Դատավորների հեղափոխությունը

 Երևանի առաջին ատյանի դատարանը, դատավոր Աննա Դանիբեկյանի նախագահությամբ, նոյեմբերի 19-ին մերժել է ՀՀ երկրորդ նախագահ Ռոբերտ Քոչարյանի փաստաբանական թիմի՝ մեղադրող դատախազ Պետրոս Պետրոսյանին բացարկ հայտնելու միջնորդությունը: Ըստ դատարանի` մերժման մասին որոշումը ենթակա չէ բողոքարկման:

Դատախազի բացարկի հայտում Քոչարյանի պաշտպանները նշել էին, որ նախաքննության ընթացքում վարույթ ներկայացնող մարմինը թույլ է տվել մի շարք խախտումներ, այդ թվում ապօրինի խուզարկություններ, գործի հետ կապ չունեցող գույքի ապօրինի առգրավում, թաքցրել են Ռոբերտ Քոչարյանի օգտին տված ցուցմունքները։ Դատախազը, սակայն, անտեսել է դրանք և քննչական որևէ գործողություն չի ձեռնարկել, ինչն էլ հիմք է տվել պաշտպաններին պնդելու, թե դատախազ Պետրոսյանը դրսևորել է կանխակալ վերաբերմունք և տվյալ գործի շրջանակում չի իրականացրել պատշաճ դատախազական վերահսկողություն։

Ռոբերտ Քոչարյանի փաստաբանական խմբի անդամ Հովհաննես Խուդոյանը նիստից հետո հայտարարել է, որ յուրաքանչյուր դատական նիստից ու նման ակտից հետո ավելի է ամրապնդվում այն կարծիքը, որ այս պրոցեսը արդարադատության ու իրավական պետության հետ որևէ առնչություն չունի, դատավորն էլ ավելի է ամրապնդում այն կարծիքը, որ ինքը կանխակալ է գործում։ Խուդոյանը հայտարարել է, որ ինքը հիմքեր է տեսնում դատավոր Աննա Դանիբեկյանին ինքնաբացարկ հայտնելու միջնորդություն ներկայացնելու համար, սակայն այդ հարցը պետք է քննարկի գործընկերների հետ։ Դատական նիստին ներկա էր նաև Քոչարյանի ֆրանսիացի փաստաբան Սևակ Թորոսյանը, ով մեղադրող կողմի ելույթի ժամանակ ցուցադրաբար լքել է նիստերի դահլիճը` հայտարարելով, որ այլևս չի կարող ներկա լինել այս կրկեսին:

Նախօրիեն «Հայելու առաջ» հաղորդման ժամանակ Սևակ Թորոսյանը հայտարարել էր, որ Հայաստանի դատական համակարգում տիրում է վախի մթնոլորտ: Ըստ նրա` դատավորները երազում են, որ Քոչարյանի գործը իրենք չքննեն: Ընդհանրապես փաստաբանը դատաիրավական համակարգի նկատմամբ ճնշումը չի կապում միայն Ռոբերտ Քոչարյանի գործի հետ։ Նա համոզված է, որ դատավորները պետք է ոտքի կանգնեն և պաշտպանեն իրենց իրավուքները. «Եվրոպայում դատավորների նկատմամբ նման ճնշումներն անձամբ դատավորները չէին հանդուրժի և առնվազն հազար դատավոր ոտքի կկանգներ․ Հայաստանում դատավորներն ամփոփված են իրենք իրենց մեջ, մինչդեռ պետք է դուրս գան, պայքարեն իրենց իրավունքների համար»,- ասել էր նա և իր մասնագիտական պրակտիկայից բերել կոնկրետ օրինակ, թե ինչպես են Պաղեստինի նման բռնապետական երկրում երեք դատավոր դեմ գնացել երկրի իշխանությանը և կայացրել արդարացման որոշում: Հետագայում այդ դատավորները տարբեր իրավիճակներում սպանվել են, բայց ամեն դեպքում նրանք ունեցել են համարձակություն` կայացնելու արդար որոշում` դեմ գնալով իրենց երկրի իշխանությանը, զոհելով սեփական կյանքը:

Ներկա իրավիճակում դատավոր աշխատել ու կայացնել արդարացի որոշումներ, այն էլ այնպիսի բարդ, հակասական և հնչեղ դատավարության ընթացքում, ինչպիսին Քոչարյանի գործն է, իրապես շատ դժվար է: Դատավորներն այսօր ավելի, քան երբևէ, կրկնակի ճնշման տակ են: Եթե նախկինում դատավորներն ուղղակի ճնշումների տակ էին քաղաքական բարձր իշխանության կողմից, ապա այսօր դրան գումարվել է նաև վստահության դեֆիցիտով հանրային ճնշումը: Հանուն արդարության պետք է նշել, որ Քոչարյանն այսօր քաղում է նաև իր սերմանած համակարգի պտուղները: Ժամանակին Հայաստանի որևէ նախագահ, այդ թվում նաև նույն ինքը` Քոչարյանը, այսպես էլ իրական անկախություն և ազատություն չտվեց դատարաններին: Արդյունքում մենք այսօր ունենք այն, ինչ ունենք:
Դատարաններն ու դատավորներն իրենք այսօր ունեն պաշտպանության կարիք: Հեղափոխական իշխանությունը ստեղծել է մի վիճակ, երբ ցանկացած դատավոր կարող է պիտակավորվել, հրապարակային պարսավանքի ենթարկվել և մերժվել, ինչպես դա տեղի ունեցավ Քոչարյանի կալանքը վերացրած դատավորների դեպքում: Նման իրավիճակից դատավորները պետք է ելք գտնեն ու թույլ չտան, որ օրենքով և սահմանադրությամբ իրենց վերապահված անկախությունը որևէ մեկը խլի: Ի վերջո, այսօր կայացված ցանկացած որոշման համար հետագայում իրենք պատասխանատու են դառնալու` օրենքի, խղճի և Աստծո առաջ: Դատավորները պարտավոր են անել իրենց հեղափոխությունը, որպեսզի այլևս երեբք որևէ իշխանություն չփորձի ունենալ գրպանային դատարան և կլանային դատավոր: Դատավորները պարտավոր են դա անել հանուն Հայաստանի Հանրապետության, նաև հանուն սեփական անձի և արժանապատվության:

 


 Հայկ  Դավթյան

 

 

դիտվել է 1558 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am