Ձեր եղբոր տղայի կուսակցությունը կստանա քրեական գործերը․ Արայիկ Հարությունյանը՝ ԵՊՀ դոցենտին

ԿԳՄՍ նախարար Արայիկ Հարությունյանը դասախոսական կազմի հետ հանդիպմանը, ԵՊՀ Հայոց լեզվի ամբիոնի դոցենտ Ռիտա Սաղաթելյանին ասաց. «Ձեր եղբոր տղայի կուսակցությունը անպայման կստանա այդ արկղերով քրեական գործերը:  պրոֆեսորադասախոսական կազմի հետ հանդիպման ժամանակ»։

 Ռիտա Սաղաթելյանը որևէ կուսակցության անդամ չէ, բայց քանի որ նրա եղբոր որդի Իշխան Սաղաթելյանը ՀՅԴ Հայաստանի ԳՄ ներկայացուցիչն է, նախարարը թիրախավորեց դոցենտին՝ սպառնալից տոնով հայտարարելով․ «Հիմա ձեր քաղաքական թիմին գամ․․․» և ավելացրեց, որ քրեական գործեր հարուցելու նպատակով հարցում է ուղարկել և սպասում է, որ ստանա բոլոր պատասխանները։ ԵՊՀ դոցենտի խոսքը, թե իր հարցը հայոց լեզվի մասին է, Արայիկ Հարությունյանը կոպիտ ընդհատեց՝ ասելով՝ իբր Ռիտա Սաղաթելյանն է քաղաքական բանավեճ սկսում։

Ռիտա Սաղաթելյանը փորձեց պարզաբանել, որ նախարարը մտադիր է «Հայոց լեզու» առարկան հանել բուհերից, որպեսզի դասախոսներին, իբր, զրկի «կոռուպցիոն վտանգից»։ Նա հետաքրքրվեց՝ նախարարն ունի՞ արդյոք կոռուպցիոն դեպքի որևէ փաստ։ Արայիկ Հարությունյանը հարցն անպատասխան թողեց՝ խեղաթյուրելով թեման և հակադարձելով․ «Բարի եղեք լսեք ինձ, եթե դա նույնիսկ ձեր քաղաքական թիմի ականջներին հաճո չէ»։ ԵՊՀ Հայոց լեզվի ամբիոնի դոցենտ Ռիտա Սաղաթելյանի դեմ սպառնալիքներն ավարտելով՝ Արայիկ Հարությունյանն անցավ ԵՊՀ դոցենտ Սերժ Սրապիոնյանին։ «Սրապիոնյանը, որին ուզում էիք այսօր բերել այստեղ հարցազրույցի․․․․ նախարարին և նախարարությանը «երիտթուրք» է անվանում և «արարած» է անվանում»,- սաստեց նա։ Ամփոփելով՝ Արայիկ Հարությունյանն ասաց, որ պրոֆեսորադասախոսական կազմը «մենք-դուք»-ի է բաժանում, մինչդեռ այդպիսի բաժանում չկա։