեղի կունենա Խաչատրյանի միջազգային 7-րդ փառատոնի բացման համերգը։ Հայաստանի պետական սիմֆոնիկ նվագախմբի հետ ելույթ կունենա աշխարհահռչակ ջութակահար‚ «Գրեմմի» մրցանակի կրկնակի դափնեկիր Մաքսիմ Վենգերովը։ Կներկայացվեն Ջոն Տեր-Թադևոսյանի թիվ 2 սիմֆոնիան՝ «Մարդու ճակատագիրը»‚ Մաքս Բրուխի Ջութակի թիվ 1 կոնցերտը‚ Մորիս Ռավելի «Գնչուհի» կոնցերտ-ռապսոդիան ջութակի և նվագախմբի համար։ Դրիժոր՝ Սերգեյ Սմբատյան։ Սիրով հրավիրում ենք լուսաբանելու։ Դեկտեմբերի 14-ին՝ ժամը 12:00-ին, Պոստ Սկրիպտում մամուլի ակումբում ԲՀԿ խմբակցության պատգամավոր Սերգեյ Բագրատյանը կխոսի ՀՀ ԱԺ վերջին հերթական եւ արտահերթ նիստերի ընթացքում քննարկված եւ ընդունված խնդրահայրույց նախագծերի, դրանց հետեւանքների մասին, ինչպես նաեւ կանդրադառնա օրակարգային այլ հարցերի: Դեկտեմբերի 13-ին՝ ժամը 13:00-ին Հայելի ակումբի հյուրն է Թալին ջոկատի հրամանատար Սարգիս Կարապետյանը: Բանախոսը հանդես կգա հայտարարությամբ: Դեկտեմբերի 13-ին՝ ժամը 12:00-ին Հայելի ակումբի հյուրերն են «Ռեֆորմիստներ» կուսակցության հիմադիր Վահան Բաբայանը և «Ազգային համաձայնություն» կուսակցության նախագահ Արամ Հարությունյանը: Թեմա` Հայաստանը ստանձնում է 152 մլն դոլարի վարկի պարտավորություն, ՀՀ 2-րդ նախագահ Ռ. Քոչարյանի վերջին հարցազրույցը, ամանորյա տոներին ընդառաջ` վարչապետ Նիկոլ Փաշինյանի և նրա տիկնոջ Աննա Հակոբյանի ուղերձները հանությանը: Դեկտեմբերի 13-ին, ժամը 13.00 «Տեսակետ» մամուլի ակումբի հյուրն է ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն, կենսաբանական գիտ. դոկտոր, պրոֆ. Բարդուղ Գաբրիելյանը: Թեման՝ «Սևանա լճի խնդիրները, կենսառեսուրսների պաշարը և ընդհանուր վիճակը, հարակից հարցեր: Տարվա ամփոփում»: Ս․թ․ դեկտեմբերի 13-ին` 11:00-ին, ԹՈՒՄՈ Ստեղծարար տեխնոլոգիաների կենտրոնում տեղի կունենա Եվրոպական Միության «Ստեղծագործ Եվրոպա» ծրագրի ամենամյա ամփոփիչ միջոցառումը` «Ստեղծել, Արժևորել, Պահպանել» խորագրի ներքո: Միջոցառմանը մասնակցելու են Հայաստանում հավատարմագրված դեսպաններ, պետական պաշտոնյաներ, մշակութային գործի ԵՄ պատվիրակության ղեկավարի տեղակալ Եկատերինա Դորոդնովանև Հայաստանում ՀՀ ԿԳՄՍ փոխնախարար Արա Խզմալյանը սկզբում բացման խոսքով հանդես կգանՄիջոցառման ԴԵԿՏԵՄԲԵՐԻ 13-ին՝ ժամը 11:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանի ասուլիսը: ԹԵՄԱ.- Հանրակրթության պետական չափորոշչի և առարկայական ծրագրերի վերանայում, միջազգային համագործակցություն: Դեկտեմբերի 13-ին՝ ժամը 12:00-ին, «Հենարան» մամուլի ակումբում կհյուրընկալվի ՀՅԴ Բյուրոյի տնտեսական հետազոտությունների գրասենյակի ծրագրերի համակարգող Թադևոս Ավետիսյանը: ԹԵՄԱ՝ կառավարությունը 2022 թ. կսահմանի առողջապահության հարկ՝ աշխատավարձի 6%-ի չափով․ իրականացվող ներդրումների իրական պատկերը. 2020 թ. հունվարին՝ կապված ԵԱՏՄ կանոնակարգերի հետ, սպասվում է գնաճ շուրջ 700 անուն ապրանքի համար. 2019 թ. տնտեսական ցուցանիշները: Դեկտեմբերի 13-ին, ժամը 13:00-ին «Հայացք» մամուլի ակումբի հյուրն է Ժառանգություն կուսակցության խորհրդի նախագահ Րաֆֆի Հովհաննիսյանը: Թեման՝ Քաղաքական տարվա ամփոփում